តិចនិកជួយអ្នកម្តាយទើបសម្រាលកូនរួចផ្លាស់ប្តូរសាច់ឈាមស្អាតឡើងវិញ

2018-06-15 05:40:08
ចំនួនមតិ 0 | ចំនួនចែករំលែក 0

នៅពេលមានផ្ទៃពោះ អ្នកម្តាយគ្រប់រូបពិបាករក្សារាងណាស់ ព្រោះត្រូវគិតគូរពីសុខភាពកូនជាចម្បង អ្នកខ្លះផ្លាស់ប្តូរស្ទើរទាំងស្រុង។ អីចឹងហើយមានតែពេលផ្តល់កំណើតហើយត្រូវថែរាងឡើងវិញ។ តិចនិកទាំងនេះអាចជួយអ្នកកូនខ្ចីសម្រកទម្ងន់ និងផ្លាស់ប្តូរសាច់ឈាមសាជាថ្មី៖

១. ថែរក្សាស្បែកជាមួយខ្ញី ពន្លៃ និងរមៀត

អ្នកទើបកើតកូនរួចអាចផ្លាស់ប្តូរស្បែកដោយប្រើរូបមន្តធម្មជាតិជាជាងប្រើឡេឬផលិតផលគីមី។ ខ្ញីមានអត្ថប្រយោជន៍ច្រើនបំផុតសម្រាប់កូនខ្ចី គ្រាន់តែយកខ្ញីនិងរមៀតកិនលាបលើស្បែក ហើយបើចង់ឱ្យស្បែកកាន់តែភ្លឺថ្លាអ្នកកូនខ្ចីគួរតែញ៉ាំតែជាប្រចាំ។ ប៉ុន្តែបើលាបខ្ញីមានអារម្មណ៍ថាក្ដៅ អាចផ្លាស់មកកិនពន្លៃលាបវិញក៏ល្អដែរ។

២. ម៉ាស្សាដើមទ្រូងជាមួយប្រេងដូង

ដើមទ្រូងក៏ដូចជាពោះដែរ វានឹងយារដោយសារការបំបៅដោះកូន។ ការម៉ាស្សាដោយប្រេងដូងមិនប៉ះពាល់ដល់ម្តាយ ឬកូនហើយថែមទាំងងាយស្រួលទៀត។ អ្នកគ្រាន់តែម៉ាស្សាជុំវិញដើមទ្រូងដោយប្រើដូងប្រេងដាក់ឱ្យក្តៅតិចៗ។ ដូងប្រេងសំបូរទៅដោយវីតាមីនEនិងជីវជាតិបំប៉នដល់ស្បែក។

៣. ប្រេងអូលីវជួយកាត់បន្ថយសក់ជ្រុះ

បម្រែបម្រួលអរម៉ូនកំឡុងពេលមានផ្ទៃពោះអាចនិងធ្វើឱ្យសក់ងាយជ្រុះ។ នេះជារឿងធម្មតាដែលស្ត្រីមានផ្ទៃពោះស្ទើរតែគ្រប់រូបជួបប្រទះ។ បញ្ហានេះអាចនឹងកាត់បន្ថយដោយការម៉ាស្សាសក់ជាមួយប្រេងអូលីវ ឬស្រាស ៕