មនុស្សស្រីបើមានស្នេហានៅ វ័យ២៥ អាចមានភាគរយខ្ពស់ថាម្នាក់នោះជាគូពិតប្រាកដ
- 2018-07-06 04:04:36
- ចំនួនមតិ 0 | ចំនួនចែករំលែក 0
មនុស្សស្រីបើមានស្នេហានៅ វ័យ២៥ អាចមានភាគរយខ្ពស់ថាម្នាក់នោះជាគូពិតប្រាកដ
ធ្លាប់ឮគេថាស្នេហាយុវវ័យ ឬក៏ ស្នេហាបែបក្មេងៗទេ? នេះមិនមែនមានន័យថាមិនអាចទៅរួចនោះទេ តែកម្រនឹងមានណាស់អ្នកដែលស្រឡាញ់គ្នានៅពីក្មេង ហើយអាចនៅជាមួយគ្នារហូតបានណាស់។
នៅអាយុពី ១៦ ដល់២៤ អ្នកអាចជួបមនុស្សជាច្រើន ហើយខ្លះទៀតអាចមានស្នេហាជាច្រើនរាប់ភ្លេច តែបើសួរថាជួបមនុស្សច្បាស់លាស់ម្នាក់ឬនៅ? ប្រហែលអាចមានភាគច្រើននឹងឆ្លើយថា «នៅ»។
អាយុ ១៨ ដល់២០ អ្នកអាចនៅស្រពិចស្រពិល មិនច្បាស់លាស់ ហើយអារម្មណ៍រវើរវាយច្រើន។ ចំណែកចិត្តវិញរេរាខ្លាំង ម្ដងទៅនេះម្ដងទៅនោះ ដោយមិនអាចគ្រប់គ្រងខ្លួនឯងបាន។
អាយុ ២១ ដល់២៤ អ្នកអាចចូលតួខ្លាំងទៅក្នុងរឿងភាគ ដោយគិតថាគូព្រេងខ្លួនជាបុរសសង្ហារម្នាក់ មានចរិតគួរឲ្យស្រឡាញ់ដូចក្នុងរឿងអីចឹង។ បន្ទាប់ពីរង់ចាំយូរហើយនៅតែគ្មានអ្នកត្រូវចិត្តនោះ អ្នកក៏លែងខ្វល់ថាគេនឹងមកពេកណា អ្នកលែងគិតរឿងថាមានសង្សារ ឬគ្មានហើយ តែជំនួសមកវិញនូវជីវិតដ៏មានសេរីភាពមួយ ស្រស់ស្រាយមួយ។
បើមកដល់អាយុ ២៥ឆ្នាំហើយអ្នកបានជួបមនុស្សប្រុសម្នាក់ដែលអ្នកពេញចិត្ត ហើយគេក៏ពេញចិត្តអ្នកដែរនោះ មានន័យថាគេនោះហើយជាមនុស្សម្នាក់ដែលត្រូវមកបន្ថែមអត្ថន័យក្នុងជីវិតរបស់អ្នក។ វាមិនមែនជាសុបិន ឬជាការស្រមៃចេញពីក្នុងរឿងនោះទេតែវាជាការពិតសម្រាប់អ្នក។
មនុស្សស្រីអាយុ២៥ទៅហើយ អាចនិយាយបានថាអ្នកខ្លះមានប្ដី មានកូនទៀតទៅហើយ ប៉ុន្តែបើអ្នកទើបតែបានជួបស្នេហានោះ វាជារឿងពិសេសមួយដែលនិស្ស័យស្នេហាអ្នកបានលេចចេញយ៉ាងពិតប្រាកដហើយ។
ស្នេហាអាចកើតឡើងគ្រប់ពេល សំខាន់គឺអារម្មណ៍ដែលអ្នកមាន ហើយអារម្មណ៍នោះអាចបាត់ទៅវិញក៏ថាបាន ប៉ុន្តែបើមកដល់អាយុ ២៥ អ្នកបានជួបអារម្មណ៍ស្រឡាញ់នោះ គឺនោះជាអារម្មណ៍ពិត។ ពេលនោះអ្នកនឹងចាប់ផ្ដើមភ្លេចអតីតកាលដែលអ្នកមាន ភ្លេចអស់រាល់ចំណុចអាក្រក់ដែលម្នាក់នោះមាន ព្រោះអ្នកជឿថាក្នុងជីវិតពិត មនុស្សមិនអាចល្អទាំងអស់នោះទេ ហើយពេលនោះគ្រួសារមួយនឹងកើតឡើង។
អំឡុងពេលនេះជាពេលដែលអ្នកនឹងមានសុភមង្គលបំផុត ព្រោះអ្នកនឹងលែងមានអារម្មណ៍ស្រពិចស្រពិលទៀត។
បើសិនជាពេលនេះអ្នកមិនទាន់អាចរកឃើញគូជីវិតអ្នកនោះទេ រង់ចាំដល់អាយុ ២៥ទៅណា ពេលនោះម្នាក់នោះនឹងបង្ហាញខ្លួន៕
ចុចអាន៖មនុស្សស្រី៖ ត្រូវរើសមនុស្សប្រុសដែលខឹងអ្នកខ្លាំងក៏មិនស្រែក ពេលអ្នកខឹងក៏គេមិនឈ្លោះ