មនុស្សគ្រប់រូបគួរដឹងពីក្រមសីលធម៌ ៨ នេះ ទើបរស់នៅក្នុងសង្គមដោយភាពថ្លៃថ្នូរបាន
- 2018-05-27 06:00:00
- ចំនួនមតិ 0 | ចំនួនចែករំលែក 0
មនុស្សគ្រប់រូបគួរដឹងពីក្រមសីលធម៌ ៨ នេះ ទើបរស់នៅក្នុងសង្គមដោយភាពថ្លៃថ្នូរបាន
ការដឹងអំពីរបៀបប្រព្រឹត្តដោយឈ្លាសវៃ នឹងជួយច្រើនក្នុងជីវិត រួមទាំងការងាររបស់អ្នក។ ទោះជាយ៉ាងណាក៏ដោយគ្មាននរណាម្នាក់កើតមកមានគំនិត ឬអាចនិយាយសម្ដីបានយ៉ាងល្អនោះទេ ប៉ុន្តែអ្នកត្រូវឆ្លងកាត់ការរៀនសូត្រ និងការបណ្ដុះបណ្ដាលសិន។ ទាំងនេះ គឺជាក្រមសីលធម៌មួយចំនួនដែលអ្នកត្រូវដឹង៖
១.ភាពសប្បាយរីករាយជាអ្វីដែលចាំបាច់បំផុតនៅក្នុងជីវិតនេះ ប៉ុន្តែនៅពេលដែលយើងទៅជាមួយមិត្តភ័ក្ដិ លុយក៏ត្រូវតែច្បាស់ដែរ។ មុនពេលទៅញ៉ាំអី ឬញ៉ាំរួចហើយ ត្រូវបង់លុយស្មើគ្នា ទៅតាមអ្វីដែលកុម្ម៉ង់រួច មិនត្រូវឲ្យមិត្តជាអ្នកចំណាយទាំងអស់ឡើយ ព្រោះមិនមែនជាញ៉ាំតែគេ។
២.គ្មាននរណាម្នាក់កើតមកដែលនិយាយកុហកទេ ប៉ុន្តែដោយសារតែរស់នៅក្នុងសង្គមមានសមាសធាតុខុសៗគ្នា ទើបចរិតមនុស្សក៏ខុសគ្នាតាមនោះដែរ។ បើអ្នកមានទម្លាប់កុហកញឹកញាប់ សូមព្យាយាមកាត់បន្ថយសកម្មភាពទាំងនោះ ពីព្រោះមនុស្សនៅជុំវិញអ្នកនឹងឃើញថាអ្នកខ្វះចំណេះដឹង ឬជាមនុស្សមិនទៀងត្រង់។
៣.កុំចូលចិត្តទៅនិយាយត្អូញត្អែរពីស្នេហា ឬជីវិតអ្នកឲ្យគេស្ដាប់ពេក។ ព្រោះគ្មាននរណាម្នាក់អាចស្ដាប់អ្នកនិយាយអំពីដំណើរដើមទងនៃស្នេហា រហូតដល់ជួបការប្រេះឆារបស់អ្នកបានទេ។ យូរៗម្ដង ឬពេលមានអ្នកដទៃសួរនាំចាំប្រាប់គេចុះ តែបើអង្គុយតែរៀបរាប់គ្រប់ពេល អ្នកដទៃក៏គេចេះធុញដែរ។
៤.ពាក្យមិនអាចនិយាយនៅចំពោះមុខមនុស្សបាន កុំនិយាយដើមគេនៅពីក្រោយខ្នង។
៥.ធ្វើជាមនុស្សរស់នៅក្នុងសង្គមនឹងគេ ត្រូវតែឆ្លើយតបនឹងអ្វីដែលគេសួរនាំ បើទោះជាមិនចង់និយាយក៏ដោយ អ្នកត្រឹមនិយាយថា «សុំមិនឆ្លើយតប» កុំឲ្យតែគេសួរនាំមុខគេមិនមើលផងនោះ។ ព្រោះការមិនឆ្លើយតប អ្នកមើលទៅដូចខ្វះទំនាក់ទំនងល្អជាមួយអ្នកជិតខាងពេក។
៦.ទំនាក់ទំនងរវាងមនុស្ស គឺស្មើគ្នាកុំគិតពីការពឹងផ្អែកលើគេ ឬការទាញយកផលប្រយោជន៍ពីគេពេក ព្រោះអ្នកអាចនឹងអស់អ្នកនិយាយរក។
៧.មនុស្សណាក៏មានចំណុចល្អ និងអាក្រក់រៀងខ្លួនដែរ។ ចំណែកគំនិតរឹតតែមិនដូចគ្នាទៀត ហើយពេលគេគិតបែបណាក៏ត្រឹមត្រូវដែរ ព្រោះមនុស្សមានហេតុផលសម្អាងខុសគ្នា។
៨.កុំទៅខ្ចីរបស់គេប្រើដូចជាទូរសព្ទ កុំព្យូទ័រ ដើម្បីចូលមើលរឿងរ៉ាវឯកជន ឬឯកសាររបស់ពួកគេ ដោយគ្មានការអនុញ្ញាត៕
ចុចអាន៖ចងចាំប៉ុន្មានចំណុចនេះ ការឈឺចាប់បែបណាក៏មិនអាចបំផ្លាញអ្នកបានឡើយ