សាន់ឆាយ ជំនាន់ថ្មីត្រូវគេសរសើរថាមុខស្អាត តែជើងអាក្រក់ជាងគេក្នុងប្រវត្តិរឿង F4

2018-07-11 03:00:00
ចំនួនមតិ 0 | ចំនួនចែករំលែក 0

ទោះបីជាមានសម្រស់ធ្វើឲ្យគេលង់ក៏ដោយ តែតារាសម្ដែងទើបរះ Shen Yue នៅតែរងការរិះគន់ដោយសារតែមានជើងខ្លី មិនស្រឡូន។

មួយរយៈចុងក្រោយនេះ ខ្សែភាពយន្តភាគត្រូវផលិតឡើងវិញ “Meteor Garden” ស៊េរីថ្មី កំពុងតែទទួលបានការចាប់អារម្មណ៍ជាខ្លាំងខណៈជិតដល់ពេលចាក់ផ្សាយរឿងនេះ។ ជាមួយគ្នានេះដែរ ដើម្បីទាក់ទងទស្សនិកជនកាន់តែច្រើន ក្រុមការងាររបស់រឿង “ស្នេហាបួនដួង” ថ្មី ក៏បានធ្វើសន្និសីទកាសែត ផ្សព្វផ្សាយពីរឿងរបស់ខ្លួនកាលពីថ្ងៃទី៩ ខែកក្កដាមុននេះ។

តួអង្គសាន់ឆាយ និង F4 ជំនាន់ថ្មី

បង្ហាញមុខក្នុងកម្មវិធីគឺប្រុសស្អាតទាំង៤ របស់ក្រុម F4 និងសាន់ឆាយជំនាន់ថ្មី តារាសម្ដែងស្រី Shen Yue។ ស្រីស្អាតវ័យ២១ឆ្នាំបានធ្វើឲ្យគេអត់នឹងមិនសរសើរមិនបានជាមួយសម្រស់មើលភ្លាមបាក់ភ្លែតរបស់ខ្លួន។ យ៉ាងណាក្ដី ដោយសារតែស្លៀកខ្លី នាងបានអចេតនាបង្ហាញជើងខ្លី សាច់ដុំ និងមិនស្រឡូនរបស់ខ្លូន។ ទស្សនិកជនបានលាន់មាត់ថា ក្នុងចំណោមសាន់ឆាយ គ្រប់ជំនាន់ទាំងអស់ អាចនិយាយបានថា ស្រីស្អាតកើតឆ្នាំ ១៩៩៧នេះ មានជើងអាក្រក់ជាងគេ៕