មនុស្សខ្លះចូលមកដើម្បីផ្ដល់មេរៀនយើង ហើយក៏ចាកចេញ (សម្រាប់អ្នកខូចចិត្តព្រោះគេបោះបង់)
- 2018-05-22 07:47:32
- ចំនួនមតិ 0 | ចំនួនចែករំលែក 0
មនុស្សខ្លះចូលមកដើម្បីផ្ដល់មេរៀនយើង ហើយក៏ចាកចេញ (សម្រាប់អ្នកខូចចិត្តព្រោះគេបោះបង់)
មនុស្សខ្លះចូលមកដើម្បីផ្ដល់មេរៀនឲ្យយើង ហើយក៏ចាកចេញ
“អ្នកដែលចាកចេញពីជីវិតអ្នក” មិនបានធ្វើឲ្យអ្នកខាតបង់អ្វីទេ បើសិនមនុស្សម្នាក់នោះតែងធ្វើឲ្យអ្នកស្ត្រេស ឈឺក្បាល និងឈឺចាប់។ ការដែលគេចាកចេញពីជីវិតអ្នក ការពិតគឺជារឿងល្អព្រោះ៖
អ្នកខ្លះចូលមកក្នុងជីវិតយើង តែមួយរយៈពេល ដោយហេតុផលណាមួយ ហើយក៏ត្រូវអស់កម្មពៀរជាមួយគ្នា អ្នកខ្លះចូលមកដើម្បីផ្ដល់ជាមេរៀនឲ្យយើង ហើយក៏ត្រូវចាកចេញ។
ពេលខ្លះយើងត្រូវបាត់បង់នរណាម្នាក់ ដើម្បីត្រលប់មកក្លាយជាខ្លួនឯងពីមុនវិញ ត្រូវបាត់បង់នរណាម្នាក់ ដើម្បីមានកន្លែងសម្រាប់មនុស្សដែលពិតប្រាកដជាមួយយើង។
ការបាត់បង់នរណាម្នាក់ គឺជាចំណែកមួយដែលធ្វើឲ្យយើងកាន់តែធំដឹងក្ដី។ ពេលខ្លះ មនុស្សដែលយើងត្រូវការក្នុងជីវិត គេអាចនឹងមិនមែនគូរបស់យើង។ ជាជាងទៅចាប់អារម្មណ៍មនុស្សដែលដើរចេញទៅ គួរសាកល្បងចាប់អារម្មណ៍មនុស្សដែលនៅជុំវិញខ្លួនយើង មនុស្សដែលតែងផ្ដល់កម្លាំងចិត្តឲ្យយើងវិញ។
បើឲ្យខ្ញុំជ្រើសរើស ខ្ញុំសុខចិត្តឯកោមួយរយៈ ជាជាងមានទំនាក់ទំនងដែលពោរពេញទៅដោយការមិនទុកចិត្ត និង ការឈឺចាប់។
បើឲ្យខ្ញុំជ្រើសរើស ខ្ញុំសុខចិត្តមានមិត្តល្អតែម្នាក់ ប្រសើរជាងមានមិត្ត២០នាក់ដែលមិនស្មោះត្រង់។
ជឿថា ប្រិយមិត្តជាច្រើនប្រាកដជាធ្លាប់ជួបស្ថានភាពដែលបែកពីនរណាម្នាក់ ឬបាត់បង់មិត្តភ័ក្ដិ តែមិនយូរមិនឆាប់ អ្នកនឹងជួបសង្សារ ឬមិត្តភ័ក្ដិដែលល្អជាងអ្នកទាំងនោះ។ បើអ្នកកំពុងស្ថិតក្នុងស្ថានភាពបែបនេះ ហើយមានអារម្មណ៍ខូចចិត្ត មានអារម្មណ៍មិនល្អ ខ្ញុំចង់ឲ្យអ្នកងាកមកគិតថា ជាជាងមានអារម្មណ៍សោកស្ដាយ ឬមានអារម្មណ៍ថាហេតុអីបរាជ័យគ្រប់ពេល សូមសួរខ្លួនឯងថា តើជីវិតកំពុងតែផ្ដល់អ្វីឲ្យយើង ដែលល្អជាងមនុស្សម្នាក់នេះ ឬមិត្តក្រុមនេះ? សង្ឃឹមថា គំនិតនេះ នឹងអាចជួយអ្នក ឬជួយមនុស្សដែលអ្នកស្រលាញ់បាន ៕
ចុចអាន៖
ពិភពលោកមនុស្ស៧ពាន់លាននាក់ ហេតុអ្វីត្រូវនៅរង់ចាំគេតែម្នាក់?
សុខចិត្តឈ្លោះឲ្យដឹងគ្នាម្ដង ក៏គ្រាន់ជាងស្ងៀមស្ងាត់ហើយបាត់បង់គ្នារហូត