ពិតអត់ គូស្នេហ៍ដែលឈ្លោះគ្នាច្រើនតែងស្រលាញ់គ្នាខ្លាំង?

2018-07-18 06:34:08
ចំនួនមតិ 0 | ចំនួនចែករំលែក 0

ជាធម្មតាស្នេហាចាប់ផ្តើមឡើងដោយភាពផ្អែមល្ហែមរ៉ូមែនទិច។ តែយូរៗទៅក៏ប្រែជារកាំរកូសមិនចេះចប់។ មានហេតុផលជាច្រើនជាច្រើនដែលមនុស្សពីរនាក់ចាប់ផ្តើមឈ្លោះគ្នា ការប្រច័ណ្ឌ ហួងហែង ពេលខ្លះក៏អត់មានហេតុផលច្បាស់លាស់។ ការឈ្លោះគ្នាខ្លះអាចឈានទៅដល់ការបែកគ្នា តែការឈ្លោះគ្នាខ្លះទៀតក៏ជាសញ្ញានៃការស្រលាញ់គ្នាខ្លាំងដែរ។ ហើយនេះជាហេតុផលដែលបញ្ជាក់គូស្នេហ៍ស្រលាញ់គ្នាខ្លាំងតែងឈ្លោះមិនចេះចប់មិនចេះហើយ៖

១. ការឈ្លោះគ្នាមានន័យថាអ្នកទាំងពីរមានក្តីសុខពេលនៅជាមួយគ្នា

នៅពេលដែលមនុស្សពីរនាក់ខ្លាចក្នុងការបញ្ចេញយោបល់ ខ្លាចគ្រប់រឿងនៅពេលស្រលាញ់គ្នាបានន័យថាស្នេហាបែបនេះគឺគ្មានក្តីសុខនោះទេ។ ពួកគេខ្លាចអ្នកណាម្នាក់ផ្លាស់ប្តូរនៅពេលឈ្លោះគ្នាព្រោះតែការមិនជឿជាក់លើស្នេហា។ នៅពេលដែលគូស្នេហ៍ចាប់ផ្តើមឈ្លោះគ្នាគឺជាសញ្ញានៃការមានក្តីសុខពេលស្រលាញ់គ្នា ហើយគេមានអារម្មណ៍ថាគេអាចនិយាយអ្វីដែលគេចង់និយាយធ្វើអ្វីដែលគេចង់ធ្វើដោយមិនខ្វល់ពីការឈ្លោះគ្នាបែកគ្នា។

២. គូស្នេហ៍ដែលឈ្លោះគ្នាច្រើនតែមានភាពខ្វល់ខ្វាយច្រើនដូចគ្នា

ដូចពាក្យគេនិយាយថា បើមិនស្រលាញ់ក៏មិននិយាយដែរ។ គូស្នេហ៍នៅពេលដែលមិនសូវខ្វល់ពីគ្នាក៏មិនសូវមានជម្លោះដែរ។ គេនឹងបណ្តោយឱ្យដៃគូរម្នាក់ទៀតធ្វើតាមអំពើចិត្តដោយមិនខ្លាចបាត់បង់បើសិនជាគេមិនសូវស្រលាញ់អ្នកទេនោះ។ អ្នកគួរតែកត់ចំណាំថា នៅពេលមនុស្សពីរនាក់ទើបស្រលាញ់គ្នាមិនសូវឈ្លោះគ្នាទេ ក៏ព្រោះតែការបារម្ភក៏តិច ការស្រលាញ់ក៏តិច។

៣. ការឈ្លោះគ្នាល្អគឺជាពេលដែលឈ្លោះគ្នាដើម្បីដោះស្រាយបញ្ហា

ការឈ្លោះគ្នាដោយសារតែយឺតយាវពេលណាត់ជួប មិនទិញកាដូឱ្យគឺជារឿងឥតប្រយោជន៍បំផុតព្រោះអ្នកទាំងពីរមិនបានទទួលអ្វីសោះក្រៅពីអន់ចិត្តនឹងគ្នា។ ការឈ្លោះគ្នាដែលមានប្រយោជន៍គឺជាការឈ្លោះពេលមានបញ្ហាអ្វីមួយហើយអ្នកព្យាយាមដោះស្រាយវា។ បើសិនជាអ្នកឈ្លោះគ្នាដោយបែបនេះ វាជាការល្អទៅវិញទេ។ នោះបានន័យថាគូស្នេហ៍ទាំងពីរឱ្យតម្លៃស្នេហា ហើយតាំងចិត្តតស៊ូមិនថាឈ្លោះគ្នាយ៉ាងណាក៏ដោយ។