៦សញ្ញាបញ្ជាក់ថាដល់ពេលត្រូវណែនាំសង្សារអ្នកឱ្យគ្រួសារស្គាល់ហើយ

2018-05-18 06:32:53
ចំនួនមតិ 0 | ចំនួនចែករំលែក 0

អ្នកមិនអាចគេចវេសសំណួររបស់ឳពុកម្តាយអ្នកអំពីសង្សារអ្នករហូតទេ។ប៉ុន្តែអ្នកក៏មិនដឹងថាពេលណាដែលត្រូវណែនាំដៃគូរឱ្យគ្រួសារបានស្គាល់ទេ។ អ្នកតែងតែសួរខ្លះឯងថា ដល់ពេលហើយឬនៅ? តើវាលឿនពេកទេដែលត្រូវណែនាំ? ឬក៏អ្នកត្រៀមខ្លួនហើយឬនៅ? ទាំងនេះជាសញ្ញាខ្លះៗដែលជួយប្រាប់អ្នកថាដល់ពេលហើយ៖

១.ទំនាក់ទំនងរបស់អ្នកទាំងពីរគឺនឹងនរ

មុនដំបូងអ្នកត្រូវសួរខ្លួនឯងថាទំនាក់ទំនងរបស់អ្នកទាំងពីរគឺនឹងនរហើយឬនៅ? មានតែអ្នកទេដែលដឹងថា ស្នេហារបស់អ្នកនឹងន ឋិតឋេរដែលអាចដល់ពេលត្រូវឈានទៅមុខ។

២. ដៃគូអ្នកចង់ជួបគ្រួសារអ្នក

តើគាត់មានសួរអ្នកពីគ្រួសារអ្នកទេ? គាត់ដែលនិយាយថាចង់ជួបជាមួយម៉ាក់ប៉ាអ្នកទេ? សំណួរទាំងនេះអាចបង្ហាញឱ្យឃើញថា គាត់ចាប់អារម្មណ៍ពីគ្រួសារអ្នក ហើយគាត់បានតាំងចិត្តនិងត្រៀមខ្លួនរួចរាល់ដើម្បីជួបគ្រួសារអ្នក។

៣. អ្នកចង់រៀបការជាមួយគាត់

នៅពេលដែលអ្នកចង់នៅជាមួយគាត់គ្រប់ពេល ហើយគិតរឿងអនាគតជាមួយគាត់ នោះបានន័យថាអ្នកត្រៀមខ្លួនរួចហើយ។ ការរៀបការគឺជាការបោះជំហានធំដែលតម្រូវឱ្យប្រាកដក្នុងចិត្តទាំងសងខាង។

៤. មនុស្សជុំវិញគាត់ស្គាល់អ្នក

អ្នកនៅជុំវិញខ្លួនគាត់ដូចជាមិត្តភក្តិ បងប្អូនស្គាល់អ្នក ហើយមិត្តភក្តិអ្នកក៏ស្គាល់គាត់ នោះបានន័យថាទំនាក់ទំនងអ្នកទាំងពីរឈានលើសពីស្នេហាធម្មតាមួយកម្រិតហើយ។

៥. គាត់ដឹងគ្រប់យ៉ាងពីអ្នក

គាត់យកចិត្តទុកដាក់ និងដឹងពីគ្រប់យ៉ាងដែលកើតឡើងក្នុងគ្រួសារអ្នកមានន័យថាប្រសិនបើអ្នកទុកចិត្តគាត់ហើយតែងតែប្រាប់រឿងគ្រប់យ៉ាងទៅគាត់ នោះអ្នកគួរតែដល់ពេលនាំគាត់ទៅផ្ទះឱ្យគ្រួសារបានស្គាល់ដែរហើយ។

៦. អ្នកជួបម៉ាក់ប៉ាគាត់រួចហើយ

អ្នកជួបម៉ាក់ប៉ាគាត់ហើយៗ អញ្ចឹងដល់វេនគាត់ម្តងហើយ ព្រោះថានៅពេលដែលគាត់ណែនាំអ្នកឱ្យម៉ាក់ប៉ាគាត់ស្គាល់ នោះគាត់ក៏ចង់ជួបជាមួយម៉ាក់ប៉ាគាត់ដែរ៕

ចុចអាន៖

ប្រភព៖ Womanitely ប្រែសម្រួល៖ តាន់ ច័ន្ទលក្ខិណា