មនុស្សស្រីឆ្លាត មិនប្រើថាមពលក្នុងខ្លួនទៅធ្វើរឿងឥតប្រយោជន៍ទាំងនេះ
- 2018-07-12 04:00:00
- ចំនួនមតិ 0 | ចំនួនចែករំលែក 0
មនុស្សស្រីឆ្លាត មិនប្រើថាមពលក្នុងខ្លួនទៅធ្វើរឿងឥតប្រយោជន៍ទាំងនេះ
បើអ្នកយកកម្លាំងក្នុងខ្លួនទៅប្រើលើរឿង ៦ យ៉ាងនេះ អ្នកនឹងក្លាយជាមនុស្សស្រីដែលគួរឲ្យអាណិតអាសូរណាស់ ព្រោះទាំងនោះគឺជារឿងមិនបានការ ហើយអ្នកឆ្លាតគេមិនចាប់អារម្មណ៍ឡើយ។ រឿងទាំងនោះវាគ្មានប្រយោជន៍សោះក្នុងជីវិត ដែលជាហេតុមនុស្សស្រីមិនសមចំណាយកម្លាំង ដើម្បីវា។
១.កុំធ្វើច្រណែនឈ្នានីសអ្នកដទៃ
មនុស្សស្រីដែលមានសេចក្ដីឈ្នានីសក្នុងខ្លួន ពិតជាបានចំណាយកម្លាំងកំហែងសឹងតែអស់ពីខ្លួន ហើយវាគ្មានបានអ្វីត្រឡប់មកវិញដែរ។ ការចំណាយថាមពលក្នុងខ្លួនទៅដើរច្រណែនអ្នកដទៃ មិនត្រឹមតែគ្មានបានអ្វីត្រឡប់មកវិញទេ ថែមទាំងនាំឲ្យខ្លួនជាមនុស្សគ្មានតម្លៃ។
២.ទៅតាមស្រលាញ់បុរសដែលមិនស្រលាញ់អ្នក
ការដែលចំណាយពេលវេលា និងកម្លាំងទៅធ្វើរឿងទាំងនេះ ពិតជាមិនសមនឹងតម្លៃទាល់តែសោះ។ មនុស្សស្រីដែលធ្វើរឿងបែបនេះមិនត្រឹមតែចំណាយកម្លាំងកាយប៉ុណ្ណោះទេ កម្លាំងចិត្តក៏ខំប្រឹងបញ្ចេញអស់ដែរ ព្រោះដើម្បីចង់នៅក្បែរមនុស្សដែលខ្លួនស្រលាញ់។ ប៉ុន្តែអ្នកនឹងខ្សោយថាមពលទៅៗ ព្រោះម្នាក់នោះខំប្រឹងរត់គេចពីអ្នកវិញ។
៣.ធ្វើអ្វីខ្លួនមិនចង់ធ្វើ
ទាំងការងារ ការសិក្សាក៏ដោយ អ្នកគួរតែធ្វើតាមចំណង់ចំណូលចិត្តខ្លួនឯងជាមុន មិនមែនយកបំណងអ្នកដទៃជាសំខាន់ឡើយ។ ព្រោះបើបន្តធ្វើរឿងខ្លួនមិនចង់ទៀត អ្នកមានតែចំណាយពេលឥតប្រយោជន៍ ហើយហត់នឿយខ្លាំងថែមទៀតផង។
៤.ប្រឹងរត់តាមសម្ភារៈនិយម
បើអ្នកមានសមត្ថភាពត្រឹមប៉ុណ្ណា គួរតែទទួលយកអ្វីដែលមានត្រឹមប៉ុណ្ណោះទៅ មិនមែនទៅរត់ដេញតាមរបស់របរទំនើប ទាំងដែលគ្មានលទ្ធភាពដល់។ ឧទាហរណ៍៖ ការដេញសេរីទូរសព្ទដែលមួយឆ្នាំៗមិនចេញថ្មីមិនឈប់ ឬក៏ពេលឃើញអ្នកដទៃប្រើរបស់ប្រេនៗដូចអ្នកមាន។
៥.កុំប្រៀបធៀប
ការប្រៀបធៀបខ្លួនជាមួយអ្នកដទៃដែលខ្ពស់ជាង ធ្វើឲ្យអ្នកនឿយហត់ និងបាក់ស្បាតយ៉ាងខ្លាំង។ កាលណាអ្នកប្រៀបធៀប នោះក៏ជាវេលាដែលចំណាយកម្លាំងច្រើនដែរ ព្រោះត្រូវធ្វើយ៉ាងណាកុំឲ្យចាញ់គេ។ រស់នៅក្នុងជីវិតបែបនេះ មិនត្រឹមតែគ្មានក្ដីសុខនោះទេ ថែមទាំងធ្វើឲ្យខ្លួនអ្នកគ្មានពេលសម្រាកទៀតផង។
៦.បណ្ដាញសង្គម
សម័យនេះគ្មាននរណាម្នាក់ដែលមិនមានលេងបណ្ដាញសង្គមណាស់ ប៉ុន្តែអ្នកមិនគួរចំណាយពេលច្រើនទៅតាមដានវាឡើយ។ មនុស្សស្រីមួយចំនួនព្យាយាម follow បុគ្គល ឬ Page មួយចំនួនដែលបង្ហោះព័ត៌មានមិនពិត តែអ្នកបែរជាខិតខំតាមដានសឹងតែដាច់បាយដាច់ទឹក៕
ចុចអាន៖មនុស្សល្អហើយឆ្លាតតែងដាស់តឿនខ្លួនឯងនូវពាក្យអប់រំចិត្ត ១០ឃ្លានេះជាប្រចាំ