គន្លឹះ ៦ យ៉ាងស្លៀកពាក់ឲ្យឃើញខ្ពស់ជាងមុន និងឃើញរាងស្លីមស្អាតជាងមុន
- 2018-06-05 04:30:00
- ចំនួនមតិ 0 | ចំនួនចែករំលែក 0
គន្លឹះ ៦ យ៉ាងស្លៀកពាក់ឲ្យឃើញខ្ពស់ជាងមុន និងឃើញរាងស្លីមស្អាតជាងមុន
ការស្លៀកពាក់ប្រៀបបានដូចជាសិល្បៈមួយដែលបង្ហាញអំពីស្ទឹលនិងចំណូលចិត្តដូច្នេះដែរ។ នៅពេលស្លៀកពាក់បានស្អាត ការធ្វើដំណើរទៅណាមកណាក៏មានភាពជឿជាក់លើខ្លួនឯងដែរ។ ប៉ុន្តែដើម្បីឲ្យស្លៀកពាក់ទៅឃើញស្អាតពុំចាំបាច់ទាល់តែមានរាងខ្ពស់ស្រលូនស្រាប់នោះទេ។ និយាយរួមអ្នកមិនសូវបានកម្ពស់ អាចសាកល្បងរៀនវិធីស្លៀកពាក់ទាំង៦ វិធីនេះ ដើម្បីឲ្យចេះរើសខោអាវស្លៀកពាក់សក្ដិសមធ្វើឲ្យមើលទៅខ្ពស់ស្អាត។
១. បើចង់ពាក់អាវស្លៀកសំពត់
ចង់ឲ្យមើលទៅខ្ពស់ក្នុងសម្លៀកបំពាក់បែបនេះ អ្នកគួរជ្រើសរើសសំពត់ណាដែលមានចង្កេះខ្ពស់ ហើយតឺនុយជាមួយអាវ។ ជៀសវាងពាក់អាវដាក់ខាងក្រៅសំពត់ដែលនឹងធ្វើឲ្យអ្នកមើលទៅកាន់តែឃើញទាប។
២. បើពាក់រ៉ូបវែងពាក់ស្បែកជើងក្រវាត់កែង
ជ្រើសរើសស្បែកជើងដែលត្រូវគ្នាជាមួយពណ៌សម្បុរ ឬស៊ីគ្នានឹងពណ៌រ៉ូបដែលអ្នកពាក់ ហើយបើជាសាច់ក្រណាត់យឺត គឺមិនចាំបាច់ដាក់ខ្សែក្រវាត់ចង្កេះទៀតនោះទេ។ ចំណែកការពាក់ស្បែកជើងពណ៌ដិតខ្លាំងពេក ធ្វើឲ្យមើលទៅចាប់អារម្មណ៍នឹងវា ដូច្នេះហើយទើបដឹងថាអ្នកមានជើងខ្លីៗ។
៣. ពាក់អាវក្រៅខ្លួនខ្លី
អ្នកគួរជ្រើសរើសអាវក្រៅដែលតូចនិងខ្លីល្មម។ កុំជ្រើសរើសអាវក្រៅដែលធំហើយវែងពេក ព្រោះវានឹងធ្វើឲ្យអ្នកមើលទៅឃើញតឿ។
៤. ស្លៀករ៉ូបពាក់ស្បែកជើងរាបស្មើ
សម្រាប់អ្នកចូលចិត្តស្លៀករ៉ូបហើយពាក់ស្បែកជើងរាបស្មើអ្នក គូរជ្រើសរើសរ៉ូបដែលមានរាងស្រាប់ ឬរឹបចង្កេះ។ បើស្លៀករូបរលុងគូរប្រើខ្សែក្រវាត់ឲ្យឃើញរាង ព្រោះបើស្លៀករ៉ូបរលុងហើយពាក់ស្បែកជើងទាបទៀតនឹងឃើញទាបជាមិនខាន។
៥. ពណ៌អាវកុំផ្ទុយពីខោខ្លាំងពេក
កាលណាពណ៌អាវផ្ទុយគ្នានឹងពណ៌ខោខ្លាំងពេក ធ្វើឲ្យអ្នកមើលទៅទាបជាងពេលពាក់អាវពណ៌ស៊ីគ្នាជាមួយខោ។
៦. អាវយឺតខោខោវប៊យ
គួរជ្រើសរើសខោចង្កេះខ្ពស់ ពាក់អាវយឺតសំរុងខ្លី (Crop Top)។ បើពុំដូច្នេះទេ ពាក់អាវយឺតធម្មតាតែត្រូវតឺនុយក្នុងខោ ហើយពាក់ស្បែកជើងកែងទើបមើលទៅខ្ពស់៕
ចុចអាន៖សិស្សស្រីៗ អាចធ្វើសក់ ៤ ម៉ូដនេះបាន ស្អាត សុភាព សក្ដិសមសម្រាប់អ្នកគ្មានពេលច្រើន