ម៉ាសអប់សក់ធម្មជាតិ ជួយបណ្ដុះសក់ក្រាស់ ទន់ ភ្លឺរលោងត្រឹមរយៈពេលខ្លី
- 2018-07-10 11:00:00
- ចំនួនមតិ 0 | ចំនួនចែករំលែក 0
ម៉ាសអប់សក់ធម្មជាតិ ជួយបណ្ដុះសក់ក្រាស់ ទន់ ភ្លឺរលោងត្រឹមរយៈពេលខ្លី
អ្នកណាថាមិនចង់បានសក់ក្រាស់វែងមានសុខភាពល្អ មិនជ្រុះនិងភ្លឺរលោងដែរ។ ដូច្នេះ កញ្ញាមានវិធីអប់សក់មួយដែលមានគ្រឿងផ្សំធម្មជាតិ ហើយមានប្រសិទ្ធភាពខ្ពស់ក្នុងការបណ្ដុះសក់ឲ្យក្រាស់ស្អាត។ វិធីធ្វើ និងការប្រើប្រាស់គឺងាយស្រួល ដោយគ្រាន់តែ៖
១. គ្រឿងផ្សំ
ប្រេងដូង មួយកូនចានចង្កិះ
ប្រេងតែ Tea Tree Oil (រកទិញបាននៅឱសថស្ថានទំនើប)
ខ្ទឹមបារាំង១/៤ ផ្លែ ហាន់ជាចំណិតៗ
ខ្ទឹមស ៤ ទៅ ៥ កំពឹស
វីធីធ្វើ៖
ដាក់ខ្ទឹមបារាំង និងខ្ទឹមសលាយជាមួយប្រេងដូងដោយចាក់ក្នុងឆ្នាំង ដាក់លើភ្លើងខ្សោយ កាន់តែខ្សោយកាន់តែល្អ ដូចចៀនពង។ ពេលឆ្នាំងឡើងក្រៅខ្លាំងលើកកាន់ឆ្នាំងឲ្យផុតពីភ្លើង បង្ការកុំឲ្យពុះ ហើយទុករហូតដល់ខ្ទឹមទន់អស់។ រួចដាក់ចុះ ហើយទុកមួយឡែកឲ្យត្រជាក់សិន សឹមយកប្រេងតែ Tea Tree Oil ចូល ២ ទោ ៣ តំណក់ រួចកូរឲ្យសព្វ។ ជំហានបន្ទាប់យកកន្ត្រងមកត្រងខ្ទឹមចេញ ទុកតែប្រេងក្នុងក្រឡជាការស្រេច។
របៀបប្រើ៖
រាល់ពេលមុនកក់សក់ លាបប្រេងដែលធ្វើរួចឲ្យពេញស្បែកក្បាល ទុកប្រមាណមួយម៉ោង សឹមងូតទឹកកក់សក់លាងជម្រះជាមួយសាប៊ូ និងក្រែមបន្ទន់។ ធ្វើ ២ ទៅ៣ ដងនឹងឃើញលទ្ធផលជាក់ជាពុំខាន៕
ចុចអាន៖មានសក់វែងគួរតែមូររូញបែបនេះ ព្រោះមើលទៅស្អាត និងគួរឲ្យស្រឡាញ់ខ្លាំងណាស់!