អ្នកនឹងអាចនៅលីវជារៀងរហូត បើមានសញ្ញាទាំងនេះ
- 2018-06-29 04:00:00
- ចំនួនមតិ 0 | ចំនួនចែករំលែក 0
អ្នកនឹងអាចនៅលីវជារៀងរហូត បើមានសញ្ញាទាំងនេះ
សម្រាប់អ្នកអត់គូយូរពេក ពេលឃើញអ្នកដទៃមានផ្អែមល្ហែមស្និទ្ធស្នាលនឹងគ្នា ទោះបីពេលខ្លះខំប្រឹងសម្តែងធ្វើជាមិនខ្វល់ក៏ដោយ ប៉ុន្តែច្បាស់ជាមានកូនចិត្តលួចច្រណែន ហើយតែងឆ្ងល់ថាពេលណាបានដល់គូនឹងគេដែរទៅ? តិចលោនៅម្នាក់ឯងរហូតទៅ? បើអ្នកនេះក៏មិនត្រូវ អ្នកនោះក៏មិនត្រូវ គ្មានពេញចិត្តនរណាមួយសោះ។ យ៉ាងណាមិញបើអ្នកមានសញ្ញា ដូចដែរបានបង្ហាញនៅក្រោមនេះ អ្នកនឹងអាចឈានដល់ដំណាក់កាលនៅលីវជារៀងរហូត។
១. មានបុរសតាមស្រលាញ់ច្រើន ប៉ុន្តែរើសខ្លាំងពេក
គ្មានអ្នកស្រលាញ់ក៏ពិបាក មានអ្នកតាមស្រលាញ់ច្រើនពេកក៏ពិបាក មិនដឹងថាអ្នកណាមួយជាមនុស្សល្អ អ្នកណាមួយជាជម្រើសដ៏ត្រឹមត្រូវ ខ្លាចសម្រេចចិត្តខុសនាំស្តាយក្រោយទៅថ្ងៃមុខ។
២. អ្នកគ្មានទំនុកចិត្តលើមនុស្សប្រុស
បើអ្នកមានប្រវត្តិធ្លាប់ខូចចិត្តពីមុនមក អ្នកអាចមានអារម្មណ៍ថារាងចាល ហើយជួនកាលគ្រាន់តែឃើញមនុស្សនៅជុំវិញខ្លួន ដូចជាបងប្អូនឬមិត្តភ័ក្ដិ រងទុក្ខដោយសារស្នេហា ក៏ធ្វើឲ្យអ្នកភ័យខ្លាចមិនចង់ស្គាល់ជាតិដែរ។
៣. អ្នកគិតតែពីការធ្វើជំនួញ
អ្នកជាមនុស្សឆ្លាត មានមុខរបរជំហរដោយខ្លួនឯង ជាហេតុធ្វើឲ្យអ្នករវល់ខ្លាំង ជាមួយនឹងផែនការជួញដូរនិងអតិថិជន ហើយគ្មានពេលតុបតែងខ្លួន និងការណាត់ជួបសង្កេតមើលបុរសណាម្នាក់នោះឡើយ។
៤. អ្នកងប់ងុលនឹងការសិក្សា
គំនិតមួយដែលតែងយល់ថា មនុស្សស្រីរៀនខ្ពស់ពេកនឹងអត់ប្តី គឺហួសសម័យហើយ។ មនុស្សស្រីនិងមនុស្សប្រុស មានសិទ្ធិស្មើគ្នាក្នុងការទទួលយកចំណេះដឹង ប៉ុន្តែអ្នកខ្លះងប់ងុលនឹងការសិក្សាខ្លាំងពេក រៀនដល់ថ្នាក់បណ្ឌិតហើយនៅតែមិនចង់ស្កប់ស្កល់ ស្រលាញ់តែសៀវភៅហើយមិនចាប់អារម្មណ៍បុរសណាទាំងអស់។ យ៉ាងណាមិញការធ្វើអ្វីមួយ តម្រូវឲ្យមានតុល្យភាពទើបប្រពៃ។
៥. អ្នកស្រលាញ់តែមនុស្សដែលមិនអាចទៅរួច
មានបុរសតាមស្រលាញ់ច្រើនបែរជាមិនខ្វល់ ទៅគិតតែពីអ្នកណាដែលមិនអាចទៅរួច ដូចជាអ្នកដែលខ្ពង់ខ្ពស់ជាងខ្លួនខ្លាំងពេក អ្នកដែលមិនធ្លាប់ស្គាល់គ្នា ឬអ្នកដែលមានគូរួចហើយ។ ឯពេលខ្លះ អ្នករង់ចាំបុរសក្នុងក្តីស្រមៃ ដែលមានតែនៅក្នុងរឿងភាគ។
៦. អ្នកនៅតែស្រលាញ់សេរីភាព និងភាពឯករាជ្យគ្មានថ្ងៃប្រែ
អ្នកមិនចង់ឲ្យជីវិតអ្នក មាននរណាមកគ្រប់គ្រង។ អ្នកចូលចិត្តដើរហើរមានសេរីភាព គ្មានអ្នករំខាន។ អ្នកនៅតែបន្តភាពរឹងមាំ ការចូលចិត្តធ្វើអ្វីមួយដោយខ្លួនឯង ភាពឯករាជ្យ គ្មានថ្ងៃប្រែ។
ចុចអានបន្ត៖