មិនចង់ឲ្យគេនិយាយថា សម្រស់បានមកពីកែសម្ផស្ស តារាស្រី ៨ រូបនេះ ព្រមឲ្យគេពិសោធន៍តាមចិត្ត
- 2018-06-21 04:00:00
- ចំនួនមតិ 0 | ចំនួនចែករំលែក 0
មិនចង់ឲ្យគេនិយាយថា សម្រស់បានមកពីកែសម្ផស្ស តារាស្រី ៨ រូបនេះ ព្រមឲ្យគេពិសោធន៍តាមចិត្ត
ដោយត្រូវបានគេគិតថា មានការវះកាត់ច្រមុះ ចាក់បំពេញចង្កា វះកាត់ត្របកភ្នែក តារាស្រីទាំងប៉ុន្មានរូបនេះបានឲ្យគេពិសោធន៍ ដើម្បីបង្ហាញថា ខ្លួនមានភាពស្រស់ស្អាតពីធម្មជាតិពិតៗ។ ចំពោះរឿងនេះដែរ វាតែងតែជាប្រធានបទចម្រូងចម្រាស សម្រាប់សាធារណជនជាយូរមកហើយ ព្រោះតែឃើញសម្រស់អ្នកទាំងនោះ ពីមុន និងឥឡូវខុសគ្នាដាច់តែម្ដង។
១.Fan Bingbing
ភាពស្រស់ស្អាតដូចជាព្រះនាងរបស់ Fan Bingbing ជៀសមិនផុតពីពាក្យចចាមអារ៉ាមដែលថាបានកែកុនខ្លះនោះទេ។ នៅពេលចូលរួមក្នុងកម្មវិធីមួយ តួស្រី អ៊ូ ម៉ីនាង បានឲ្យតារាប្រុសមួយរូបទៀតដែលចូលរួមជាមួយគ្នាយកដៃមកប៉ះមុខ ច្រមុះ ដើម្បីឲ្យប្រាកដចិត្តថា មានអ្វីដែលជាចំណុចសង្ស័យឬទេ។
២. Angelababy
ការផ្លាស់ប្ដូរផ្នែកសម្ផស្សរបស់ភរិយា Huang Xiaoming តែងតែត្រូវបានគេនិយាយថា ជាសម្រស់ក្លែងក្លាយ។ ប៉ុន្តែ Angelababy តែងតែព្យាយាមបដិសេធពីការវះកាត់កែសម្ផស្សនោះជារឿយៗ។
នៅឆ្នាំ ២០១៥ អ្នកម្ដាយកូនមួយរូបនោះ បានទៅមន្ទីរពេទ្យដើម្បីពិនិត្យសុខភាពទូទៅ ហើយនឹងពិនិត្យរកមើលស្នាមមុខកាំបិត។ យោងតាមវេជ្ជបណ្ឌិតបានបញ្ជាក់ថា Angelababy មិនបានវះកាត់ច្រមុះ កាត់ថ្គាម និងកាត់ត្របកភ្នែកដូចដែលមហាជននិយាយទេ តែនាងគ្រាន់តែគាបធ្មេញប៉ុណ្ណោះ។ ទោះជាយ៉ាងណាក៏ដោយលទ្ធផលនោះ មិនមាននរណាជឿឡើយ អ្នកគាំទ្រនៅតែគិតថា baby ពិតជាបានវះកាត់កែសម្ផស្ស ព្រោះមុខមាត់នាងបានផ្លាស់ប្ដូរទាំងស្រុង។ នៅឆ្នាំ ២០១៧ តារាស្រីវ័យ ២៩ ឆ្នាំបានបង្ហាញគំនិតថ្មីមួយទៀត ដើម្បីបញ្ជាក់ថាខ្លួនមិនបានប៉ះពាល់កាំបិត ដោយយក ដង្កៀបចាប់ខោអាវ មកចាប់ពេញផ្ទៃមុខ នៅពេលដកចេញ មុខរបស់នាងវិលត្រលប់មកសភាពដើមយ៉ាងឆាប់រហ័ស ដោយមិនខូចទ្រង់ទ្រាយ។
៣.Hannah Quinlivan
ភរិយា Jay Chou ធ្លាប់បាក់ទឹកចិត្តនៅពេលស៊េរីរូបថតចាស់ៗបានបង្ហាញថា នាងមានភ្នែកតូចៗ ច្រមុះទាប ឆ្អឹងថ្គាមធំមិនដូចរូបភាពឥឡូវទេ។ ព្រោះតែអស់កម្លាំង នឹងពាក្យចោទប្រកាន់ថាបានកែសម្រស់។ Hannah Quinlivan បានសង្កត់ច្រមុះខ្លួនឯងយ៉ាងខ្លាំង នៅចំពោះមុខសាធារណជន។ នាងបាននិយាយថា "ជាមួយនឹងកម្លាំងដ៏ខ្លាំងក្លានេះ ច្រមុះមិនពិតប្រាកដជាខូច" ។ នាងបកស្រាយថាសម្រស់សព្វថ្ងៃ គឺដោយសារតែការសម្រកទម្ងន់ និងរបៀបរបបថែទាំប្រកបដោយប្រសិទ្ធភាព។
៤. Li Xin'ai
ភាពស្រស់ស្អាតរបស់ Li Xin'ai ក៏ត្រូវជាប់គាំងនៅក្នុងពាក្យចចាមអារ៉ាមក្រោមមុខកាំបិតផងដែរ។ ប្រឈមមុខជាមួយករណីនេះ នាងបានបង្ហោះរូបថតជាមួយម្ដាយនៅលើ Weibo។ ក្រោយបានឃើញរូបនោះរួច ទើបអ្នកគាំទ្រគិតថានាងមិនបានវះកាត់កែសម្ផស្សអ្វីទេ តែសម្រស់របស់នាងទទួលបានពីម្ដាយទៅវិញ។
៥.Ruby Lin
កាលពីពេលចូលរួមក្នុងព្រឹត្តិការណ៍មួយ នាងបានច្របាច់ច្រមុះខ្លួនឯង ដើម្បីបង្ហាញថាច្រមុះនាងគឺធម្មជាតិ។ តារាសម្ដែងសាច់ចាំរូបនេះ បានបញ្ជាក់ថានាងមិនធ្លាប់វះកាត់ធ្វើច្រមុះឡើយ។ ភរិយា Wallace Huoបាននិយាយថារូបភាពដ៏ស្រស់ស្អាតរបស់នាងនៅពេលលេចមុខជាសាធារណៈ គឺដោយសារបច្ចេកទេសតុបតែងមុខរបស់ជាងប៉ុណ្ណោះ។
៦.Lin Chi-ling
កាលពីឆ្នាំ ២០០៣ Lin Chi ត្រូវបានគេសង្ស័យថា បានកែកុនចំណុចខ្លះៗលើមុខ ជាពិសេសការចាក់ថ្នាំ Botox ការចាក់ចង្កា និងច្រមុះ។ តារាស្រីជើងចាស់រូបនេះ បានបង្ហោះរូបថតវិញ្ញាបនបត្រមជ្ឈមណ្ឌលកែសម្ផស្ស បង្ហាញថានាងមិនបានវះកាត់ទេ ហើយក្នុងនោះក៏បញ្ជាក់បានថាសម្រស់នាងធម្មជាតិ ១០០%។
៧.Crystal Zhang
សម្រស់របស់ Crystal ក៏ត្រូវបានគេសង្ស័យថា បានមកពីការវះកាត់ផងដែរ។ ដូចនេះនាងព្យាយាមបង្ហាញសម្រស់ធម្មជាតិខ្លួន ដោយយកដៃទៅញីច្រមុះខ្លាំងៗ។
៨.Cecilia Cheung
Cecilia ធ្លាប់មានពាក្យចចាមអារ៉ាមអំពីការវះកាត់ពង្រីកសុដន់ ដូចនេះដើម្បីបំបាត់នូវពាក្យចចាមអារ៉ាមនេះ នាងបានចូលលេងក្នុងកម្មវិធីមួយ ដោយតម្រូវឲ្យលោតទឹកដណ្ដើមបាល់៕