ទម្លាប់ល្អទាំង ៨ ជួយអ្នកឲ្យស្រីៗមានសុខភាពល្អដោយមិនបាច់ប្រឹង
- 2018-06-17 03:00:00
- ចំនួនមតិ 0 | ចំនួនចែករំលែក 0
ទម្លាប់ល្អទាំង ៨ ជួយអ្នកឲ្យស្រីៗមានសុខភាពល្អដោយមិនបាច់ប្រឹង
អ្នកអាចរកឃើញគន្លឹះតាមអ៊ីនធឺណិតរាប់លានលើរបៀបថែរក្សាសុខភាព ប៉ុន្តែមានមនុស្សតិចតួចប៉ុណ្ណោះដែលគិតថាមកពីមានទម្លាប់ល្អៗ ទើបអាចជួយឲ្យពួកគេសុខសប្បាយ គ្មានជំងឺប្រចាំកាយបាន។ កញ្ញា សូមបង្ហាញពីទម្លាប់ល្អៗ ជួយអ្នកឲ្យមានសុខភាពល្អដោយមិនបាច់ប្រឹង៖
១.បញ្ឈប់ការកើនឡើងកាឡូរី
ការសិក្សាកន្លងមកបានឲ្យដឹងថា អាហារកែច្នៃ និងភេសជ្ជៈមានជាតិស្ករ អាចធ្វើឲ្យកើនឡើងកាឡូរីយ៉ាងខ្លាំង។ អ្នកស្រាវជ្រាវនៅសាលាអាហារូបត្ថម្ភសុខភាពសាធារណៈ Harvard បានប្រាប់ឲ្យដឹងថា ការកំណត់នូវអ្វីគួរតែទទួល គឺដើម្បីរក្សាទម្ងន់ និងធ្វើឲ្យសុខភាពល្អ។
២.យកបន្លែផ្លែឈើ ជំនួសសាច់
ផ្លែឈើ និងបន្លែគឺជាប្រភពដ៏ល្អនៃជាតិសរសៃទឹក។ ខាង វិទ្យាសាស្ត្រស្រាវជ្រាវ និងអាហារូបត្ថម្ភនៅសាកលវិទ្យាល័យ Minnesota សហរដ្ឋអាមេរិកបានចង្អុលបង្ហាញថា ប្រសិនបើមានផ្លែឈើ-បន្លែ ច្រើនទៅក្នុងម្ហូបនោះ សុខភាពនឹងប្រសើរឡើង។ ជាតិសរសៃត្រូវបានផ្សារភ្ជាប់ជាមួយនឹងអត្រាថយចុះនៃជំងឺសរសៃឈាមបេះដូង និងការធាត់ ហើយវាក៏មានសារធាតុរ៉ែ ដែលអាចប្រឆាំងអុកស៊ីតកម្ម។
៣.បរិភោគអ្វីដែលអ្នកចង់ និងញ៉ាំនៅពេលឃ្លាន
ជួនកាលអ្នកសម្រេចចិត្តជៀសវាងអាហារមួយចំនួន ព្រោះគិតថាវាអាចនាំឲ្យធាត់ ប៉ុន្តែអ្នកមិនអាចជៀសបានរហូតទេ គ្រាន់តែញ៉ាំបន្តិចបន្តួចទៅបានហើយ។ ដើម្បីរក្សាសុខភាពឲ្យនៅតែរឹងមាំ គួរញ៉ាំអ្វីដែលចង់ តែមិនមែនញ៉ាំយកមួយឆ្អែតណែន។ ធ្វើបែបនេះ នឹងបន្ថយចំណាប់អារម្មណ៍លើចំណីអាហារដទៃ។
៤.ពង្វាងចិត្ត
ប្រសិនបើអ្នកពិតជាចង់ញ៉ាំអ្វីដែលមិនល្អចំពោះសុខភាព ដើម្បីបញ្ឆោតខួរក្បាលលែងឲ្យចង់ញ៉ាំ ចូរផឹកទឹកត្រជាក់មួយកែវសិន។ ដូច្នេះអារម្មណ៍ឆ្អែតនឹងលេចឡើងលឿនជាងមុន ហើយអ្នកអាចបញ្ឈប់ការចង់។
៥.ដើរ ២ នាទីរៀងរាល់ម៉ោង
បើអ្នកមានការងារត្រូវធ្វើច្រើនម៉ោង គួរកុំអង្គុយរហូតអី ក្រោកឈរឡើង ហើយដើរចុះដើរឡើង។ ការសិក្សាមួយរបស់សាកលវិទ្យាល័យUtah Health បានរកឃើញថា ការចូលរួមរបស់សកម្មភាពអាំងតង់ស៊ីតេទាបដូចជាការឈរមិនអាចទូទាត់សងនូវគ្រោះថ្នាក់សុខភាព ដែលបង្កដោយភាពតានតឹងក្នុងការងារបានទេ។ អ្នកគួររក្សាទម្លាប់ដើររយៈពេល ២ នាទី ក្នុងមួយម៉ោង ដើម្បីបង្កើនសកម្មភាពរាងកាយ។
៦.កុំពិសាអាហារសម្រន់ក្នុងកញ្ចប់
អ្នកអាចញ៉ាំនំកញ្ចប់ ឬស្ករគ្រាប់បានយ៉ាងច្រើន បើអ្នកញ៉ាំផ្ទាល់ក្នុងកញ្ចប់ធំៗតែម្ដង។ ដូចនេះចូរ ចាក់វាដាក់ក្នុងកូនចាន ឬរំលែកទៅថង់តូចៗ វានឹងជួយទប់ការញ៉ាំបានខ្លះ។
៧.ដូរទម្លាប់គេង
ជាធម្មតាអ្នកគេងនៅម៉ោង ១០ យប់ តែទម្រាំរៀបចំ ឬគេងលក់ យ៉ាងហោចណាស់ក៏ ១០ កន្លះ ទៅម៉ោង ១១ ដែរ។ ប្រសិនបើអ្នកចង់ចូលគេងឲ្យបានលឿន ចូរទៅលើគ្រែមុនពេលកំណត់ ១០ នាទី នោះវាអាចជួយឲ្យអ្នកគេងបានពេញភ្នែក។
៨.បន្ថយស្ករ
បរិមាណស្ករច្រើននៅក្នុងអាហារធ្វើឲ្យប្រឈមនឹងជំងឺទឹកនោមផ្អែមប្រភេទទី ២ ខ្ពស់។ ការស្រាវជ្រាវដោយវេជ្ជបណ្ឌិត Caroline M. Apovian បានចុះផ្សាយក្នុងទស្សនាវដ្ដី Jama បង្ហាញពីទំនាក់ទំនងរវាងភេសជ្ជៈជាតិស្ករ និងអត្រាធាត់ចំពោះកុមារ។ ជាតិស្ករច្រើននាំឲ្យងាយធាត់ អ្នកជំនាញសុខភាពណែនាំសម្រាប់ការទទួលទានជាតិស្ករប្រចាំថ្ងៃ ៦ ស្លាបព្រាកាហ្វេក្នុងមួយថ្ងៃសម្រាប់ស្ត្រី និង ៩ សម្រាប់បុរស៕
ចុចអាន៖តិចនិកជួយអ្នកម្តាយទើបសម្រាលកូនរួចផ្លាស់ប្តូរសាច់ឈាមស្អាតឡើងវិញ