ស្រីស្អាតចិនទាំង ៤ រូប ដែលមិនសក្ដិសមសម្ដែងរឿងបុរាណ ព្រោះទម្រង់មុខ...

2018-06-12 07:00:00
ចំនួនមតិ 0 | ចំនួនចែករំលែក 0

សម្រាប់តារាស្រីៗរបស់ប្រទេសចិនមួយចំនួន ដែលមានមុខមាត់ស្រស់ស្អាត ទេពកោសល្យសម្ដែងខ្ពស់ នឹងមានមុខក្នុងរឿងភាគបុរាណ។ ប៉ុន្តែស្រីស្អាតទាំង ៤ នេះវិញ ទោះជាមុខមាត់ស្រស់ស្អាតបែបធម្មជាតិ និងស្រទន់យ៉ាងណា ក៏មិនមានអ្នកគាំទ្រឲ្យសម្ដែងរឿងបែបនោះដែរ ព្រោះទេពកោសល្យ បូករួមជាមួយទឹកមុខមិនសម។ តារាទាំងនោះ មានដូចជា៖

១.Rainie Yang

តារាសម្ដែង និងចម្រៀងជួរមុខរបស់តៃវ៉ាន់រូបនេះមានភាពពេញនិយមណាស់ក្នុងចិត្តអ្នកគាំទ្រយុវវ័យ ប៉ុន្តែពេលសម្ដែងក្នុងរឿងបុរាណ «Strange Tales of Liao Zhai» ស្រីស្អាតសាច់ចាំវ័យ ៣៤ ឆ្នាំមិនទទួលបានការគាំទ្រសោះ។ អ្នកទស្សនាជាច្រើនបានវាយតម្លៃថា មក Rainie Yang មិនចេះលេង បូករួមទាំងទឹកមុខមិនស៊ីគ្នាជាមួយរឿងបុរាណ។ ចាប់តាំងពីពេលនោះមក នាងមកដែលសម្ដែងទៀតឡើយ ដោយផ្ដោតលើចម្រៀង និងរឿងសម័យប៉ុណ្ណោះ។

២.Zhou Yutong

ស្រីស្អាតកើតឆ្នាំ ១៩៩៤ នេះត្រូវបានអ្នកគាំទ្រចិន ពេញចិត្តខ្លាំងពេលសម្ដែងរឿងបែបយុវវ័យទំនើប «Soul Mate» តែក៏ស្រងាកចិត្តណាស់ដែរ ពេលនាងសម្ដែងក្នុងរឿងបែបបុរាណ «The Palace» កាលឆ្នាំ ២០១៣។ ការបរាជ័យរបស់ខ្សែភាពយន្តនេះ ក៏បានដាស់តឿន Zhou Yutong គួរតែកាត់បន្ថយការថតខ្សែភាពយន្ត ហើយត្រូវប្រុងប្រយ័ត្នជាងមុនក្នុងការជ្រើសរើសខ្សែភាពយន្តបុរាណ។

៣.Jessica Hsuan

អ្នកដែលចូលចិត្តភាពយន្តហុងកុង ពិតជាមិនអាចនិយាយបដិសេធពីទេពកោសល្យតារាសម្ដែងដ៏ល្បីល្បាញរបស់ទូរទស្សន៍ TVB Jessicaបានឡើយ។ កាលពីជាង ១០ ឆ្នាំមុនតារាស្រីវ័យ ៤៧ ឆ្នាំរូបនេះបានថតរឿងសម័យជាច្រើនដែលតម្រូវឲ្យនាងដើរតួជាមេធាវី ប៉ូលិស បែបវាយតបគ្នា ហើយត្រូវបានអ្នកគាំទ្រសរសើរមិនដាច់ពីមាត់។ ប៉ុន្តែពេលលេងរឿង «Curse of the Royal Harem» នាងបែរជាដើរតួមិនសម ហើយទស្សនិកជនបង្ហាញភស្តុតាងថា នាងគួរតែថតតែភាពយន្តទំនើបទៅ។

៤.Michelle Chen

តាំងពីចាប់ផ្ដើមថតរឿង «ទេពឥន្ទ្រីយ៍បក្សីស្នេហ៍» សៀវ ឡុងនី រូបនេះត្រូវបានអ្នកគាំទ្របង្អាប់រហូត ជាពិសេសរិះគន់ពីរូបសម្រស់នាង ថាស្អាតមិនដល់ មិនសមដើរតួមួយនោះឡើយ។ អ្វីដែលកាន់តែធ្វើឲ្យអ្នកទស្សនាអស់សំណើច គឺម៉ូដសក់ ២ ដុំរបស់នាង ត្រូវគេប្រដូចទៅនឹងភ្លៅមាន់ ២ ដុំ ហើយមុខនាងមូលដូចនំប៉ាវ៕

ចុចអាន៖រឿង “កលល្បិចក្នុងរាជវាំង” វគ្គ២ តួអាក្រក់ត្រូវបានគេស្រលាញ់ជាងតួឯកស្រីទៅទៀត

ប្រភព៖ bestie ប្រែសម្រួល៖ ទ្រី រ៉ាវី