ខោអាវដែលស្រីៗមិនគួរស្លៀក ថ្ងៃណាត់ជួប Crush លើកដំបូង
- 2018-05-23 09:30:00
- ចំនួនមតិ 0 | ចំនួនចែករំលែក 0
ខោអាវដែលស្រីៗមិនគួរស្លៀក ថ្ងៃណាត់ជួប Crush លើកដំបូង
អ្នកពិតជាមានសំណាងណាស់ដែលមានឱកាសបានទៅជួប Crush តែពីរនាក់ ព្រោះអ្នកខ្លះទៀត មាន Crush ដែរ។ ប៉ុន្តែបានត្រឹមតែមើលរូបថត តាមដានក្នុងបណ្តាញសង្គម ហើយគ្មានពេលបាននិយាយ និងនៅជិតគេនោះទេ ដូច្នេះហើយបើអ្នកមានវេលាល្អបែបនេះនៅក្នុងដៃហើយ អ្នកគួរប្រុងប្រយ័ត្នទាំងការនិយាយស្តី ជាពិសេសការស្លៀកពាក់ ដើម្បីកុំឲ្យ Crush អស់ចិត្តតាំងពីជួបលើកដំបូង។
១. ខោអាវស៊ុលគឃុលមិនរៀបរយ
ទោះអ្នកមិនចង់លេងខ្លួនខ្លាំង ប៉ុន្តែយ៉ាងហោចណាស់ អ្នកគួរស្លៀកពាក់ឲ្យបានសមរម្យ មិនមែនដូចជាការស្លៀកពាក់នៅផ្ទះ ព្រោះគេអាចមើលមកយើងថាជាមនុស្សខ្ជិល និងគ្មានរបៀប។
២. រ៉ូបសិចស៊ី ខោចលើខើចក្រោម
ភាពសិចស៊ី គឺអាចទាក់ទាញក្រសែភ្នែកបុរសបានមែន ប៉ុន្តែបុរសខ្លះ មិនចូលចិត្តទាល់តែសោះ ហើតគេថែមទាំងមិនយកភ្នែកមើលទៀតផង។
៣. ទិញខោអាវថ្មី មានម៉ូដដែលមិនធ្លាប់ស្លៀកពីមុនមក
អ្នកអាចជ្រើសសម្លៀកបំពាក់ណា ដែលមាននៅក្នុងទូរស្រាប់ ដោយមិនចាំបាច់ចំណាយលុយទៅលើ ខោអាវថ្មី ជាពិសេសចំពោះម៉ូដណាដែលមិនធ្លាប់ពាក់ពីមុនសោះ ព្រោះវាអាចធ្វើឲ្យអ្នកលែងជាខ្លួនឯងពីមុន។
៤. ស្លៀកអីដែលមិនធ្វើឲ្យស្រួលក្នុងខ្លួន
ស្លៀកអ្វីដែលធ្វើឲ្យស្រួលខ្លួនឯងវិញ ទើបជាការល្អ ពេលទៅជួប crush តែបើអ្នកស្លៀករឹបពេកនាំតែពិបាកប្រឹងទប់ខ្លួន ពេលអង្គុយ និយាយ ឬដើរ។
៥. រ៉ូបចោមពុងមានផ្កា
ស្ទីលនេះបានតែទៅដើរលេង ឬក៏ទៅសមុទ្រទេ បើគ្រាន់ទៅណាត់ជួបញ៉ាំអីធម្មតាគឺមិនស័ក្តិសមឡើយ។
៦. ខោស្បែកដែលរឹបជ្រុល
ស្លៀកបែបនេះមិនល្អមើលសោះ ហើយដូចជាលេចធ្លោខ្លាំងពេកហើយ។ បើចង់ស្លៀកខោគួរជ្រើសខោខោវប៊យ ឬសាច់ក្រណាត់ មិនមែនស្បែក ហើយមិនរឹបតឹង ឬរលុងពេកទេ។
៧. ស្លៀកពាក់ដូចទៅកម្មវិធី
កាន់តែសាមញ្ញ បុរសកាន់តែចាប់អារម្មណ៍ បើអ្នកស្លៀកពាក់ដូចជាទៅញ៉ាំការឬជប់លៀង គេច្បាស់ជាហួសចិត្ត។
៨. ស្បែកជើងកែងចោទពិបាកដើរ
កែងចោទ ធ្វើឲ្យឃើញខ្ពស់រាងស្រឡូនស្អាត ប៉ុន្តែបើខ្ពស់ពេក អាចធ្វើឲ្យឈឺជើង ឬពិបាកដើរ ហើយដំណើរអ្នកនឹងលែងដូចពីមុន។
៩. Make up ក្រាស់ឃ្មឹក
Make up ស្រាលៗមើលទៅបែបធម្មជាតិគួរឲ្យស្រលាញ់ ជាងការMake Up ក្រាស់ៗជ្រុល ហើយត្រូវចំណាយពេលយូរទៀត៕
ចុចអានបន្ត៖