ត្រចៀកកាំ រងការរិះគន់ពេល កាត់តទាញជើងឲ្យវែងជ្រុល ដូចកំពូលម៉ូដែល
- 2018-05-31 02:19:46
- ចំនួនមតិ 0 | ចំនួនចែករំលែក 0
ត្រចៀកកាំ រងការរិះគន់ពេល កាត់តទាញជើងឲ្យវែងជ្រុល ដូចកំពូលម៉ូដែល
ជាថ្មីម្ដងទៀត ការប្រើប្រាស់កម្មវិធីកាត់តជ្រុលរបស់កំពូលតារាសម្ដែងស្រីចិន Zhao Wei បានក្លាយជាប្រធានបទឲ្យគេរិះគន់សាជាថ្មី។
កាលពីថ្ងៃទី២៨ខែឧសភាកន្លងទៅនេះ បណ្ដាញព័ត៌មាន Sina បានចុះផ្សាយពីកម្រងរូបភាពថ្មីរបស់តារាស្រីជើងចាស់ Zhao Wei នៅពេលនាងបង្ហាញមុខនៅព្រលានយន្តហោះប៉េកាំង ប្រទេសចិនដើម្បីទៅបំពេញការងាររបស់ខ្លួន។ នៅក្នុងរូបទាំងនេះ គេសង្កេតឃើញថា ប្រភពព័ត៌មានខាងលើបានកាត់ត ជើងរបស់ស្រីស្អាតវ័យ៤២ឆ្នាំ ឲ្យទៅជាវែង និងស្រឡូនមិនខុសពីជើងរបស់កំពូលម៉ូដែលឡើយ។
ទស្សនិកជនមិនតិចឡើយ បានរិះគន់ថា តារាស្រីរូបនេះហាក់ញៀននឹងការកាត់តជើង ត្បិតរូបនៅខាងក្រៅរបស់នាង ជើងមានសភាពខ្លី និងធំជាងក្នុងរូបឆ្ងាយណាស់។ យ៉ាងណាក្ដី ក៏មានអ្នកគាំទ្រមិនតិចដែរ ដែលការពារតួរឿង “ព្រះនាងយេយ” ដោយបានលាន់មាត់ថា ក្នុងវ័យ៤២ឆ្នាំ រក្សាបានរាងដូចនេះគឺអស្ចារ្យណាស់ទៅហើយ៕