រិះថាំខ្លាំងពេក “កលល្បិចក្នុងរាជវាំង” វគ្គ២ ប្រើគ្រឿងអលង្ការរបស់វគ្គ១ឡើងវិញស្ទើរទាំងស្រុង

2018-06-18 04:15:38
ចំនួនមតិ 0 | ចំនួនចែករំលែក 0

ដោយសារតែត្រូវចំណាយថវិកាលើតួសម្ដែង និងកន្លែងច្រើនហួសហេតុខ្លាំងពេក រឿងភាគ “កលល្បិចក្នុងរាជវាំង” ត្រូវសន្សំសំចៃមកវិញដោយប្រើគ្រឿងអលង្ការកាលពីវគ្គ១។

ជាមួយនឹងកម្រងតារាសម្ដែងចាស់បទពិសោធន៍ សាច់រឿងជក់ចិត្ត រឿងភាគ “កលល្បិចក្នុងរាជវាំង” វគ្គ២កំពុងតែទទួលបានការចាប់អារម្មណ៍ជាខ្លាំងនាពេលបច្ចុប្បន្ន។ មនុស្សជាច្រើនបានវាយតម្លៃថា រឿងនេះបានធ្វើឲ្យប៉ុស្តិ៍ទូរទស្សន៍ TVB អូសទាញបានទស្សនិកជនរបស់ខ្លួនបានវិញហើយ។

ទន្ទឹមនឹងការរង់ចាំឲ្យរឿងចាក់ផ្សាយជារៀងរាល់ថ្ងៃនោះ អ្នកគាំទ្ររបស់រឿងនេះក៏ចំណាយពេលដើម្បីជីកកាយរបស់រាល់ចំណុចក្នុងរឿងផងដែរ។ ជាក់ស្ដែង ទស្សនិកជនបានប្រទះឃើញថា តួស្រីជាច្រើននៅក្នុងរឿងបានប្រើគ្រឿងអលង្ការដែលបានប្រើរួចកាលពីវគ្គ១ឡើងវិញ។ រឿងនេះមិនមែនជារឿងគួរឲ្យភ្ញាក់ផ្អើលនោះឡើយ ត្បិតតាំងពីដើមមក គេតែងដឹងថា ប៉ុស្តិ៍ទូរទស្សន៍ហុងកុងនេះគឺពូកែសន្សំសំចៃខ្លាំងណាស់។ មានរឿងខ្លះប្រើសំលៀកបំពាក់តាំងពីកាលជាង១០ឆ្នាំមុនក៏មាន កុំថាឡើយត្រឹម៩ឆ្នាំដូចនេះ៕