ស្ថិតក្នុងស្ថានភាព ៨ នេះអ្នកអាចនៅលីវបាន តែបើកំពុងនៅស្ថានភាព ៥ យ៉ាងនេះ អ្នកគួរឲ្យបារម្ភ
- 2018-05-22 08:00:00
- ចំនួនមតិ 0 | ចំនួនចែករំលែក 0
ស្ថិតក្នុងស្ថានភាព ៨ នេះអ្នកអាចនៅលីវបាន តែបើកំពុងនៅស្ថានភាព ៥ យ៉ាងនេះ អ្នកគួរឲ្យបារម្ភ
ជីវិតនៅ Single មិនមានអ្វីគួរឲ្យភ័យព្រួចឡើយ បើអ្នកស្ថិតក្នុងវេលាទាំង ៨ នេះ តែអ្នកនឹងគួរឲ្យបារម្ភ ពេលធ្លាក់ចូលក្នុងស្ថានការណ៍ទាំង ៥ យ៉ាងនេះវិញ៖
១.ពេលដែលអាចនៅ Single បាន
ពេលដែលមិនមានបុរសណាម្នាក់ត្រូវចិត្ត គឺអ្នកអាចនៅលីវបានដោយគ្មានអ្វីត្រូវព្រួច។
អ្នកមិនចង់បន្តទំនាក់ទំនងជាមួយនរណាម្នាក់ ព្រោះចង់ទុកពេលឲ្យខ្លួនឯងបានសម្រាកពីរឿងស្នេហាខ្លះ។
ដោយសារតែចង់សម្រាកពីការមានស្នេហា ព្រោះកន្លងមកអ្នកមានរបួសផ្លូវចិត្តគ្រាំគ្រាខ្លាំង។
ប្រសិនបើអ្នកមានក្ដីសុបិនដ៏ធំនៅមិនទាន់សម្រេចបាន នោះការមានទំនាក់ទំនងពេលនេះពិតជាមិនសក្ដិសមឡើយ។
ការនៅលីវ គឺសប្បាយរីករាយខ្លាំងសម្រាប់អ្នក ដោយមិនទាន់អស់ចិត្តនឹងជីវិតបែបនេះទើបអ្នកមិនទាន់ចង់មានស្នេហា។
តើអ្នកអាចស្រលាញ់អ្នកដទៃយ៉ាងដូចម្ដេច ប្រសិនបើអ្នកមិនទាន់ចេះស្រឡាញ់ខ្លួនឯងគ្រប់គ្រាន់ផងនោះ។
បើអ្នកមិនទាន់ស្គាល់អ្វីដែលហៅថាស្នេហាផង អ្នកគួរនៅលីវមួយរយៈទៀតសិនទៅ។
អ្នកចង់សម្រេចអ្វីមួយឲ្យបានជោគជ័យសិន ចាំមានស្នេហាតាមក្រោយ។
២. ស្ថានភាពដែលអ្នកនៅ Single គួរឲ្យបារម្ភ
អ្នកនៅលីវ ព្រោះតែកំពុងរង់ចាំនរណាម្នាក់ទាំងគ្មានដំណឹងសោះឡើយ។
ព្រោះតែបរាជ័យរឿងស្នេហាច្រើនដងពេក ទើបអ្នកចេះតែបណ្ដោយខ្លួនលែងចង់ស្គាល់វាតទៅទៀត។
ចេះតែគិតថា ពេលវេលាមានស្នេហាមិនទាន់មិនដល់ រហូតបណ្ដោយខ្លួនឲ្យស្ថិតក្នុងភាពនៅលីវយូរទៅៗ។
អ្នកភ័យខ្លាចស្នេហាធ្វើឲ្យអ្នកខូចចិត្ត ដូចនេះហើយចេះតែបណ្ដោយឲ្យមនុស្សល្អៗចាកចេញទៅ ដោយមិនធ្លាប់បើកចិត្តទទួលគេសាកល្បងសិន។
នៅ Single ព្រោះអ្នកចង់បង្ហាញដល់អ្នកដទៃថា ខ្លួនអាចរស់នៅដោយគ្មានស្នេហាបាន៕