អ្នកជ្រើសរើសមនុស្សខុសហើយ បើស្នេហាអ្នកមានសញ្ញាទាំងនេះ

2018-07-10 01:30:00
ចំនួនមតិ 0 | ចំនួនចែករំលែក 0

អ្នកណាស្មានដឹងមុនទៅថាថ្ងៃក្រោយយ៉ាងម៉េច? ពីដំបូងគេជាមនុស្សល្អ តែកន្លងផុតមួយរយៈគេក៏ទៅជាមនុស្សពីរផ្សេងគ្នា ហើយស្នេហាដែលធ្លាប់តែសប្បាយចិត្ត ក៏ក្លាយជាស្នេហាដ៏ឈឺចាប់មួយដែលសឹងតែគ្មានអ្នកណាយល់។ បើអ្នកកំពុងមានសញ្ញាទាំងនេះ មានន័យថាអ្នក ជ្រើសយកមនុស្សខុសហើយ ៖

១. ស្រក់ទឹកភ្នែកស្ទើររាល់យប់

បើរាល់យប់អ្នកត្រូវពិបាកចិត្ត ដេកយំដោយសារគេ ដោយសារឈ្លោះគ្នាជាមួយគេ នោះបញ្ជាក់ថាស្នេហាអ្នកអាក្រក់ពេកហើយ។ ស្រឡាញ់គ្នាគួរតែមានភាពកក់ក្ដៅ មានអារម្មណ៍ពិសេស រំភើប តែហេតុអីបានជាត្រូវមកដេកយំបែបនេះ?

រូបតំណាង

**២. គ្មានអារម្មណ៍ល្អក្នុងទំនាក់ទំនងនេះទៀត**

អារម្មណ៍អ្នកកាន់តែអស់ពីមួយថ្ងៃទៅមួយថ្ងៃ អ្នកគ្មានអារម្មណ៍រីករាយ គ្មានអារម្មណ៍ថាខ្លួនឯងមានសេរីភាពដូចមុន ហើយរវាងអ្នក និងគេគឺតឹងតែងជាមួយគ្នាជាងអ្នកដទៃទៅទៀត។

៣. អ្នកមានអារម្មណ៍ថាឯកាទោះបីជានៅក្បែរគ្នាក៏ដោយ

ភាពឯកានៅតែមានចំពោះអ្នកទោះបីជាអ្នក និងគេនៅជាមួយគ្នាក៏ដោយ ក៏អ្នកនៅតែមានអារម្មណ៍ថាមានគេក៏ដូចអត់គេ ហើយមានគេរឹតតែពិបាកចិត្តជាងពលមិនទាន់ស្គាល់គេទៀត។ ពេលខ្លះមានអារម្មណ៍ថាអត់គ្នា មានអារម្មណ៍ធូរស្រាលជាងមានគ្នា។

៤. អ្នកលះបង់ច្រើនពេកទៅលើគេតែឯង

គ្រប់យ៉ាងអ្នកធ្វើដើម្បីគេតែឯង ដោយសារមិនចង់មានបញ្ហាអ្នកសុខចិត្តចាញ់ សុខចិត្តពិបាកចិត្តតែម្នាក់ឯង ទាំងគាត់មិនដែលដឹង ហើយពេលខ្លះគាត់មិនទទួលអំពើល្អរបស់អ្នកទៀតក៏មាន។

រូបតំណាង

៥. អ្នកក្រៅសំខាន់ជាងអ្នក

យូរៗទៅមានពេលជួបគេ តែដល់សង្សារខ្លួនឯងវិញគ្មាន។ និយាយជាមួយអ្នកផ្សេងពីរោះស្ដាប់ណាស់ តែសង្សារខ្លួនឯងវិញ សួរមួយមាត់ឆ្លើយមួយម៉ាត់។ នេះមានន័យថាម៉េចទៅ? បើគិតថាស្រឡាញ់គ្នាគ្មានន័យដដែល ស្រឡាញ់ធ្វើអីទៀត៕

ចុចអាន៖កុំយំព្រោះតែមនុស្សប្រុសចាកចេញអី ត្រូវគិតថាគេចាកចេញដើម្បីឲ្យអ្នកជួបមនុស្សល្អជាងគេ

អត្ថបទ៖ ផេង ផលធិតា