រាងកាយអ្នកកំពុងខ្វះជាតិទឹកធ្ងន់ធ្ងរ បើសង្កេតឃើញសញ្ញាបែបនេះ

2018-07-04 05:30:00
ចំនួនមតិ 0 | ចំនួនចែករំលែក 0

បើសិនជារាល់ថ្ងៃ អ្នកសង្កេតឃើញថាខ្លួនឯងមានសញ្ញាដូចខាងក្រោមនេះ នោះមានន័យថារាងកាយអ្នកកំពុងខ្វះជាតិទឹកហើយ ដូច្នេះអ្នកគួរតែយកចិត្តទុកដាក់ឲ្យមែនទែន៖

១. មាត់ស្ងួត

មាត់មានសភាពស្ងួត ប្រេះ ឬរបក ដូច្នេះត្រូវទទួលទានទឹកឲ្យបានត្រឹមត្រូវដើម្បីបំពង់ក មាត់មានសំណើមមកវិញ។

រូបតំណាង

**២. ស្បែកស្ងួត**

ស្បែកស្ងួតគឺជាសញ្ញាដំបូងនៃការខ្សោះជាតិទឹកក្នុងរាងកាយ ដែលអាចធ្វើឲ្យអ្នកមានបញ្ហាជាច្រើនទៀតផង។ ការខ្វះទឹកមានន័យថាកង្វះនៃញើសដែលធ្វើឲ្យរាងកាយអសមត្ថភាពក្នុងការលាងសំអាតភាពកខ្វក់និងប្រេងបង្គរដែលមានបរិមាណលើស។

៣. មានអារម្មណ៍ថាស្រេកទឹកខ្លាំង

ការស្រេកទឹកខ្លាំងគឺបានបញ្ជាក់ថារាងកាយអ្នកកំពុងតែត្រូវការទឹកជាចាំបាច់ ដូច្នេះអ្នកមិនអាចបណ្ដោយឲ្យរាងកាយខ្វះជាតិទឹកខ្លាំងដល់ថ្នាក់នេះទេ ព្រោះវាមិនត្រឹមតែប៉ះពាល់ដល់រាងកាយទាំងមូលនោះទេ ជាពិសេសគឺខួរក្បាលផងដែរ។

៤. ភ្នែកស្ងួត

កង្វះទឹកធ្វើឲ្យភ្នែកស្ងួត ក្ដៅភ្នែក ហើយឈានដល់ការឈាមភ្នែក ទៀតផង ដូច្នេះហើយបើអ្នកឃើញថាភ្នែកអ្នកចាប់ផ្ដើមស្ងួត អ្នកត្រូវតែញ៉ាំទឹកឲ្យបានគ្រប់គ្រាន់ឡើងវិញ។

រូបតំណាង

៥. ឈឺសន្លាក់

បើមានអារម្មណ៍ថាឈឺសន្លាក់ ឆ្អឹង នោះវាក៏ជាសញ្ញាមួយដែលបង្ហាញថារាងកាយខ្វះជាតិទឹកដែរ។ ឆ្អឹងខ្ចី និងឆ្អឹងខ្នងរបស់យើងត្រូវបានបង្កើតឡើងដោយទឹកប្រហែល ៨០% ដូច្នេះសារជាតិទឹកគឺចាំបាច់ណាស់ដើម្បីរក្សាឆ្អឹងពីការប្រកិតគ្នាទៅវិញទៅមក។

៦. សាច់ដុំមានការថយចុះ

ពេលដែលរាងកាយទទួលបានជាតិទឹកមិនគ្រប់គ្រាន់ វាក៏បានធ្វើឲ្យសាច់ដុំរបស់អ្នកមានការធ្លាក់ចុះដែរ ហេតុនេះហើយទើបតម្រូវឲ្យអ្នកផ្ដល់ជាតិទឹកឲ្យបានគ្រប់គ្រាន់ដល់រាងកាយ។