បើមនុស្សប្រុសនិយាយពាក្យបែបនេះមកកាន់អ្នកហើយ គួរតែដកខ្លួនចេញទៅ

2018-07-06 01:00:00
ចំនួនមតិ 0 | ចំនួនចែករំលែក 0

ស្រឡាញ់គ្នាប្រាកដជាចង់នៅសុខជាមួយគ្នាហើយ តែពេលខ្លះបើជ្រុលពេកក៏មិនគួរទ្រាំដែរ ព្រោះធ្វជាមនុស្សមានតម្លៃដូចគ្នា។ បើមនុស្សប្រុសដែលអ្នកស្រឡាញ់និយាយឃ្លាដូចខាងក្រោមនេះមកកាន់អ្នក នោះអ្នកគួរតែពិចារណាទៅ តើគួរដើរចេញ ឬធ្វើមិនឈឺហើយទ្រាំនៅទៀត ៖

១. «ម៉េចក៏អូនចូលចិត្ត Drama ម្ដងហើយម្ដងទៀតម្ល៉េះ? ដូចលើសពេកដឹង»

គេនិយាយបែបនេះមានន័យថាគេមិនដែលមើលឃើញពីការឈឺចាប់ដែលអ្នកមាននោះទេ។ ពេលឃើញអ្នកយំ ពេលឃើញអ្នកប្រាប់ពីរឿងក្នុងចិត្តទៅកាន់គេ ហើយគេនិយាយពាក្យបែបនេះនោះ អ្នកគួរតែកុំបន្តទៀតអី ព្រោះគេគ្រាន់ចាត់ទុកអ្នកជាតួលេងល្ខោនតែប៉ុណ្ណោះ ហើយទៅមុខទៀតគេក៏គ្មានថ្ងៃយល់ពីជម្រៅចិត្តអ្នក និងកំហុសដែលគេមានមកលើអ្នកដែរ។

រូបតំណាង

**២. «បើអូនពិតជាស្រឡាញ់បងមែន គួរតែធ្វើវាដើម្បីបង»**

ជាពាក្យដ៏គួរឲ្យខ្លាចមួយដែលមនុស្សស្រីមិនគួរឮចេញពីមាត់មនុស្សប្រុសទាល់តែសោះ។ បើគេនិយាយបែបនេះមកកាន់អ្នកមែន នោះមានន័យថាគេគ្រាន់តែចង់បានអីមួយពីអ្នក ឬគ្រាន់ចង់សម្រេចបំណងគេតែប៉ុណ្ណោះ។ គេមិនបានស្រឡាញ់អ្នកជាអ្នក ឬស្រឡាញ់អ្នកចេញពីបេះដូងគេទេ។

៣. «ហេតុអីអូនមិនអាចធ្វើដូចសង្សារចាស់បងអីចឹង?»

មនុស្សស្រីបើឮពាក្យនេះចេញពីមាត់មនុស្សដែលអ្នកស្រឡាញ់ហើយ តើមានអារម្មណ៍បែបណាទៅ? ពាក្យនេះឈឺជាងគេសុំបែកទៅទៀត បើសង្សារចាស់ល្អហេតុអីមកស្រឡាញ់អ្នក ម៉េចមិនទៅរកគេទៅ។ បើគេនិយាយពាក្យនេះមកអ្នក គេប្រហែលគ្រាន់ទុកអ្នកជំនួសម្នាក់នោះប៉ុណ្ណោះ។

រូបតំណាង

៤. «អូនបិទមាត់បន្តិចបានទេ បងពិតជាថ្លង់ ឬធុញខ្លាំងណាស់»

ពាក្យនេះធ្ងន់ពេកហើយ លើសពេកហើយ។ បើដល់ដំណាក់កាលគេនិយាយបែបនេះហើយ តើអ្នកពិតជាអាចទ្រាំនៅជាមួយគេទៀតមែនទេ?

៥. «ហត់ចិត្តនឹងអូនណាស់ បើពិបាកពេកបែកគ្នាទៅ»

ពាក្យនេះអត់ទាន់មានន័យថាបែកទាំងស្រុងទេ តែមានន័យថាគេអត់ចង់មានអ្នកទៀតទេ។ បើឮគេនិយាយអីចឹងហើយ ល្មមដឹងខ្លួនហើយ កុំចាប់ដល់គេដើរចេញមុននោះ។ ម្យ៉ាងទៀតជ្រុលជាគេហ៊ាននិយាយទៅហើយ ក៏អ្នកមិនគួរទ្រាំទៀតដែរ៕