ក្រោយពេលបែកគ្នាទើបយល់រឿង ៥យ៉ាងនេះ

2018-07-10 05:30:00
ចំនួនមតិ 0 | ចំនួនចែករំលែក 0

មនុស្សក្នុងលោកសុទ្ធតែមានគូគ្រាន់តែអ្នកខ្លះមិនទាន់ជួប ហើយអ្នកខ្លះទៀតក៏បែកបាក់ជាច្រើនលើកច្រើនសា។ អារម្មណ៍ក្រោយបែកគ្នាគឺពិបាកនឹងបរិយាយណាស់ ជាពិសេសស្រីៗ។ នារីភាគច្រើនគិតថាពេលបាត់បង់ស្នេហា ពិភពលោកក៏ប្រែជាស្រអាប់គ្មានន័យ។ តែការគិតបែបនេះគឺខុសហើយ មានរឿងល្អៗជាច្រើនដែលកើតឡើងក្រោយពេលបែកបាក់។ រឿងខ្លះមានតែអ្នកទើបបែកបាក់ស្នេហាទេទើបយល់៖

១. គ្មានរឿងអាក្រក់កើតឡើងដូចអ្វីដែលអ្នកគិតទេ

ដំបូងអ្នកគិតថាខុសចំពោះខ្លួនឯងដែលធ្វើឱ្យខ្លួនឯងជួបភាពឈឺចាប់បែបនេះ។ បន្ទាប់មកអ្នកក៏គិតពីពេលវេលាដែលអ្នកនៅជាមួយគេ។ អ្នកអាចនឹងគេងមិនសូវលក់ គិតច្រើន និងមិនសូវញ៉ាំអី។ តែក៏មានពេលមួយដែលអ្នកមានអារម្មណ៍ថាខ្លួនឯងប្រសើរជាងមុន បើសិនជាអ្នកអត់ទ្រាំនឹងការជួបប្រទះទាំងនេះបាន។

២. អ្នកដឹងពីខ្លួនឯងតិចណាស់

នៅពេលមានស្នេហាគ្រប់គ្នាតែងតែធ្វើការលះបង់អ្វីដែលគេត្រូវការ និងអ្វីដែលជាខ្លួនគេជាពិសេសស្រីៗ។ ក៏ព្រោះតែមិនចង់ឱ្យដៃគូអន់ចិត្តឬពិបាក អ្នកក៏ភ្លេចគិតពីខ្លួនឯង មិនបានធ្វើអ្វីដែលខ្លួនចង់ធ្វើ។ ក្រោយពីបែកបាក់ស្នេហាហើយទើបអ្នកដឹងថាដល់ពេលដែលអ្នកធ្វើអ្វីដែលអ្នកចង់ធ្វើហើយ។

៣. មានពេលស្ងប់ស្ងាត់សម្រាប់ខ្លួនឯង

មិនមែនគ្រប់គ្នាសុទ្ធតែមានពេលលំហែកាយនោះទេ តែក្រោយបែកគ្នាអ្នកនឹងមានពេលច្រើន។ ហេតុនេះហើយបើសិនជាអ្នកមានពេលបែបនេះគួរតែចំណាយវាឱ្យល្អ។ បិទទូរស័ព្ទ កុំលេងបណ្តាញសង្គមហើយព្យាយាមនៅស្ងាត់ម្នាក់ឯង។ អ្នកនឹងមានឱកាសសម្រាប់គិតពិចារណារឿងគ្រប់យ៉ាង ហើយគួរធ្វើបែបណាល្អ។

៤. នៅ Single ប្រសើរជាងឯកាពេលមានស្នេហា

ហេតុផលចម្បងដែលគ្រប់គ្នាតែងតែទ្រាំមិនចង់បែកគ្នាគឺដោយសារតែខ្លាចភាពឯកា។ ប៉ុន្តែអ្នកដែលគិតបែបនេះគឺខុសហើយ ពេលខ្លះអ្នកមានស្នេហាតែអ្នកនៅតែឯកាហើយការដែលទ្រាំជាមួយស្នេហាបែបនេះឈឺចាប់ជាងនៅ Single ទៅទៀត។ ហេតុនេះហើយការដែលនៅ Single ល្អជាងចំណាយពេលលើមនុស្សខុស។

៥. បើអ្នកមិនជួបស្នេហាក្លែងក្លាយ អ្នកក៏មិនអាចជួបស្នេហាពិតដែរ

ស្នេហាបានបញ្ចប់អ្វីដែលនៅសល់គឺមេរៀនមិនមែនអនុស្សាវរីយ៍ជូរចត់នោះទេ។ អ្នកត្រូវរៀនពីមេរៀនទាំងនោះហើយកុំឱ្យជួបរឿងដដែលៗ ឬមនុស្សដូចជាអ្នកចាស់។ អ្នកត្រូវគិតថា បើអ្នកមិនបានជួបអ្នកចាស់ដ៏អាក្រក់ អ្នកក៏មិនអាចជួបអ្នកថ្មីដែលល្អជាងនោះដែរ៕