ប្រុសៗត្រៀមលក្ខណៈផ្លូវចិត្តបែបនេះឲ្យហើយទៅ ពេលមានសង្សារជាស្រីរឹងមាំ
- 2018-06-10 01:00:00
- ចំនួនមតិ 0 | ចំនួនចែករំលែក 0
ប្រុសៗត្រៀមលក្ខណៈផ្លូវចិត្តបែបនេះឲ្យហើយទៅ ពេលមានសង្សារជាស្រីរឹងមាំ
ទោះជាមានគូស្នេហ៍ ក៏អត្តចរិតមនុស្សស្រីរឹងមាំមិនអាចប្រែជាទន់ជ្រាយវិញបានទេ។ ដូចនេះប្រុសៗគួរតែត្រៀមលក្ខណៈផ្លូវចិត្ត និងកាយទទួលយករឿងទាំង ៧ នេះទៅ៖
១.នាងអាចបោះបង់អ្នក តែមិនបោះបង់ក្ដីស្រមៃ
មានសង្សារហើយក៏ដោយ តែនាងនឹងមិនបោះបង់ក្ដីស្រមៃខ្លួន ដើម្បីផ្គាប់ចិត្តអ្នកឡើយ ឬអាចនិយាយបានថា នាងអាចបោះបង់អ្នកវិញ ប្រសិនបើទទួលការគាបសង្កត់។ មនុស្សស្រីបែបនេះមិនចូលចិត្តតាមផ្គាប់ចិត្តមនុស្សប្រុសទេ មានតែឲ្យបុរសមកតាមចិត្តវិញ។
**២.នាងគ្មានពេលទៅតាមលួងអ្នកទេ**
មនុស្សស្រីមានចរិតរឹងមាំ គឺគ្មានពេលទៅគិតពីវិធីតាមលួងសង្សារឡើយ បើទោះជាអ្នកខឹងនាងខ្លាំងប៉ុណ្ណាក៏ដោយ។
៣.មិនសូវមានពេលផ្អែមល្ហែម
នាងត្រូវបានបង្វឹកខ្លួនឯងឲ្យដឹងថា ក្នុងការរស់នៅប្រចាំថ្ងៃគ្មាននរណាម្នាក់មកជួយទេ ដូចនេះមានតែសង្គ្រោះខ្លួនឯង។ នាងមិនដែលពឹងផ្អែកលើនរណាម្នាក់ក្នុងជីវិត បែបនេះហើយទើបមិនសូវមានពេលមកសាងភាពរ៉ូមែនទិកដូចអ្នកដទៃ។
៤.នាងមិនទ្រអ្នកដាច់ខាត
ព្រោះតែអាកប្បកិរិយាជាស្ត្រីអង់អាច ទើបនាងមិនខ្ចីអត់ធ្មត់ ពេលទំនាក់ទំនងមានបញ្ហា ព្រោះនាងគិតថា នោះជារឿងមិនបានការ។
៥.ចង់ពុះពារដោយខ្លួនឯង
ពេលមានបញ្ហាណាមួយ ដាច់ខាតនាងមិនពឹងពាក់លើអ្នកឡើយ ព្រោះនារីបែបនេះចង់ប្រយុទ្ធជាមួយការលំបាកដោយខ្លួនឯង ហើយគិតថាការសុំជំនួយពីបុរសនឹងនាំឲ្យខ្លួនមើលទៅអន់។
៦.នាងមិនប្រច័ណ្ឌ
មិនបាច់ទៅប្រឹងសាកល្បងចិត្តនាងថា ស្រលាញ់អ្នកឬអត់ ដោយបណ្ដើរស្រីផ្សេងទេ ព្រោះនាងនឹងគ្មានប្រតិកម្មត្រឡប់ទៅវិញ។ នាងមិនបង្ហាញកាយវិការបែបនោះចេញមក មិនមែនបានន័យថា មិនស្រលាញ់ឡើយ តែនាងជាប្រភេទមនុស្សគិតក្នុងផ្លូវល្អ ដោយសម្អាងថានោះជាមិត្តភ័ក្ដិអ្នកវិញ។
៧.នាងមិនខ្លាចការបែកបាក់គ្នា
នាងនឹងមិនយកចិត្តទុកដាក់លើបញ្ហាណាមួយឡើយ ហើយបណ្ដោយឲ្យវាទៅតាមដំណើរចុះ បើទោះជាអ្នកក្បត់ចិត្តនាង ក៏មិនខ្ចីយំ ឬបញ្ចេញកំហឹងនាំឲ្យអាប់ឱនកិត្តិយសដែរ។ ដូចគ្នានេះផងដែរ នាងនឹងឲ្យអ្នកចេញទៅដោយមិនស្រណោះសោះ៕
ចុចអាន៖ស្រីៗចង់បានមនុស្សប្រុសល្អៗជាគូ ត្រូវដឹង ៦ ចំណុចនេះពីគេសិនដែរ