អង្គុយច្រើនម៉ោងពេក អាចប្រឈមនឹងជំងឺសាហាវៗច្រើននឹកស្មានមិនដល់

2018-07-11 09:30:00
ចំនួនមតិ 0 | ចំនួនចែករំលែក 0

បើសិនជាអ្នកកំពុងជាបុគ្គលិកការិយាល័យ ដែលអង្គុយធ្វើការច្រើនម៉ោងនោះ អ្នកត្រូវយកចិត្តទុកដាក់ឲ្យមែនទែនលើបញ្ហានេះ។ខាងក្រោមនេះគឺជាផលប៉ះពាល់នៅពេលអង្គុយយូរពេកដែលបង្កឱ្យមានគ្រោះថ្នាក់ដល់សុខភាព ៖

១. ជំងឺសរសៃឈាមបេះដូង

អង្គុយច្រើនម៉ោងធ្វើឲ្យចរន្តឈាមដើរមិនបានល្អ នៅពេលនោះជាតិអាស៊ីតដែលមាននៅក្នុងសរសៃឈាមអាចធ្វើឲ្យមានកង្វះឈាមក្នុងក្រពះ និងនាំឱ្យមានការឈឺចាប់។ អ្នកស្រាវជ្រាវបានរកឃើញថាអ្នកដែលអង្គុយយូរនឹងបង្កើនហានិភ័យនៃជំងឺបេះដូងដល់ទៅ ១៤% ។ អ្នកគួរតែធ្វើចលនាក្នុង១ម៉ោងម្ដងដើម្បីអោយឈាមរត់បានប្រសើរ។

២. ជំងឺមហារីក

ការស្រាវជ្រាវលើមូលហេតុនៃជំងឺមហារីកសុទ្ធតែពាក់ព័ន្ធនឹងការអង្គុយយូរក្នុងរយៈពេលជាច្រើនម៉ោង។ នៅពេលដែលអ្នកមិនសូវធ្វើចលនា សារជាតិដែលប្រឆាំងនឹងអុកស៊ីតកម្មនឹងមិនត្រូវបានផលិតគ្រប់គ្រាន់ដើម្បីប្រឆាំងនឹងជំងឺមហារីកនោះទេ ដូច្នេះភាគរយក្នុងការប្រឈមជាមួយជំងឺនេះក៏មានច្រើនដែរ។

៣. ការហើម

លំហូរឈាមយឺតនៅពេលអង្គុយយូរនឹងនាំឲ្យមានការហើម ជាពិសេសនៅជើង។ លើសពីនេះទៀត វាក៏ជាផលវិបាកមួយដែលធ្វើឲ្យអ្នកពិបាកក្នុងការអង្គុយ ឬធ្វើចលនាជាដើម។

៤. ធាត់លើសទម្ងន់

ការសិក្សាមួយនៅអូស្ត្រាលី បានបង្ហាញថាអ្នកដែលអង្គុយច្រើនជាង ៦ ម៉ោងក្នុងមួយថ្ងៃមានទម្ងន់លើស ១២៥ភាគរយ។ ជាពិសេសសម្រាប់ស្ត្រីធ្វើការក្នុងការិយាល័យដែលទំនងជាបង្កើនទំហំចង្កេះ។ ដោយសារតែនៅពេលដែលអ្នកមិនហាត់ប្រាណប្រព័ន្ធរំលាយអាហាររបស់អ្នកនឹងមិនមានប្រសិទ្ធភាពទេក្នុងការរំលាយអាហារ ដូច្នេះធ្វើឲ្យវារំលាយយឺតក្នុងខ្លួន។ ជាតិខ្លាញ់មិនត្រឹមតែមិនបានដុតនោះទេ ប៉ុន្តែត្រូវបានរក្សាទុកនៅក្នុងរាងកាយទៀតផង។

៥.ហានិភ័យនៃជំងឺទឹកនោមផ្អែម

ហានិភ័យនៃការវិវត្តទៅជាជំងឺទឹកនោមផ្អែមប្រភេទទី ២ គឺខ្ពស់ណាស់សម្រាប់អ្នកដែលខ្ជិល និងអង្គុយយូរម៉ោង។ លំពែងផលិតអាំងស៊ុយលីនដែលជាអ័រម៉ូនដែលផ្ទុកជាតិគ្លុយកូសទៅកោសិកាដើម្បីផលិតថាមពល។ នៅពេលដែលកោសិកាមិនស្រូបចូលទៅក្នុង ថាមពលអាំងស៊ុយលីនបានផលិតលើសពីកំរិតដែលអាចអនុញ្ញាត្តិ ដែលវាបណ្តាលឲ្យមានជំងឺទឹកនោមផ្អែម។ ការដើរពីរបីជំហានឡើងជណ្តើរ គឺត្រូវបានលើកទឹកចិត្ត ព្រោះវាអាចកាត់បន្ថយគ្រោះថ្នាក់បានយ៉ាងច្រើន។

៦. គ្រោះថ្នាក់ដល់ឆ្អឹងខ្នង

ឆ្អឹងកងខ្នង ត្រូវបានបង្កើតឡើងដោយជាលិកាឆ្អឹងតូចដែលដាក់លើគ្នា។ ប្រសិនបើយើងអង្គុយរាប់ម៉ោងវាអាចមានសម្ពាធខ្លាំងទៅលើឆ្អឹងកងខ្នង ដូច្នេះអ្នកគួរតែផ្លាស់ទីជាប្រចាំដើម្បីឲ្យឈាមរត់រវាងតំបន់ទាំងនេះនៃឆ្អឹងហើយវាក៏ផ្ដល់ជាប្រភពនៃសារធាតុចិញ្ចឹមសម្រាប់ឆ្អឹងដើម្បីរក្សាឲ្យឆ្អឹងអ្នកមានសុខភាពល្អ៕