ផលប៉ះពាល់ ៧យ៉ាងពីម៉ាស៊ីនត្រជាក់ ដែលអ្នកមិនធ្លាប់ដឹង
- 2018-05-28 04:03:52
- ចំនួនមតិ 0 | ចំនួនចែករំលែក 0
ផលប៉ះពាល់ ៧យ៉ាងពីម៉ាស៊ីនត្រជាក់ ដែលអ្នកមិនធ្លាប់ដឹង
ប្រសិនបើអ្នកចូលចិត្តប្រើម៉ាស៊ីនត្រជាក់ពេញមួយថ្ងៃ អ្នកគួរតែកាត់បន្ថយហើយ។ ម៉ាស៊ីនត្រជាក់មានផលប៉ះពាល់ច្រើនលើសលុបដែលអ្នកមិនដែលចាប់អារម្មណ៍។ កញ្ញានឹងប្រាប់អ្នកពីផលប៉ះពាល់ទាំងនោះ៖
១. ការខ្សោះជាតិទឹក
អ្នកមានអារម្មណ៍ថាចង់ផឹកទឹកច្រើន នៅពេលម៉ាស៊ីនត្រជាក់កាន់តែត្រជាក់។ អត្រានៃការខ្សោះជាតិទឹកនៅក្នុងបន្ទប់មានម៉ាស៊ីនត្រជាក់ខ្ពស់ជាងបន្ទប់ដែលប្រើកង្ហារ។
២. ឈឺក្បាល និងរោគប្រកាំង(ឈឺមួយចំហៀងក្បាល)
ផលប៉ះពាល់ខ្លាំងបំផុតគឺ អ្នកប្រើម៉ាស៊ីនត្រជាក់ច្រើនតែឈឺក្បាល។ ការឈឺក្បាលនោះអាចបណ្តាលមកពីការខ្សោះជាតិទឹកខ្លាំងពេក និងមេរោគនៅជាប់ម៉ាស៊ីនត្រជាក់។
៣. បញ្ហាដង្ហើម
ច្រមុះ ភ្នែក និង បំពង់កអ្នកអាចនឹងឧស្សាហ៍ឈឺដោយសារតែប្រើប្រាស់ម៉ាស៊ីនត្រជាក់ច្រើនពេក។ អ្នកអាចមានអាការៈតឹងច្រមុះ ស្ងួតបំពង់កឬអាចឈានដល់ការរលាកច្រមុះ។ ដូចដែលការសិក្សាបានបង្ហាញឱ្យឃើញថា ២៨ភាគរយនៃអ្នកប្រើប្រាស់ម៉ាស៊ីនត្រជាក់មានបញ្ហាដង្ហើមនិងការរលាក។
៤. អស់កម្លាំង
អ្នកគួរតែកាត់ម៉ាស៊ីនត្រជាក់នៅក្នុងបន្ទប់ ឬកន្លែងធ្វើការខ្លះហើយ ព្រោះវាធ្វើឱ្យអ្នកអស់កម្លាំងដោយការខ្សោះជាតិទឹក។ អ្នកអាចមានអារម្មណ៍ថាខ្ជិលធ្វើការ និងគ្មានកម្លាំងកំហែង។
៥. ស្បែកស្ងួត និងរមាស់
នៅពេលដែលអ្នកត្រូវកម្តៅថ្ងៃក្តៅខ្លាំងគួបផ្សំជាមួយនឹងម៉ាស៊ីនត្រជាក់ទៀតនោះ ស្បែកអ្នកនឹងរមាស់ និងស្ងួត។
៦. ជំងឺហឺត និងប្រតិកម្ម (Allergies)
ម៉ាស៊ីនត្រជាក់ក៏អាចធ្វើឱ្យអ្នករងប្រតិកម្ម និងមានជំងឺហឺតថែមទៀតផង។ សម្រាប់ដែលប្រតិកម្មតែងតែកន្តាស់គ្រប់ពេល ជាពិសេសនៅពេលដែលម៉ាស៊ីនត្រជាក់មិនស្អាត។
៧. ភ្នែកស្ងួត
ភ្នែកស្ងួតអាចធ្វើឱ្យរមាស់ និងឈឺ ពេលខ្លះវាក៏អាចធ្វើឱ្យគំហើញរបស់អ្នកកាន់តែយ៉ាប់ទៅៗ។ ហើយអ្នកដែលមានបញ្ហានេះច្រើនដោយសារតែការប្រើប្រាស់ម៉ាស៊ីនត្រជាក់ច្រើន និងមិនបានសម្អាតឱ្យទៀងទាត់៕
-បើមិនចង់កើតជំងឺមហារីកទៅថ្ងៃក្រោយ កុំឧស្សាហ៍ញ៉ាំមីឆាលតឆាច្រើនពេក
-កុំប្រហែស! ទម្លាប់ប្រចាំថ្ងៃ៧យ៉ាង ធ្វើឱ្យឆ្អឹងខ្នងកោងខូចដោយមិនដឹងខ្លួន