រឿងភាគថ្មីរបស់ Yang Mi ចាក់ផ្សាយបានតែ១០ម៉ោងមានអ្នកទស្សនា៣០០លាននាក់

2018-06-24 03:27:22
ចំនួនមតិ 0 | ចំនួនចែករំលែក 0

ទោះបីជារយៈពេលកន្លងទៅនេះ កំពូលតារាសម្ដែងស្រីចិន Yang Mi បានទទួលរងរឿងអាស្រូវជាច្រើនក៏ដោយ តែខ្សែភាពយន្តភាគថ្មីរបស់នាងនៅតែត្រូវបានមហាជនគាំទ្រជាធម្មតា។

កាលពីយប់ថ្ងៃទី១៨ ខែមិថុនាកន្លងទៅនេះ ខ្សែភាពយន្តភាគចិនប្រចាំរដូវក្ដៅឆ្នាំ២០១៨ “The Legend of Fudao” ត្រូវបានចាក់ផ្សាយភាគដំបូង។ តួអង្គម្ចាស់ក្សត្រី Fudao ត្រូវបានរ៉ាប់រងដោយតារាស្រីជួរមុខ Yang Mi រីឯតួឯកប្រុសត្រូវបានសម្ដែងដោយតារាសម្ដែងល្បីឈ្មោះតៃវ៉ាន់ Ethan Juan។ ក្រោយពេលភាគទី១របស់រឿងនេះត្រូវចាក់ផ្សាយ វាបានទាក់ទាញចំនួនអ្នកទស្សនាដល់ទៅ៣០០លាននាក់មើលតាមអនឡាញ។ ផ្អែកតាមតួលេខនេះ គេជឿជាក់ថា “The Legend of Fudao” នឹងគ្របដណ្ដប់កញ្ចក់ទូរទស្សន៍នៅពេលខាងមុខ។

អ្វីដែលធ្វើឲ្យទស្សនិកជនភ្ញាក់ផ្អើលនោះគឺ ក្រោយពេលត្រូវរងការរិះគន់យ៉ាងច្រើនចំពោះរឿងអាស្រូវលួចលុយសប្បុរសធមន៌នោះ ស្នាដៃថ្មីបំផុតរបស់ Yang Mi នៅតែទទួលបានប្រជាប្រិយភាពដដែល ខុសពីអ្វីដែលគេបានគិតថារឿងរបស់នាងនឹងត្រូវគេមិនរវីរវល់ជាមួយ៕