ធ្វើរឿងតូចៗ ៨យ៉ាងនេះរាល់ថ្ងៃ អ្នកនឹងមានសុខភាពល្អ មិនងាយឈឺថ្កាត់
- 2018-07-16 05:53:20
- ចំនួនមតិ 0 | ចំនួនចែករំលែក 0
ធ្វើរឿងតូចៗ ៨យ៉ាងនេះរាល់ថ្ងៃ អ្នកនឹងមានសុខភាពល្អ មិនងាយឈឺថ្កាត់
ទម្លាប់ប្រចាំថ្ងៃរបស់អ្នកអាចធ្វើឱ្យប៉ះពាល់ដល់សុខភាពមួយផ្នែកធំ។ បើសិនជាអ្នកមានទម្លាប់ល្អនោះសុខភាពអ្នកក៏ល្អទៅតាមហ្នឹងដែរ។ ទាំងនេះជាការណែនាំខ្លះៗដើម្បីមានសុខភាពល្អទាំងអស់គ្នា៖
១. ញ៉ាំស៊ុតរាល់ព្រឹក
ការដែលញ៉ាំប្រូតេអ៊ីនដូចជាស៊ុតអាចជួយឱ្យអ្នកឆ្អែតបានយូរ ហើយថែមទាំងផ្តល់លំនឹងដល់ជាតិស្ករនៅឈាម។
២. កុំអង្គុយយូរពេក
អ្នកតែងតែអង្គុយច្រើនពេលដែលធ្វើការ ឬចំណាយពេលមើលទូរទស្សន៍នៅផ្ទះ។ ទម្លាប់បែបនេះធ្វើឱ្យកម្រិតមេតាប៉ូលីសរបស់អ្នកនឹងធ្លាក់ចុះ។ គួរតែអង្គុយ៣០នាទីធ្វើចលនាម្តង។
៣. ញ៉ាំគ្រាប់ធញ្ញជាតិ
អ្នកណាៗក៏ដឹងដែរថាគ្រាប់ធញ្ញជាតិសម្បូរទៅដោយប្រូតេអ៊ីន។ លើសពីនេះទៅទៀត គ្រាប់ធញ្ញជាតិក៏មានអាស៊ីតអូមេហ្គា៣ដែលជួយដល់សុខភាពបេះដូង។ វាក៏ល្អសម្រាប់អ្នកត្រូវបញ្ចេញថាមពលច្រើន។ ជំនួសដោយការញ៉ាំនំមិនល្អ គួរតែញ៉ាំគ្រាប់ធញ្ញជាតិ។
៤. មានកំណត់ចំណាំអ្វីដែលគួរ
កំណត់ចំណាំក៏ដូចជាការដាស់តឿនដែរ។ ការធ្វើបែបនេះជួយឱ្យអ្នកមានទម្លាប់ល្អមិនខាតពេលវេលា ហើយធ្ចើអ្វីទៀងទាត់ល្អ។
៥. ឧស្សាហ៍តាំងសម្មាធិ
យ៉ាងហោចណាស់១ថ្ងៃអ្នកគួរតែតាំងសម្មាធិឱ្យបាន១០នាទីហើយផ្តោតលើការដកដង្ហើម។ វាជួយឱ្យអារម្មណ៍ល្អ សុខភាពក៏ល្អទៅតាមហ្នឹង។
៦. ឆ្លៀតពេលហាត់ប្រាណ
អ្នកមិនចាំបាច់ទៅកន្លែងហាត់ប្រាណក៏បាន។ គ្រាន់តែឆ្លៀតពេលដើរពីកន្លែងធ្វើមកផ្ទះអ្នកក៏អាចហាត់បាន។ ចតឡានឬម៉ូតូឱ្យឆ្ងាយពីកន្លែងធ្វើការ អ្នកអាចឆ្លៀតពេលរត់ត្រឹកៗពេលចេញទៅយកវា។ ពេលទៅដល់ផ្ទះអ្នកអាចលើកដៃលើកជើងពេលធ្វើម្ហូប ជួយឱ្យអ្នកកាន់តែមានអារម្មណ៍ស្រស់ស្រាយ។
៧. កុំចូលគេងទាំងអារម្មណ៍មិនល្អ
ការស្រាវជ្រាវបានបង្ហាញថា ការចូលគេងទាំងអារម្មណ៍មិនល្អអាចប៉ះពាល់ដល់ដំណេករបស់អ្នក។ វាអាចវិវឌ្ឍទៅជាការគេងមិនលក់នៅ១០ឆ្នាំក្រោយ។ គិតដល់រឿងល្អៗដែលធ្វើឱ្យសប្បាយចិត្តហើយសឹមគេង៕