មកស្គាល់រូងភ្នំស្អាតៗ នៅប្រទេសកម្ពុជា ដែលសម្បូរភ្ញៀវជាតិ និងអន្តរជាតិទៅលេង

2018-07-06 06:00:00
ចំនួនមតិ 0 | ចំនួនចែករំលែក 0

ប្រទេសកម្ពុជា សម្បូរទៅដោយកន្លែងទេសចរណ៍ស្អាតៗ ពោរពេញដោយធម្មជាតិស្រស់បំព្រង។ ក្នុងនោះដែរ មានរូងភ្នំជាច្រើនដែលធ្វើឲ្យទាក់ចិត្តទាំងភ្ញៀវជាតិនិងអន្តរជាតិ មកលេងយ៉ាងច្រើនកុះករ ព្រោះរូបភ្នំទាំងនោះ មានអាកាសធាតុត្រជាក់ល្ហឹម ហើយខ្លះទៀតក៏មានរឿងរ៉ាវទាក់ទងទៅនឹងប្រវត្តិសាស្ត្រផងដែរ។

១. រូងភ្នំសំពៅ ខេត្តបាត់ដំបង

រូបភ្នំនេះដែរ មានប្រវត្តិគួរឲ្យព្រឺសម្បុរ ព្រោះកាលពីសម័យ ពុល ពត វាជាកន្លែងមួយដែលគេធ្លាប់បានកាប់សម្លាប់មនុស្សជាច្រើននៅទីនេះ។ យ៉ាងណាសព្វថ្ងៃ រូបភ្នំសំពៅ បានក្លាយជាកន្លែងកម្សាន្តដ៏មានប្រជាប្រិយភាពសម្រាប់ភ្ញៀវទេសចរណ៍។ ពេលឡើងដល់លើកំពូលភ្នំ អ្នកនឹងបានឃើញ ទេសភាពស្រស់ត្រកាល មានវត្ត មានរូបចម្លាក់និងកូនស្វាជាច្រើន ហើយអាចមើលឃើញផ្ទះអ្នកដែលនៅខាងក្រោម។

២. រូងភ្នំប្រចៀវ ខេត្តបាត់ដំបង

នៅកន្លែងនេះ ជាពិសេសភ្ញៀវអន្តរជាតិជាច្រើនហូរហែរ ហើយបានធ្វើការអង្គុយចាំ មើលប្រចៀវចេញពីរូងភ្នំទាំងហ្វូងៗ ហើរលើវេហាដូចជាខ្សែបន្ទាត់ និងផ្តិតយករូបថតដែលកម្រមាន។ ជាទូទៅ ត្រូវចំណាយពេល២០នាទីទម្រាំប្រចៀវចេញអស់ពីរូងភ្នំ ហើយវាមិនមានបង្កគ្រោះថ្នាក់អ្វីនោះទេ ព្រោះវាខ្វាយខ្វល់តែពីការចេញរកចំណីតែប៉ុណ្ណោះ។

៣. រូងភ្នំកំពង់ត្រាច ខេត្តកែប

អ្នកត្រូវធ្វើដំណើរ៣៨គីឡូម៉ែត្រ ពីទីរួមខេត្តកំពតដើម្បីមកដល់រូងភ្នំកំពុងត្រាច។ នៅរូងភ្នំនេះដែរ មានថ្មដុះធម្មជាតិយ៉ាងស្រស់ស្អាត មិនតែប៉ុណ្ណោះថែមទាំងមានទឹកដ៏ត្រជាក់ថ្លាឈ្វេងនៅក្នុងល្អាងភ្នំ ដែលអាចឲ្យអ្នកហែលលេងបាន។

៤. រូងភ្នំឈ្ងោក ខេត្តកំពត រូងភ្នំនេះមានរយៈចម្ងាយប្រមាណ៨គីឡូម៉ែត្រប៉ុណ្ណោះពីទរួមខេត្តកំពត ហើយបើអ្នកណាចូលចិត្តជិះកង់មើលទេសភាពបែបស្រុកស្រែ កន្លែងមួយនេះគឺស័ក្ដិសមបំផុត។