ការងារផ្ទះ៥យ៉ាង ស្វាមីគួរជួយធ្វើ ពេលប្រពន្ធមានផ្ទៃពោះដើម្បីចៀសវាងគ្រោះថ្នាក់ដល់កូនក្នុងផ្ទៃ

2018-07-31 03:03:11
ចំនួនមតិ 0 | ចំនួនចែករំលែក 0

កិច្ចការក្នុងផ្ទះគឺជាបន្ទុកមួយដែលវិលជុំគ្មានថ្ងៃរួចរាល់ អស់ពីមួយថ្ងៃទៅមួយថ្ងៃ។ ទោះសម័យបច្ចុប្បន្នគេជឿថាមានសមភាព Gender មែនពិត តែមនុស្សស្រីហាក់នៅតែរ៉ាប់រងការងារក្នុងផ្ទះច្រើនជាងមនុស្សប្រុស ។ ទោះបីការងារផ្ទះជាការងារគ្មានគ្រោះថ្នាក់ តែនៅពេលស្ត្រីចាប់ផ្ដើមពពោះ ការងារផ្ទះ ៦ យ៉ាងនេះ ដែលនាងមិនគួរធ្វើព្រោះអាចប៉ះពាល់ដល់កូនក្នុងផ្ទៃ ដូច្នេះស្វាមីទាំងឡាយគួរជួយ និងប្រាប់ប្រពន្ធ៖

១. ការជូតសម្អាតទូទៅ

នៅពេលដឹងថាខ្លួនមានផ្ទៃពោះ ស្ត្រីគួរឈប់សំអាតផ្ទះរាល់ថ្ងៃ ដោយប្រើផលិតផលគីមីផ្សេងៗដូចជា ទឹកបាញ់លាងសម្អាតកញ្ចក់ ឬ បាញ់ស្ព្រៃយ៍ក្លិនក្រអូបក្នុងបន្ទប់ទឹកអីជាដើម។ នៅកំឡុងពេលអ្នកមានផ្ទៃពោះ ស្បែកអ្នកងាយនិងប្រតិកម្ម ។ ម៉្យាងទៀតកាយវិការសម្អាតខ្លះត្រូវការបត់បែនដូចជាបោសផ្ទះ ជូតឥដ្ឋជាដើមដែលធ្វើឲ្យឈឺសន្លាក់នៅថ្ងៃមុខ។ ដូច្នេះការចែករំលែកការងារផ្ទះជាមួយដៃគូជារឿងដែលត្រូវធ្វើ។

២. លាងសម្អាតសំណល់សត្វចិញ្ចឹម

នៅផ្ទះអ្នកដែលស្រលាញ់សត្វចិញ្ចឹមដូចជាឆ្កែ ឆ្មា សត្វស្លាបជាដើម គឺជៀសមិនផុតពីត្រូវលាងសម្អាតសំណល់សត្វនោះទេ។ បើអ្នកកំពុងមានផ្ទៃពោះ ហាមធ្វើកិច្ចការមូយនេះទៀត ព្រោះអាចប៉ះពាល់សុខភាព ដោយសារឆ្លងសត្វល្អិត ព្រូន ចៃ ពីពពួកសត្វចិញ្ចឹមនេះ។ វាក៏អាចនាំឲ្យមានអាការរលាក ក្លាយផ្សេងៗដែលប៉ះពាល់ខ្លាំងដល់គភ៌។ បើគ្មានជម្រើសគូរតែចេះប្រើស្រោមដៃនិងម៉ាស់ការពារ ពេលលាងសម្អាត។

៣. ដុសលាងបន្ទប់ទឹក

អ្នកខ្លះនិយមលាងបន្ទប់ទឹកដោយប្រើទឹកថ្នាំលាង ដែលផ្ទុកជាតិអាស៊ីដ។ អាស៊ីដទាំងនេះមានក្លិនខ្លាំងដែលមិនត្រឹមតែប៉ះពាល់ស្បែកអ្នកទេ ថែមទាំងអាចធ្វើឲ្យទារកកើតមកមិនគ្រប់លក្ខណៈ និងប៉ះពាល់ធ្ងន់ធ្ងរផ្សេងៗទៀត។ ម៉្យាងទៀតការលាងសម្អាតបន្ទប់ទឹកអ្នកនិងប្រឈមការរអិលដួល ដែលអាចធ្វើឲ្យរលូតកូន។

៤. បោកនិងហាលខោអាវ

ស្ត្រីមានផ្ទៃពោះមិនគួរបោកខោអាវឡើយ។ ការយោងទឹកធ្ងន់ៗអាចនាំឲ្យរលូតកូន ហើយទោះស្ត្រីខ្លះប្រើដែលប្រើម៉ាស៊ីនបោកក៏ដោយក៏នៅតែគ្រោះថ្នាក់ ព្រោះទឹកបន្ទន់សំលៀកបំពាក់អាចប៉ះពាល់ដល់ស្បែក ហើយពេលបោកនិងហាលត្រូវការឱនងើប និងឈោងដៃ ដែលអាចប៉ះពាល់ខ្លាំងដល់កូនក្នុងផ្ទៃ។

ក្រៅពីការងារខាងលើ ស្វាមីក៏គួរជួយលើកទឹកចិត្ត និងផ្ដល់ក្ដីស្រលាញ់ដល់ភរិយាក្នុងពេលមានផ្ទៃពោះ ព្រោះទង្វើតូចៗទាំងនេះអាចជួយឱ្យភរិយាមានអារម្មណ៍ល្អ ចំណែកកូនក៏លូតលាស់បានល្អផងដែរ។ ស្វាមីអាចធ្វើរឿងមួយចំនួនដូចជា ជូនប្រពន្ធទៅពេទ្យពិនិត្យឱ្យបានទៀងទាត់ ទិញផលិតផលល្អៗសម្រាប់ប្រពន្ធថែរក្សាសម្រស់ដូចជា Bio Oil ដែលអាចជួយការពារការកើតសង្វារក្នុងពេលមានផ្ទៃពោះ និងបំបាត់ស្នាមសង្វារក្រោយពេលសម្រាល ការនិយាយជាមួយកូនមុនពេលចូលគេង និងជូនភរិយាដើរលំហែឱ្យបានញឹកញាប់ជាដើម៕