អារម្មណ៍ខាងក្នុងរបស់មនុស្សស្រីដែលមនុស្សប្រុសគួរតែស្វែងយល់
- 2018-07-02 02:29:33
- ចំនួនមតិ 0 | ចំនួនចែករំលែក 0
អារម្មណ៍ខាងក្នុងរបស់មនុស្សស្រីដែលមនុស្សប្រុសគួរតែស្វែងយល់
គ្រប់គ្នាសុទ្ធតែមានអារម្មណ៍ផ្ទាល់ខ្លួន មិនថាជាមនុស្សស្រី ឬមនុស្សប្រុស។ ប្រហែលពេលខ្លះអារម្មណ៍មនុស្សស្រីពិបាកនឹងយល់ តែការពិតមកពីអ្នកមិនដែលចាប់អារម្មណ៍នឹងនាង។ ទទួលថាមនុស្សស្រីឆាប់ប៉ះទង្គិចផ្លូវចិត្តជាងមនុស្សប្រុស ហើយពេលដែលនាងឈឺចាប់ក៏អ្នកពិបាកយល់ពីនាងដែរ។ អារម្មណ៍ខាងក្រោមនេះ សុទ្ធតែជាអារម្មណ៍មនុស្សស្រីដែលមនុស្សប្រុសគួរតែស្វែងយល់ ៖
១. មនុស្សស្រីឲ្យតែប៉ះពាល់អារម្មណ៍ នាងងាយនឹងយំណាស់ ប៉ុន្តែនៅពេលដែលមនុស្សស្រីជួបរឿងឈឺចាប់ខ្លាំង តែនាងមិនស្រក់ទឹកភ្នែកមានន័យថាការឈឺចាប់ខាងក្នុងនាងខ្លាំងជាងខាងក្រៅរាប់ម៉ឺនដងទៅទៀត។
**២.** មនុស្សស្រីកាន់តែស្ងាត់ កាន់តែមានហេតុផល ហើយពេលខ្លះស្នាមញញឹមនាងគ្រាន់តែចង់បិទបាំងភាពទន់ខ្សោយនាងប៉ុណ្ណោះ ដូច្នេះមនុស្សប្រុសគួរតែយល់ ហើយគួរតែឈរជាកម្លាំងចិត្តឲ្យនាងឲ្យបានច្រើន។
៣. កុំធ្វើឲ្យមនុស្សស្រីឆ្អែត ព្រោះមនុស្សស្រីចូលចិត្តបង្ហាញអារម្មណ៍ដែលនាងមានទៅកាន់មនុស្សដែលស្និទ្ធស្នាលបំផុត ហើយនាងក៏ងាកមុខចេញនៅពេលនាងឃើញមនុស្សដែលធ្វើឲ្យនាងឆ្អែតបំផុតដែរ។
៤. មនុស្សស្រីមានអារម្មណ៍ស្មុគស្មាញជាច្រើនដែលមនុស្សប្រុសមិនអាចដឹង ដូច្នេះកុំព្យាយាមបញ្ឈឺនាង ឬ ធ្វើឲ្យនាងគិតច្រើន។ បើអាចជួយធ្វើឲ្យនាងមានអារម្មណ៍កក់ក្ដៅផង សប្បាយចិត្តផង។
៥. សម្ដីដ៏ទន់ភ្លន់ និង ផ្អែមល្ហែម របស់បុរសអាចឲ្យនាងរីករាយពេញមួយថ្ងៃ ដោយមិនចាំបាច់និយាយអីច្រើនពេកនោះទេ ដូច្នេះហើយ ត្រឹមសារពេលព្រឹកដ៏មានន័យមួយក៏ជួយឲ្យនាងអាយុវែងបានដែរ។
៦. មនុស្សស្រីពេលដែលមានក្ដីសុខបំផុតនាងនឹងនិយាយច្រើន សើចច្រើន តែបើនាងមានសម្ពាធផ្លូវចិត្តណាមួយ នាងនឹងលែងនិយាយ ហើយកាន់តែមានភាពស្ងៀមស្ងាត់ខ្លាំងទៅៗ។
៧. មនុស្សស្រីស្អប់បំផុតនៅពេលដែលមនុស្សប្រុសនិយាយថា «ស្រឡាញ់នាង» តែទុកនាងចោល។ បើនិយាយថាស្រឡាញ់នាងហើយទុកនាងចោលដដែល កុំនិយាយអីល្អជាង។
៨. មនុស្សស្រីពេលដែលស្រឡាញ់អ្នកណាម្នាក់គឺនាងស្រឡាញ់ខ្លាំង រហូតអាចភ្លេចខ្លួនឯង តែបើនាងឆ្អែតហើយនោះនាងចិត្តដាច់ខ្លាំងជាងមនុស្សប្រុសរាប់រយដង។
៩. មនុស្សស្រីអាចនៅនឹកសង្សារចាស់ ប៉ុន្តែនាងមិនអាចស្រឡាញ់ និង ត្រឡប់ទៅរកគេម្ដងទៀតឡើយ ព្រោះពេលនេះអ្នកដែលនាងជ្រើសរើសគឺអ្នក។
ការយល់អារម្មណ៍គ្នាទៅវិញទៅមកគឺជាមធ្យោបាយដ៏ល្អបំផុតសម្រាបស់មនុស្សពីរអ្នក ដូច្នេះកុំស្រឡាញ់គ្នាដោយសារចង់ចាញ់ ចង់ឈ្នះគ្នាអី៕
ចុចអាន៖កុំយំព្រោះតែមនុស្សប្រុសចាកចេញអី ត្រូវគិតថាគេចាកចេញដើម្បីឲ្យអ្នកជួបមនុស្សល្អជាងគេ