ត្រឹមវ័យ ១៨ ឆ្នាំប៉ុណ្ណោះ នារីម្នាក់នេះមានទេពកោសល្យច្នៃម៉ូដយ៉ាងប្រណិត
- 2018-05-31 04:30:00
- ចំនួនមតិ 0 | ចំនួនចែករំលែក 0
ត្រឹមវ័យ ១៨ ឆ្នាំប៉ុណ្ណោះ នារីម្នាក់នេះមានទេពកោសល្យច្នៃម៉ូដយ៉ាងប្រណិត
នារីវ័យក្មេង ហោ សុនិតា ដែលមានវ័យត្រឹម ១៨ ឆ្នាំ និងជាសិស្សថ្នាក់ទី ១១ មានទេពកោសល្យខាងច្នៃម៉ូដសម្លៀកបំពាក់ស្អាតៗគួរឲ្យកោតសរសើរ។ នាងបាននិយាយប្រាប់ កញ្ញា ថា ដោយសារតែកើតនៅក្នុងគ្រួសារជាអ្នកជំនាញផ្នែកច្នៃម៉ូដ និងកាត់ដេរដ៏ល្បីស្រាប់ គឺហាង ប៉ារ៉ាឌី ធ្វើឲ្យនាងចាប់អារម្មណ៍ជំនាញនេះតាំងតែពីក្មេងដែរ។ ជាពិសេសនៅពេលនាងមានអាយុ ១២ ឆ្នាំ សុនិតា ចូលចិត្តមើលទស្សនាវដ្ដី ហើយគូរតាមបន្តិចម្តងៗ រហូតអាចបង្កើតម៉ូដថ្មីៗ បានដោយខ្លួនឯង។
សម្រាប់ការគូររូបចេញជាម៉ូដមួយៗ ម៉ូដណាដែលគិតទុកស្រាប់ គឺចំណាយពេលត្រឹម ៤ ទៅ ៥ នាទីប៉ុណ្ណោះ ហើយចំពោះម៉ូដណាដែលមិនបានគិតទុក តែត្រូវគូរចេញភ្លាមៗត្រូវចំណាយពេលពី ៥ ទៅ ១០នាទី។ ការច្នៃម៉ូដរបស់ សូនីតា តែងតែទទួលបានការពេញចិត្ត កោតសរសើរពីអតិថិជន និងបណ្តាញអ្នកគាំទ្រនៅក្នុង Instagram ដែលមានចំនួនអ្នក Follow ជាង ៤ ម៉ឺននាក់។ នាថ្ងៃអនាគតកូនស្រីម្ចាស់ហាងកាត់ដេរសម្លៀកបំពាក់ ប៉ារ៉ាឌី មួយរូបនេះ មានបំណងចង់ក្លាយជា អ្នកជំនួយផ្នែកច្នៃម៉ូដ ដូចជាម្តាយ និងបងស្រីរបស់ខ្លួនដែរ៕
ចុចអានបន្ត៖
រូបភាពផ្ដល់ឲ្យដោយ៖ ហោ សុនិតា