បើកំពុងមានអារម្មណ៍ថាស្អប់ខ្លួនឯង ហើយឃើញគេល្អជាងខ្លួន អានអត្ថបទនេះអ្នកនឹងអាចយល់
- 2018-06-20 07:08:41
- ចំនួនមតិ 0 | ចំនួនចែករំលែក 0
បើកំពុងមានអារម្មណ៍ថាស្អប់ខ្លួនឯង ហើយឃើញគេល្អជាងខ្លួន អានអត្ថបទនេះអ្នកនឹងអាចយល់
ជឿថាមានមនុស្សមិនតិចទេដែលកំពុងមានអារម្មណ៍ស្អប់ខ្លួនឯង ហើយគិតថាខ្លួនឯងមិនល្អគ្រប់គ្រាន់។ យ៉ាងណាក៏ដោយបើអ្នកពេលនេះ កំពុងតែបោះបង់ខ្លួនឯងចោល គួរតែចំណាយពេលអានអត្ថបទនេះ ទោះមិនអាចជួយឲ្យអ្នកល្អលើសគេ តែវាអាចឲ្យអ្នកស្រឡាញ់ខ្លួនឯងខ្លះ។
១. អ្នកល្អគ្រប់គ្រាន់ហើយ ព្រោះអ្នកជាអ្នក បើអ្នកដូចអ្នកផ្សេងនោះមិនមែនជាអ្នកទេ។ គ្រប់គ្នាសុទ្ធតែមានភាពល្អរៀងខ្លួន គ្រាន់តែមិនដូចគ្នាតែប៉ុណ្ណោះ ដូច្នេះកុំគិតថាអ្នកអន់ ហើយគេល្អជាងអ្នកអី។
**២.** អ្នកល្អគ្រាន់គ្រាន់ហើយ ព្រោះយ៉ាងហោចណាស់អ្នកបានរស់នៅក្នុងពិភពលោកនេះ ខណៈមនុស្សជាច្រើនទៀតមិនដឹងនៅឯណា។ ហេតុអី ត្រូវបន្ទោសវាសនាដែលតម្រូវឲ្យអ្នកជួបជីវិតមិនល្អ? អ្វីដែលអ្នកត្រូវបន្ទោសគឺបន្ទោសខ្លួនឯងដែលមិនប្រើពេលឲ្យមានតម្លៃ បែរជាអង្គុយយកខ្លួនឯងទៅប្រៀបនឹងគេវិញ។
៣. ទោះបីជីវិតនេះសោះកក្រោះបន្តិចមែន តែភាពសោះកក្រោះនេះបានបង្រៀនឲ្យអ្នករឹងមាំច្រើនណាស់។ បង្រៀនឲ្យអ្នកចេះរស់នៅបានដោយខ្លួនឯង បង្រៀនអ្នកឲ្យយល់ពីរសជាតិជីវិតបានយ៉ាងគ្រប់សព្វ ទាំងអ្នកខ្លះមិនដែលស្គាល់ដើមស្រូវមានរូបរាងបែបណាផង។
៤. ត្រូវគិតថាខ្លួនឯងល្អណាស់ទៅហើយ ដែលអាយុជាង២០ឆ្នាំ ៣០ឆ្នាំ អ្នកមានបទពិសោធន៍ជីវិតច្រើន អាចមានការងារមួយដែលអាចឲ្យអ្នកផ្គត់ផ្គង់ខ្លួនឯងបានដោយមិនបាច់ពឹងលើអ្នកណា។ ទោះបីអ្នកគ្មានឡានជិះ គ្មានផ្ទះនៅធំស្កឹមស្កៃមែន តែនេះជាអ្វីដែលអ្នករកមកពីកម្លាំង ញើសឈាមអ្នក។
៥. បើមានអ្នករិះគន់អ្នក អ្នកគួរតែត្រេកអរ ព្រោះនោះសុទ្ធតែជាជោគជ័យដែលពួកគេបានផ្ដល់ឲ្យអ្នក។ គេរិះគន់អ្នក ដោយសារគេចាប់អារម្មណ៍អ្នក គេរិះគន់អ្នកដោយសារគេមើលអ្នក គេសង្កេតអ្នក ដូច្នេះអ្នកជាមនុស្សពិសេសម្នាក់ដែលធ្វើឲ្យអ្នករិះគន់ទាំងនេះ គាំទ្រអ្នកមិនដឹងខ្លួន។
៦. ត្រូវទន្ទេញពាក្យថា« ខ្ញុំជាមនុស្សឆ្លាត ពូកែគ្រប់គ្រាន់ហើយសម្រាប់ខ្លួនខ្ញុំ»។ ពាក្យនេះបញ្ជាក់ថាអ្នកបានឲ្យតម្លៃខ្លួនឯង ហើយមិនយកខ្លួនឯងទៅប្រៀបធៀបជាមួយអ្នកណា។ ត្រូវចាំណាទោះខ្លួនឯងស្ថិតក្នុងចំណុចទាបប៉ុណ្ណាក៏ដោយ ក៏កុំបោះបង់ខ្លួនឯងចោល។
ពេលខ្លះបើចេះតែគិតថាខ្លួនឯងមិនល្អនេះ មិនល្អនោះ ជីវិតនេះអ្នកមិនអាចរកក្ដីសុខឃើញទេ ហើយអ្នកនឹងបង្កើតទម្លាប់ច្រណែនរហូតគ្មានថ្ងៃកែបាន៕
ចុចអាន៖មេរោគក្នុងចិត្ត៥យ៉ាង នាំឱ្យជីវិតអ្នកមិនអាចរីករាយបានដូចគេ