ចំពោះខ្ញុំ រឿងស្នេហាគ្មានឡើយពាក្យថា “ចែករំលែក”

2018-07-14 02:13:34
ចំនួនមតិ 0 | ចំនួនចែករំលែក 0

សម្រាប់ខ្លួនខ្ញុំផ្ទាល់ គ្មានឡើងពាក្យថាចែករំលែកក្នុងរឿងស្នេហា ព្រោះចំពោះខ្ញុំ មនុស្សដែលខ្ញុំជ្រើសរើសគឺជាពិភពលោក គឺជារបស់ខ្ញុំ ហើយជារបស់ខ្ញុំតែមួយគត់។ ប្រសិនបើអ្នកណាអាចចែករំលែកអ្នកជាមួយខ្ញុំបាន មានន័យថា សម្រាប់គេអ្នកក៏មិនមែនជាមនុស្សតែមួយគត់ឡើយ។

ថ្ងៃនេះអារម្មណ៍ខ្ញុំហាក់មិននៅក្នុងខ្លួន នៅពេលអានប៉ះសុទ្ធតែចំព័ត៌មានជនទី៣ ទាំងគូសង្សារ ទាំងប្ដីប្រពន្ធ សុទ្ធសឹងតែបែកបាក់ដោយសារជននេះទាំងអស់។ មូលហេតុដែលមានជនទី៣ក៏ដោយសារតែភាពធុញទ្រាន់ជាមួយមនោសញ្ចេតនាបច្ចុប្បន្ន រឿងនេះគ្រាន់តែយូរហើយ និងឆាប់តែប៉ុណ្ណោះ។ ថាខ្ញុំជាមនុស្សទុទិដ្ឋិនិយមក៏បាន តែខ្ញុំមិនជឿនូវអ្វីដែលហៅថានិរន្តរនោះឡើយ ព្រោះខ្ញុំឃើញការបែកបាក់ច្រើនពេកហើយ។

បងអើយ បើថ្ងៃក្រោយ បើមានមនុស្សស្រីណាម្នាក់មកហើយសុំត្រឹមមនោសញ្ចេតនាមួយចំណែករបស់បង ហើយបងសុខចិត្តបែបនេះនោះ បងអាចឲ្យគេទាំងអស់ក៏បាន។ ព្រោះចំពោះខ្ញុំ ខ្ញុំមិនអាចឲ្យគេមួយចំណែកទេ បើឲ្យគឺឲ្យទាំងអស់តែម្ដង។ ហើយនៅពេលនោះ បើខ្ញុំដើរចេញ បងក៏គ្មានកំហុសដែរ ព្រោះខ្ញុំជាអ្នកសម្រេចបែបនេះទាំងដឹងថាបងនៅស្រលាញ់ខ្ញុំ។

ទោះបីជាឈឺខ្លាំង នៅស្រលាញ់ខ្លាំងប៉ុណ្ណា ក៏ខ្ញុំសុខចិត្តបោះបង់ ព្រោះក្នុងរឿងស្នេហា គ្មានទេសិល្បៈនៃការចែករំលែក។ អ្វីគ្រប់យ៉ាងអាចចែករំលែកបាន លើកលែងតែមនោសញ្ចេតនា។ ខ្ញុំមិនចិត្តបុណ្យដល់ថ្នាក់ ចែករំលែកសុភមង្គលរបស់ខ្លួនឲ្យគេឡើយ៕

ចុចអាន៖

ប្រភព៖ Guu ប្រែសម្រួល៖ Caramel