បើគេស្រឡាញ់អ្នកពិតមែន គេមិនឲ្យអ្នករត់តាមគេនូវរឿង ៥យ៉ាងនេះទេ

2018-05-21 06:24:56
ចំនួនមតិ 0 | ចំនួនចែករំលែក 0

ស្នេហាទាល់តែស្រឡាញ់គ្នាទៅវិញទៅមកបានមិនសូវហត់ចិត្ត ព្រោះបើមានអ្នកព្រងើយកន្តើយម្នាក់ទៀតនឹងនឿយហត់ក្នុងការរត់តាម។ យ៉ាងណាមិញបើគេពិតជាស្រឡាញ់អ្នកមែន គេនឹងមិនឲ្យអ្នករត់តាមគេនូវរឿងដូចខាងក្រោមទេ ៖

១. ចំណង់ចំណូលចិត្ត

គេនឹងផ្ដល់ឲ្យអ្នកនូវអ្វីដែលអ្នកត្រូវការ ដោយមិនបាច់បញ្ជានេះបញ្ជានោះតាមតែអ្វីដែលគេចង់បាន។ គេមិនឲ្យអ្នកលះបង់នូវចំណូលចិត្តផ្ទាល់ខ្លួនហើយរត់មករកគេនោះទេ គេនឹងផ្ដល់នូវការសម្របគ្នាមួយដែលមិនឲ្យម្នាក់ណាមានអារម្មណ៍មិនល្អដោយសារព្យាយាមកែប្រែធម្មជាតិរបស់ខ្លួនឡើយ។

រូបតំណាង

**២. តាមលួង តាមទ្រ**

បើស្រឡាញ់ប្រាកដជាព្យាយាមលួងគេហើយពេលគេខឹង តែបើគេពិតជាស្រឡាញ់អ្នកពិតមែន គេមិនឲ្យអ្នកហត់ចិត្តក្នុងរឿងនេះទេ។ អ្នកណាខុស អ្នកនោះសុំទោស មិនមែនឲ្យអ្នករត់តាមលួង តាមសុំទោសទាំងម្នាក់ទៀតធ្វើចរិតហីនោះទេ។

៣. លះបង់តែម្ខាង

បើគេពិតជាស្រឡាញ់អ្នកគេមិនឲ្យអ្នកលះបង់តែម្ខាងទេ គេនឹងលះបង់ឲ្យអ្នកវិញដូចគ្នា។ ឧទាហរណ៍ គេតែងរកពេលមកជួបអ្នកដូចគ្នា មិនមែនឲ្យអ្នកទៅជួបគេរហូតនោះទេ។ គេតែងកំដរអ្នកទៅកន្លែងដែលអ្នកចង់ទៅ មិនមែនឲ្យតែអ្នកកំដរគេឡើយ។

៤. ហួងហែង

មនុស្សបើស្រឡាញ់គ្នា គឺត្រូវហួងហែងហើយ ព្រោះគ្មានអ្នកណាចង់ឲ្យមនុស្សខ្លួនស្រឡាញ់រញ៉េរញ៉ៃជាមួយអ្នកផ្សេងទេ។ តើបើគេចូលចិត្តលេងសើចច្រើន មិនសូវខ្វល់អារម្មណ៍អ្នក ហើយតែងឲ្យអ្នកហួងហែងគេគ្រប់ពេលនោះ មានន័យថាគេមិនបានស្រឡាញ់អ្នកខ្លាំងទេ។ បើគេទុកអ្នក ជាមនុស្សសំខាន់ខ្លាំង គេមិនធ្វើអីដែលនាំឲ្យចិត្តអ្នកមួហ្មងទេ ហើយគេក៏មិនឲ្យអ្នករត់តាមមើល រត់តាមចាប់ រត់តាមហាមគេដែរ។

៥. ក្ដីស្រឡាញ់

គេក៏បារម្ភពីអ្នកវិញដូចគ្នា មិនមែនឲ្យតែអ្នកបារម្ភពីគេតែម្នាក់ឯងនោះទេ។ ការយកចិត្តទុកដាក់ ការស្រឡាញ់គេនឹងផ្ដល់ឲ្យអ្នកវិញដូចគ្នា ដូច្នេះអ្នកក៏មិនហត់ដែលប្រឹងស្រឡាញ់គេតែឯងដែរ។ ទាំងនេះគេជាអ្វីដែលមនុស្ស២នាក់ស្រឡាញ់គ្នា មិនមែនស្រឡាញ់តែម្ខាងឡើយ។