ស្មានតែនៅជិតស្និទ្ធ ដឹងអី Lay និង Kris មិនខ្ចីមើលមុខគ្នាពេលចូលរួមកម្មវិធីតែមួយ

2018-05-17 03:12:35
ចំនួនមតិ 0 | ចំនួនចែករំលែក 0

សកម្មភាពរបស់តារាចម្រៀងល្បីឈ្មោះ Lay និង Kris បានធ្វើឲ្យអ្នកគាំទ្ររបស់ក្រុមចម្រៀង EXO អស់សង្ឃឹមជាខ្លាំង។

កាលពីថ្ងៃទី១៤ខែឧសភាកន្លងទៅនេះ តារាចម្រៀងយុវវ័យ២ដួង Kris និង Lay ដែលធ្លាប់តែជាមិត្តរួមក្រុមនៅក្នុងក្រុមចម្រៀង EXO នោះ បានចូលរួមក្នុងកម្មវិធីប្រគល់រង្វាន់ចម្រៀងមួយនៅទីក្រុងប៉េកាំង ប្រទេសចិន។

គួរបញ្ជាក់ផងដែរថា ទាំង Kris និង Lay គឺសុទ្ធតែជាសមាជិកជនជាតិចិនទាំងអស់នៅក្នុងក្រុមចម្រៀង EXO។ យ៉ាងណាក្ដី Kris បានចាកចេញពីក្រុមចម្រៀងខាងលើកាលពីឆ្នាំ២០១៤។ អ្នកគាំទ្របានគិតថា ទោះបីជាចាកចេញហើយក្ដី តែអ្នកទាំង២ប្រាកដជានៅរក្សាទំនាក់ទំនងនឹងគ្នា។ យ៉ាងណាក្ដី សកម្មភាពថ្មីបំផុតរបស់ប្រុសស្អាតទាំង២បានធ្វើឲ្យគេដឹងថា វាគ្រាន់តែជាការស្រមៃតែប៉ុណ្ណោះ។

ជាក់ស្ដែង នៅក្នុងកម្មវិធីខាងលើ ទោះបីជាទទួលបានពានរង្វាន់ដូចគ្នា ហើយត្រូវឡើងថតរូបជុំគ្នានោះ ក៏ប្រុសស្អាត Kris បានដើរកាត់អតីតមិត្តរបស់ខ្លួនដូចមិនដែលស្គាល់គ្នា។ រីឯ Lay ក៏ហាក់មិនចង់និយាយអីជាមួយ Kris ដូចគ្នា៕