តារាចិន ៧ រូបនេះមិនចេះស្កប់ ស្អាតពីធម្មជាតិហើយ បែរទៅកែបន្ថែម លទ្ធផលអាក្រក់ជាងមុន

2018-05-25 06:00:00
ចំនួនមតិ 0 | ចំនួនចែករំលែក 0

ការកែសម្ផស្ស គឺមានភាពពេញនិយមខ្លាំងណាស់ សម្រាប់ស្រីៗ ជាពិសេសតារាៗតែម្ដង ព្រោះអាចបំពេញចំណុចខ្វះខាតលើមុខមាត់ និងដងខ្លួនបាន។ ប៉ុន្តែសម្រាប់តារាស្រីទាំងនេះវិញ មុនដំបូងសម្រស់ស្រស់ស្អាតពីធម្មជាតិស្រាប់ហើយ បែរជាទៅកែកុនបន្ថែម ដែលជាហេតុនាំឲ្យអាក្រក់ជាងមុនទៅវិញ។ ចង់ដឹងថា អ្នកទាំងនោះជានរណាខ្លះ សូមតាមដានខាងក្រោមនេះ៖

១.Zhang Meng

មនុស្សជាច្រើនអះអាងថា Zhang Meng ធ្លាប់ធ្វើការកែសម្ផស្ស រហូតធ្វើឲ្យមុខខុសប្លែកពីមុនឆ្ងាយ។ រូបរាងបច្ចុប្បន្នរបស់នាង បានធ្វើឲ្យអ្នកគាំទ្រមួយចំនួនមានការសោកស្ដាយ ព្រោះ Meng មានភាពស្រស់ស្អាតស្រាប់ ជាមួយមុខស្រទន់ ភ្នែកធំៗ និងស្បែកស ហើយអ្នកខ្លះនិយាយថា សម្រស់នាងស្មើនឹង Liu Yifei ទៀតផង។ ប៉ុន្តែឥឡូវគឺខុសគ្នាដាច់។

រូបឆ្វេង Zhang Meng មិនទាន់កែ រូបស្ដាំកែហើយ

**២.Joey Wong**

នៅទសវត្សរ៍ ៩០ Joey Wong គឺជារាជិនីសម្រស់របស់ហុងកុង។ ក្នុងឆ្នាំ ១៩៨៧ នាងបានឈ្នះពានរង្វាន់សំខាន់ជាច្រើនជាមួយទេពកោសល្យសម្ដែង និងរូបសម្រស់ដ៏ស្រស់ត្រកាល។ រយៈពេល ១០ ឆ្នាំដែលចាកចេញពីអេក្រង់ទូរទស្សន៍ ទស្សនិកជនមានភាពភ្ញាក់ផ្អើលខ្លាំងពេលឃើញ Joey បង្ហាញមុខម្ដងទៀត ជាមួយនឹងសម្រស់ខុសប្លែកពីប្រក្រតី ដោយគេជឿជាក់ថានាងបានកែសម្ផស្ស ដើម្បីឲ្យតែក្មេងជាងវ័យ តែលទ្ធផលបែរជាអាក្រក់ជាងមុនទៅវិញ។

រូបឆ្វេង Joey Wong មិនទាន់កែ រូបស្ដាំកែហើយ

៣.Cyndi Wang

Cyndi គឺជាតារាសម្ដែង និងអ្នកចម្រៀងមានឈ្មោះបោះសំឡេងគួរសម។ ជារឿយៗសម្រស់នាងតែមានភាពប្រែប្រួល ដែលធ្វើឲ្យទស្សនិកជនសង្ស័យថាបានកែកុន តែនាងមិនធ្លាប់សារភាពទេ។

រូបឆ្វេង Cyndi Wang មិនទាន់កែ រូបស្ដាំកែហើយ

៤.Barbie Hsu

សាន់ឆាយ ធ្លាប់ត្រូវទស្សនិកជនសង្ស័យថាបានចាក់បំពេញមុខ រហូតហើមជ្រុល តែគ្មានការបកស្រាយណាមួយឡើយ។

រូបឆ្វេង Barbie Hsu មិនទាន់កែ រូបស្ដាំកែហើយ

៥.Li Xiaolu

កាលនៅវ័យជាង ២០ ឆ្នាំ Li Xiaolu មានសម្រស់ស្អាតខ្លាំងណាស់ ចង្កាស្រួចស្រាប់ និងមានស្បែកមុខតឹងរលោង។ ប៉ុន្តែប៉ុន្មានឆ្នាំចុងក្រោយនេះតារាស្រីវ័យ ៣៥ ឆ្នាំ បានទៅកែសម្ផស្សជាញឹកញាប់ ព្រោះមុខនាងតែងហើមជានិច្ច ពេលបង្ហាញខ្លួនម្ដងៗ។

រូបឆ្វេង Li Xiaolu មិនទាន់កែ រូបស្ដាំកែហើយ

៦.Zheng Shuang

ពេលចូលសិល្បៈដំបូង នាងជាតារាស្រីដែលមានកិត្តិនាមល្បីល្បាញ ដោយសារតែទេពកោសល្យជាមួយនឹងភាពស្រស់ស្អាតពិតៗ។ ប៉ុន្តែបច្ចុប្បន្ន ក្រោយពេលកែកុនបន្ថែម មុខ Zheng Shuang ទៅជាចាស់ជាងមុនឆ្ងាយទៅវិញ ហើយនាងធ្លាប់ពោលពាក្យស្ដាយក្រោយ និងចង់វិលត្រឡប់ទៅភាពស្រស់ស្អាតដូចកាលពីមុនវិញទៀតផង។

រូបឆ្វេង Zheng Shuang មិនទាន់កែ រូបស្ដាំកែហើយ

៧.Sun Feifei

Feifei ពេលចូលក្នុងឧស្សាហកម្មកម្សាន្តចិនដំបូង នាងគឺមិនជាស្រស់ស្អាតដាច់គេទេ ប៉ុន្តែអាចនិយាយបានថា ស្អាតបែបស្រគត់ស្រគំ ជាពិសេសពេលតែងខ្លួនម្ដងៗ។ ប៉ុន្តែថ្មីៗនេះពេលបង្ហាញខ្លួនក្នុងកម្មវិធីមួយ នាងត្រូវបានគេថា កែសម្ផស្សឡើងជ្រុលមើលលែងចង់ស្គាល់៕