កុំខ្ជះខ្ជាយពេលជាមួយមនុស្សបែបនេះ ព្រោះប្រឹងប៉ុណ្ណាក៏គ្មានសុភមង្គលដែរ
- 2018-05-18 01:00:00
- ចំនួនមតិ 0 | ចំនួនចែករំលែក 0
កុំខ្ជះខ្ជាយពេលជាមួយមនុស្សបែបនេះ ព្រោះប្រឹងប៉ុណ្ណាក៏គ្មានសុភមង្គលដែរ
ពេលវេលាមួយជីវិតនេះមិនច្រើនទេ ធ្មេចបើកៗពេលវេលា ១០ឆ្នាំក៏កន្លងហួសទៅយ៉ាងលឿនបំផុត។ បើក្នុងឆាកជីវិតនេះអ្នកចំណាយពេលនៅជាមួយមនុស្សខុសនោះ ជីវិតនេះសោះកក្រោះពេកហើយ។ កុំបន្ត កុំខ្ជះខ្ជាយពេលជាមួយមនុស្សដូចរៀបរាប់ខាងក្រោមនេះ ព្រោះមួយជីវិតនេះអ្នកមិនអាចរកសុភមង្គលឃើញទេ ៖
១. កុំខ្ជះខ្ជាយពេលជាមួយមនុស្សដែលឲ្យអ្នករត់តាមគេគ្រប់ពេល ព្រោះវាហត់ណាស់
**២.** កុំខ្ជះខ្ជាយពេលជាមួយមនុស្សដែលចង់តែឈ្នះអ្នកគ្រប់ពេល ទោះដឹងថាខ្លួនឯងខុសក៏ដោយ
៣. កុំខ្ជះខ្ជាយពេលជាមួយមនុស្សដែលទុកអ្នកចោលដូចតុក្កតា ចង់ឱបក៏ឱប ចង់ធាក់ចេញក៏ធាក់ចេញតាមចិត្ត
៤. កុំខ្ជះខ្ជាយពេលជាមួយមនុស្សដែលចេះតែយកមាត់មកសន្យា តែមិនដែលឃើញធ្វើអីបាន
៥. កុំខ្ជះខ្ជាយពេលជាមួយមនុស្សដែលមិនដែលក្បែរអ្នកសោះក្នុងថ្ងៃអ្នកមានទុក្ខ និងដុនដាបបំផុត តែមករកអ្នកពេលគេគ្មានអ្នកណានៅក្បែរគេសោះ
៦. កុំខ្ជះខ្ជាយពេលជាមួយមនុស្សដែលមើលឃើញតែកំហុសអ្នក មិនដែលមើលឃើញកំហុសគេ
៧. កុំខ្ជះខ្ជាយពេលជាមួយមនុស្សដែលរុញអ្នកចេញពេលគេមានអ្នកផ្សេង ហើយមករកអ្នកវិញពេលគេត្រូវម្នាក់នោះទាត់ក្បាលចោល
៨. កុំខ្ជះខ្ជាយពេលជាមួយមនុស្សដែលមិនដែលនឹកនាសួរសុខទុក្ខអ្នកសោះ ខណៈអ្នកតែងតែងធ្វើអ្វីជាច្រើនដើម្បីគេ
៩. កុំខ្ជះខ្ជាយពេលជាមួយមនុស្សដែលយកអ្នកទៅប្រៀបធៀបជាមួយអ្នកផ្សេង ទាំងអ្នកមិនដែលយកគេទៅប្រៀបជាមួយអ្នកណាសោះ
១០. កុំខ្ជះខ្ជាយពេលជាមួយមនុស្សដែលចេះតែធ្វើឲ្យអ្នកយំ ទាំងមិនដែលចេះធ្វើឲ្យអ្នកសើច
នៅជាមួយមនុស្សបែបនេះគឺហត់ណាស់ ហើយគ្មានថ្ងៃណាដែលអ្នកអាចរស់នៅដោយសប្បាយចិត្ត្នោះទេ ដូច្នេះគួរតែលះបង់ទៅ៕
ចុចអាន៖ទោះស្រឡាញ់ប៉ុណ្ណាក៏ដោយឲ្យតែប្រើចរិត ៦នេះដឹងតែធ្វើឲ្យគេធុញហើយ