តួស្រីរឿង F4 កូរ៉េ ត្រូវគេរំលោភជាក្រុម មុនពេលសម្លាប់ខ្លូន

2018-07-16 02:44:28
ចំនួនមតិ 0 | ចំនួនចែករំលែក 0

មិត្តភ័ក្ដិជិតដិតរបស់អតីតតារាសម្ដែង Jang Ja Yeon បង្ហើបថា មុនពេលលាចាកលោក នាងត្រូវបានគេបង្ខំឲ្យរួមភេទជាក្រុម រងការវាយដំ និងមើលងាយ ខណៈជនដែលរំលោភគឺសុទ្ធតែជាអ្នកមានអំណាច និងឥទ្ធិពលក្នុងវិស័យសិល្បៈ។

កាលពីចុងខែមិថុនាកន្លងទៅនេះ ការិយាល័យរដ្ឋអជ្ញាក្រុងសេអ៊ូល ប្រទេសកូរ៉េបានប្រកាសថានឹងស៊ើបអង្កេតឡើងវិញនូវរឿងក្ដីសម្លាប់ខ្លួនរបស់ អតីតតារាសម្ដែងស្រី Jang Ja Yeon ដែលបានទទួលមរណភាពកាលពីខែមីនា ឆ្នាំ២០០៩។

យោងតាមបណ្ដាញព័ត៌មាន Mydaily កាលពីថ្ងៃទី៦ខែកក្កដានេះ មិត្តភ័ក្ដិជិតស្និទ្ធិរបស់តួរឿង “កន្លង់បាក់ស្លាប កុលាបមានស្នេហ៍” បានឲ្យដឹងថា៖ “នាងមិនអាចទ្រាំជាមួយជីវិតទាល់ច្រកនោះ។ មុនពេលស្លាប់ នាងបានរងគ្រប់ក្ដីអាម៉ាសទាំងអស់។ នាងបានទូរសព្ទទៅ CEO ក្រុមហ៊ុនប៉ុន្មានថ្ងៃមុនពេលស្លាប់ ហើយលោកបានឲ្យនាងទៅស្លាប់ទៅ”។

“មុនស្លាប់៥ថ្ងៃ នាងបានទូរសព្ទឲ្យខ្ញុំក្នុងក្ដីអស់សង្ឃឹម។ នាងថាត្រូវបានគេធ្វើបាប” មិត្តរូបនេះបន្ថែម។ យោងតាមឯកសារជាង៥០០០ទំព័រ ប៉ូលិសបានរកឃើញថា Jang Ja Yeon ត្រូវគេបង្ខំឲ្យរួមភេទជាមួយមនុស្ស៣ទៅ៥នាក់ក្នុង១ដង ហើយរឿងនេះបានកើតឡើងជាង១០០ដង។ Mydaily បានឲ្យដឹងថា ដើមខែសីហា ប៉ូលិសនឹងប្រកាសលទ្ធផលនៃការស៊ើបអង្កេតនេះ៕