អាថ៌កំបាំងសាមញ្ញៗធ្វើឲ្យក្មេងក្លាហាន អត់មើកៗខ្លាចគេ
- 2018-06-27 03:42:23
- ចំនួនមតិ 0 | ចំនួនចែករំលែក 0
អាថ៌កំបាំងសាមញ្ញៗធ្វើឲ្យក្មេងក្លាហាន អត់មើកៗខ្លាចគេ
ឃើញកូនក្លាហានជឿជាក់មានទំនុកចិត្តលើខ្លួនឯង ឪពុកម្ដាយណាក៏សប្បាយចិត្តដែរ ព្រោះគេនឹងក្លាយជាមនុស្សមានសមត្ថភាពកំណត់ជោគវាសនារបស់ខ្លួនពិតប្រាកដនៅពេលធំឡើង។ ចង់បានកូនសមប្រកបបែបនេះ មានកិច្ចការសាមញ្ញជាច្រើនដែលឪពុកម្ដាយត្រូវធ្វើ តែមានកិច្ចការខ្លះ អ្នកអាចមិនដឹងក៏ថាបាន។
បើចង់ឃើញកូនក្លាហាន មិនខ្លាចរអា អៀនប្រៀន មានទំនុកចិត្តលើខ្លួនឯងមែន ខាងក្រោមនេះជាកិច្ចការ ឬទម្លាប់ប្រចាំថ្ងៃដែលឪពុកម្ដាយសម័យថ្មី មិនត្រូវមើលរំលង៖
១. ធ្វើជាគំរូដល់ក្មេង
"ស្លឹកឈើជ្រុះមិនឆ្ងាយពីគល់"! ការទម្លាប់ឲ្យក្មេងឃើញគំរូដ៏ល្អរបស់អ្នក ក្មេងនឹងរៀនតាម។ មិនមែនមានន័យថា អ្នកត្រូវតែល្អឥតខ្ចោះនោះទេ តែផ្ដោតលើការគិតវិជ្ជមាន។
២. ផ្ដល់ភាពកក់ក្ដៅពិតប្រាកដដល់ក្មេង
ការផ្ដល់ពេលវេលា និយាយលេង ដើរលេង ទៅណាមកណាជាមួយក្មេង ទាំងនេះជាសកម្មភាពផ្ដល់ភាពកក់ក្ដៅ និងក្ដីស្រលាញ់ដល់កូនអ្នកពិតប្រាកដ។ ភាពកក់ក្ដៅ និងក្ដីស្រលាញ់ពីឪពុកម្ដាយ ជាកូនសោផ្លូវចិត្តដ៏សំខាន់របស់ក្មេង។
៣. ផ្ដល់ជម្រើសដល់ក្មេង
ការផ្ដល់ជម្រើសដល់ក្មេងធ្វើការសម្រេចចិត្ត ធ្វើឲ្យគេមានអារម្មណ៍រីករាយ និងម្ចាស់ការ។ ឧទាហរណ៍សាមញ្ញងាយៗ អ្នកអាចឲ្យគេសម្រេចចិត្តចង់ញ៉ាំអីនៅថ្ងៃនេះ។ ការបង្រៀនឲ្យគេមានជម្រើស ចេះសម្រេចចិត្តលើកិច្ចការងាយៗ ជាការត្រួសត្រាយផ្លូវឲ្យគេអាចសម្រេចលើកិច្ចការលំបាកៗនាពេលក្រោយ។
៤. កុំប្រៀបធៀបគេនឹងកូនអ្នកផ្សេង
មានតែអ្នកជួបទេទើបយល់អារម្មណ៍ ពេលឪពុកម្ដាយលើកសរសើរពីកូនគេ ហើយមកបង្អាប់ខ្លួនឯង។ ទោះបីការធៀបប្រដូចបែបនេះ គឺចង់ឲ្យកូនខ្លួនឯងឈឺចាប់ និងប្រឹងថែមក៏ដោយ ក៏វានៅតែមិនត្រូវដដែល។ ហេតុអី?
អត្ថបទពាក់ព័ន្ធ៖ ទម្លាយមូលហេតុពិត ក្មេងកិកកុកអត់ចង់ទៅរៀន ពេលដល់ម៉ោងម្ដងៗ
៥. កុំធ្វើកិច្ចការជំនួសគេ
បណ្ដោយឲ្យគេរៀនធ្វើអ្វីដោយខ្លួនឯង ទោះបីបរាជ័យក៏ដោយ។ មានមេរៀនជាច្រើន ក្រោយការបរាជ័យរបស់គេ។ គេនឹងរឹងពឹង ឯករាជ្យ ហ៊ានពេលធ្វើអ្វីមួយនាពេលអនាគត គ្រាន់តែថាពេលបរាជ័យ អ្នកត្រូវនៅក្បែរគេ ផ្ដល់យោបល់ និងលើកទឹកចិត្តដល់គេប៉ុណ្ណោះ។
៦. កុំចេះតែសរសើរគេខុសទំនង
ទោះក្មេងចូលចិត្តឲ្យយើងសរសើរពិតមែន តែក៏មិនត្រូវសរសើរគេខុសទំនងដែរ។ ការសរសើរក្មេង ធ្វើឲ្យគេកាន់តែរីករាយ និងជឿជាក់លើខ្លួនឯង។ ផ្ទុយទៅវិញ ការទម្លាប់សរសើរលើសពីការពិត ធ្វើឲ្យក្មេងកាន់តែបានចិត្ត មានមោទនភាព មានអំនួត និងជឿជាក់ជ្រុលលើខ្លួនឯងពេក។
ក្រៅពីនេះ ឪពុកម្ដាយមានការងារដ៏សំខាន់មួយទៀតសម្រាប់កូនខ្លួន គឺជ្រើសរើសសាលាណាដែលល្អ បណ្ដុះបណ្ដាលចំណេះដឹង អត្តចរិត និងការអភិវឌ្ឍរបស់ក្មេងពិតប្រាកដ។
Forest Hill International School ត្រូវបានចាត់ទុកថាជាសាលារៀនអន្តរជាតិមួយនៅកម្ពុជាដែលផ្ដល់ស្ដង់ដារអប់រំបែបអាមេរិកពិតប្រាកដ ដោយមិនត្រឹមតែមានកម្មវិធីសិក្សាចេញពីក្រសួងការបរទេសអាមេរិកផ្ទាល់នោះទេ ថែមទាំងមានគ្រូជំនាញខាងផ្នែកកអប់រំមានសញ្ញាបត្រពីអាមេរិក អ៊ីតាលី ទៀតផង។
សាលានេះមានកម្មវិធីសិក្សាចំនួន ៣ គឺ (១) ការថែទាំក្មេងបែប Montessori ចាប់ពីអាយុ ៣ ខែ - ៣ ឆ្នាំ, (២) មត្តេយ្យសិក្សា អាយុ ៣ ឆ្នាំ - ៦ ឆ្នាំ និងចុងក្រោយ គឺកម្មវិធីបឋមសិក្សាស្តង់ដារអាមេរិកកាំង។ ការចុះឈ្មោះចាប់ផ្ដើមពីថ្ងៃនេះតទៅ និងទទួលបានការបញ្ចុះតម្លៃ ២០% លើតម្លៃសិក្សា សម្រាប់ការចុះឈ្មោះនៅក្នុងខែមិថុនានេះ និង ១០% លើតម្លៃសិក្សា សម្រាប់ការចុះឈ្មោះនៅក្នុងខែកក្កដា។
អត្ថបទពាក់ព័ន្ធ៖ ឪពុកម្ដាយសម័យថ្មីសាកធ្វើតាមនេះ បើចង់ឲ្យកូនចូលចិត្តរៀនតាំងពីតូចក្រូចឆ្មារ
សម្រាប់ព័ត៌មានបន្ថែម សូមទាក់ទង៖