មកដឹងស្ទីលថតរូបឱ្យចេញមកទាក់ទាញដូចម៉ូដែល ផុសម្ដងៗយក Like ទៅណាអស់!
- 2018-06-23 02:38:00
- ចំនួនមតិ 0 | ចំនួនចែករំលែក 0
មកដឹងស្ទីលថតរូបឱ្យចេញមកទាក់ទាញដូចម៉ូដែល ផុសម្ដងៗយក Like ទៅណាអស់!
ដើម្បីថតរូបចេញមកបានស្អាត និងទាក់ទាញ មិនមែនអ្នកណាក៏អាចដឹងពីវិធីសាស្ត្រនោះទេ។ កាយវិការ ការកាច់ស្ទីល និងការលេងទឹកមុខគឺជារឿងចាំបាច់ដែលត្រូវយកចិត្តទុកដាក់ក្នុងពេលថតរូបម្ដងៗ។ អ៊ីចឹង ថ្ងៃនេះ កញ្ញា នឹងណែនាំវិធីមួយចំនួនដើម្បីឱ្យគ្នាយើងពេលថតរូបចេញមកស្រស់ស្អាត មិនចាញ់ម៉ូដែលថតរូបអាជីព។
១. ឱនមុខចុះ៖
នេះជាស្ទីលដ៏ពេញនិយមមួយរបស់តារាល្បី។ ជំនួសឱ្យការមើលត្រង់ទៅកាមេរ៉ា ការឱនមុខសម្លឹងចុះក្រោមនេះនឹងជួយឱ្យអ្នកមើលទៅកាន់តែសិចស៊ី។ បើពិបាករៀបចំទឹកមុខដើម្បីឱនចុះ អ្នកអាចធ្វើជាឱនមើលកាបូប ចុចទូរសព្ទ ឬមើលចុងសក់ក៏បាន។
២. បាំងមុខមួយចំហៀង៖
ស្ទីលមួយនេះនឹងធ្វើឱ្យអ្នកមើលទៅអាថ៌កំបាំង និងកាន់តែទាក់ទាញ។ ដើម្បីថតស្ទីលនេះបាន អ្នកអាចយកដៃម្ខាងបាំងមុខ ឬថតកន្លែងមានវាំងនន ឬកាន់របស់អ្វីមកបាំងមុខក៏បាន។
៣. អង្គុយតាមដែលស្រូលខ្លួន៖
រូបថតស្ទីលនេះមិនត្រឹមតែមើលទៅធម្មជាតិ តែអាចជួយច្រើនដល់អ្នកដែលមិនអៀនកាមេរ៉ា ឬមិនសូវចេះកាច់ស្ទីលនៅមុខកាមេរ៉ា។ រូបនឹងថតចេញមកកាលីប និងទាក់ទាញ បើអ្នកចេះអង្គុយក្នុងកម្រិតមុំ៧០ដឺក្រេ ហើយជង្គង់កុំដាក់ត្រង់បាញ់ទៅកាមេរ៉ាពេក ចំណែកជើងអាចដាក់ធម្មតាដូចពេលអង្គុយរាល់ដង។ អ្នកអាចមើលទៅទិសដៅផ្សេង មិនបាច់មើលមកកាមេរ៉ាតែម្ដងក៏បាន អាចលួចញញឹមតិចៗ ឬលេងទឹកមុខដូចមិនដឹងខ្លួន។
ចុចអាន៖ ចង់បានរូបបង្ហោះហ្វេសប៊ុកស្អាត គេចុច Like ច្រើនកុំភ្លេចគន្លឹះ ៨ យ៉ាងនេះ
៤. ពាក់វ៉ែនតាដើម្បីបិទបាំងភ្នែក៖
មនុស្សភាគច្រើនមិនចូលចិត្តថតរូប ព្រោះគិតថាភ្នែករបស់ខ្លួនមិនស្អាត មិនទាក់ទាញ។ ដូច្នេះដើម្បីជាជំនួយ អ្នកអាចប្រើវ៉ែនតាការពារកម្ដៅថ្ងៃដែលមានពណ៌ស្រាលៗដើម្បីបិទបាំងចំណុចខ្សោយមួយនេះ។ ការធ្វើបែបនេះមិនត្រឹមតែអាចបន្ថែមសម្រស់ដល់រូបថតបាន តែអាចជួយឱ្យមើលទៅមានទំនុកចិត្ត និងឡូយឆាយទៀតផង។
៥. បង្វិលសំពត់៖
ស្ទីលនេះឃើញមាននារីៗចូលចិត្តធ្វើច្រើន។ រាល់ពេលស្លៀកសំពត់ ការរលាស់ឬបង្វិលសំពត់នឹងជួយឱ្យអ្នកមើលទៅស្រស់ស្រាយពីខាងក្នុង មើលទៅមិនប្រឹងក្នុងការញញឹមឬ កាច់ស្ទីល។
៦. បែរខ្នងហើយងាកមុខមកកាមេរ៉ា៖
ស្ទីលមួយនេះនឹងធ្វើឱ្យអ្នកថតរូបចេញមកឃើញរាងឥតខ្ចោះ និងមានមន្តស្នេហ៍ដែលម៉ូដែលភាគច្រើនប្រើសម្រាប់ថតឱ្យទស្សនាវដ្ដី៕
ចុចអាន៖ បណ្ដុំស្ទីលថតរូបនៅហាងកាហ្វេ សម្រាប់អ្នកចង់បាន Style ស្អាតលំដាប់តារាៗ