បញ្ឈប់ ៧យ៉ាងនេះបានជីវិតអ្នកងើបផុតពីភាពក្រ
- 2018-07-13 09:33:06
- ចំនួនមតិ 0 | ចំនួនចែករំលែក 0
បញ្ឈប់ ៧យ៉ាងនេះបានជីវិតអ្នកងើបផុតពីភាពក្រ
១. ឈប់រកលេសដោះសា
មិនធ្លាប់រៀន គ្មានដើមទុន គ្មានពេល… ភាគច្រើនគឺសុទ្ធតែជាលេសរបស់អ្នកដែលមិនចង់ចាប់ផ្ដើមធ្វើអ្វីមួយ។ កុំបាច់ចាំដល់មានអ្វីគ្រប់យ៉ាងទើបចាប់ផ្ដើមធ្វើ ប៉ុន្តែត្រូវចាប់ផ្ដើមធ្វើភ្លាមៗនៅពេលដែលយើងមានគោលដៅច្បាស់លាស់។
២. ឈប់ច្រណែន
អ្នកមាន អ្នកពូកែ អ្នកសម្បូរឱកាសល្អៗ ភាគច្រើនមិនមែនដោយសារពួកគេ “មានសំណាង” នោះទេ ប៉ុន្តែគឺដោយសារសមត្ថភាពដែលពួកគេមាន និងការព្យាយាមតស៊ូរបស់គេកន្លងមក។ កុំរវល់តែច្រណែនអ្នកដទៃ ប៉ុន្តែត្រូវរៀនសូត្រពីវិធីសាស្រ្តជោគជ័យរបស់គេ។
៣. ឈប់រអ៊ូ ឈប់ជេរ
ឈប់និយាយដដែលៗថាហត់ណាស់ ធុញ សាំ បញ្ហាច្រើនមែន -ល- ប៉ុន្តែគួរយកពេលរអ៊ូរ ឬស្ដីបន្ទោសគេឯងនោះ ទៅអភិវឌ្ឍខ្លួនឯងវិញវាប្រសើរជាង។
៤. ឈប់មើលឃើញតែផលប្រយោជន៍
មានមនុស្សជាច្រើនចង់បានអ្វីៗមកដោយងាយ ចង់បានលទ្ធផលច្រើនៗ Free Free មិនបាច់ចំណាយដើមទុន -ល-។ ប៉ុន្តែបើអ្នក “ចង់បាន” ប៉ុន្តែមិនដែល “ឲ្យ” អ្វីគេផង តើអ្នកណាគេនឹងឲ្យអ្នក? រៀនធ្វើខ្លួនឲ្យមានប្រយោជន៍ មុនចង់បានផលប្រយោជន៍ពីអ្នកដទៃ។
៥. ឈប់ខ្ជិល
ក្រោកពីព្រលឹមក៏មិនបាន គេងយប់ជ្រៅបន្តិចក៏មិនបាន... បើមិនព្រមស្រវាស្រទេញខ្លួនឯងទេ កុំសង្ឃឹមថានឹងទទួលបានអ្វីដែលខ្លួនត្រូវការ។
៦. ឈប់អួតអាង
អ្នកមានពិតមិនសូវអួត ព្រោះគេយល់តម្លៃនៃទ្រព្យសម្បត្តិ មានតែអ្នក “មិនធ្លាប់មាន” ហើយ “ទើបតែមាន” ទេដែលចូលចិត្តអួតអាងសម្ញែងទ្រព្យ។ ប៉ុន្តែការអួតហួសមាឌនឹងធ្វើឲ្យពួកគេរលាយអស់នៅពេលឆាប់ៗវិញ។
៧. ឈប់តូចចិត្តនឹងវាសនា
បើអ្នកតែងតែគិតថាខ្លួនឯងសំណាងមិនល្អ គ្មានលុយ កើតមកក្រ គ្មានកេរអាករឪពុកម្ដាយ នោះវាមិនមែនជារឿងចម្លែកទេដែលអ្នកនៅតែក្រ ព្រោះពាក្យថាអវិជ្ជមានទាំងនោះវាដិតជាប់ក្នុងខួរក្បាលរបស់យើង ដែលធ្វើឲ្យយើងលែងមានភាពជឿជាក់នឹងធ្វើអ្វីៗ ៕
ចុចអាន៖
ក្លាយជាមនុស្សស្រីរឹងមាំ និងកាន់តែមានតម្លៃ បើអ្នកធ្វើបាន១០ចំណុចនេះ
កុំទាន់ចុះចាញ់ បំពេញឲ្យបានប៉ុន្មានចំណុចនេះ រឿងល្អៗនឹងហូរចូលមកក្នុងជីវិតអ្នកវិញ