រំជួលចិត្ត! ឪពុកធ្វើជាអ្នកប្រមូលសំរាម ២០ ឆ្នាំប្រឹងតស៊ូជួយកូនស្រីរៀនចប់បរិញ្ញាបត្រ
- 2018-06-25 12:00:00
- ចំនួនមតិ 0 | ចំនួនចែករំលែក 0
រំជួលចិត្ត! ឪពុកធ្វើជាអ្នកប្រមូលសំរាម ២០ ឆ្នាំប្រឹងតស៊ូជួយកូនស្រីរៀនចប់បរិញ្ញាបត្រ
បុរសជនជាតិ ហ្វីលីពីនម្នាក់ ប្រកបការងារជាអ្នកប្រមូលសម្រាម ដើម្បីសន្សំលុយទុកបំពេញបំណងកូនស្រី បញ្ចប់ការសិក្សានៅសកលវិទ្យាល័យ។ បុរសរូបនោះមានឈ្មោះ cristito Quimad មានកូន៤នាក់ផ្សេងទៀតកំពុងសិក្សារៀនសូត្រ។
ដោយសារតែលោកមានការងារតែមួយគត់ គឺជាអ្នកប្រមូលសំរាម ការរស់នៅរបស់លោកមិនដែលស្រួលនោះទេ។ លោក Cristito អាចរកលុយបានច្រើនបំផុតត្រឹម ១០ដុល្លារប៉ុណ្ណោះក្នុងមួយថ្ងៃ ប៉ុន្តែវាមិនគ្រប់គ្រាន់ឡើយសម្រាប់គ្រួសារដ៏ធំរបស់លោក។ ដូច្នេះហើយទើបលោកត្រូវខិតខំទ្វេដង ដោយចេញទៅធ្វើការតាំងពីព្រឹកព្រលឹម ដោយសង្ឃឹមថាអាចរកលុយបានកាន់តែច្រើន។
ដោយសារការខិតខំប្រឹងប្រែងនេះបានធ្វើឲ្យគាត់មានលទ្ធភាពបញ្ជូនកូនៗទាំង ៤ របស់លោកទៅសាលា ទទួលបានការបណ្ដុះបណ្ដាល ដូចក្មេងដ៏ទៃ។ កូនស្រីច្បងរបស់លោក មានឈ្មោះថា Jenny Rose Quimado តែងតែចង់បញ្ចប់ការសិក្សារបស់ខ្លួន ហើយជួយឲ្យជីវិតគ្រួសារនាងប្រសើរឡើងវិញ។
ថ្វីបើពួកគេក្រខ្លាំងយ៉ាងណាក៏ដោយ នាង Rose នៅតែអាចរៀនចប់សាកលវិទ្យាល័យ ដោយសារតែមានការជួយជ្រោមជ្រែងពីឪពុក។
លោក Cristito ពិតជាមានមោទនភាពខ្លាំងណាស់ចំពោះកូនស្រី ដែលអាចបញ្ចប់ការសិក្សាថ្នាក់បរិញ្ញាបត្រវិទ្យាសាស្ត្រ ផ្នែកបច្ចេកវិទ្យាអាហារូបត្ថម្ភ និងអាហារ។ នាង Rose ក៏មានមោទនភាពចំពោះឪពុកខ្លួនដែរ នាងបានប្រាប់គេថា ឪពុកនាងជាអ្នកប្រមូលសំរាមដោយគ្មានការស្ទាក់ស្ទើរ ប្រសិនបើមាននរណាម្នាក់សួរ៕
ចុចអាន៖វិធីសន្សំប្រាក់តាមប្រជាជនជប៉ុន ដើម្បីសល់ចាយទុកពេលចាស់ទៅ