ទម្លាប់ច្រំដែលៗ ៦ យ៉ាងស្រីៗចូលចិត្តធ្វើ ហើយប្រុសៗស្អប់រកលេខដាក់គ្មាន

2018-05-17 01:00:00
ចំនួនមតិ 0 | ចំនួនចែករំលែក 0

ទម្លាប់ខ្លះរបស់មនុស្សស្រីអាចធ្វើឲ្យបុរសរឹតតែស្រលាញ់ តែទម្លាប់ខ្លះទៀតវិញមានតែធ្វើឲ្យដៃគូស្អប់ ឬធុញទ្រាន់ខ្លាំងឡើងៗប៉ុណ្ណោះ។ ៦ យ៉ាងនេះជាទម្លាប់ច្រំដែលៗ ប្រុសៗស្អប់បំផុតហើយ៖

១.ប្រកែកគ្នានៅទីសាធារណៈ

នេះជារឿងដែលធ្វើឲ្យមនុស្សប្រុសស្ទើរតែឆ្កួតបាន។ កុំព្យាយាមរករឿងឈ្លោះគ្នា រួចទាមទារចុះពីលើឡាន ម៉ូតូ នៅតាមផ្លូវអី ព្រោះអ្នកដទៃនឹងគិតថាខាងប្រុសជាអ្នកខុស។ ដូចនេះពេលមានបញ្ហាអ្វីមួយចាំទៅដល់ផ្ទះ សឹមនិយាយគ្នាចុះ។

២.រិះគន់មិត្តប្រុសនៅមុខគេមុខឯង

ការរិះគន់មិត្តប្រុសរបស់អ្នកនៅចំពោះមុខអ្នកដទៃ ដូចជាអាក្រក់មើលពេកហើយ។ មិនត្រឹមតែអ្នកធ្វើឲ្យគាត់មានអារម្មណ៍មិនល្អចំពោះខ្លួនឯងប៉ុណ្ណោះទេ អ្នកកំពុងធ្វើឲ្យអ្នកដទៃដែលមិនដឹងរឿងវាយតម្លៃគាត់ជាមនុស្សប្រុសយ៉ាប់ទៀតផង។

៣.ធ្វើឫកពាជាលង់ស្នេហ៍ប្រុសដទៃ នៅចំពោះមុខគាត់

ការដែលអ្នកលង់ស្នេហ៍ប្រុសដទៃនៅនឹងមុខ នេះជាការបំបាក់មុខដៃគូស្រស់ៗតែម្ដង។ មនុស្សប្រុសទោះជាមិននិយាយ តែបេះដូងគាត់បានប្រេះស្រាំបាត់ទោហើយ ពេលឃើញមិត្តស្រីខ្លួនសរសើរប្រុសដទៃនៅនឹងមុខខ្លួនបែបនេះ។

៤.ជជីកសួរមិត្តភ័ក្ដិគាត់នូវចំណុចខ្សោយ ពេលខឹង

អ្នកមិនគួរទៅមិត្តភ័ក្ដិរបស់គាត់នៅពេលដែលអ្នកកំពុងខឹងពីអ្វីមួយនោះទេ ជាពិសេសប្រសិនបើអ្នកសង្ស័យរឿងអ្វីមួយ ព្រោះនេះជារឿងអាម៉ាស់សម្រាប់គាត់។

៥.ព្យាយាមផ្លាស់ប្ដូរគាត់

មនុស្សប្រុសស្អប់បំផុតនៅពេលដែលមិត្តស្រីព្យាយាមប្រាប់គាត់ពីអ្វីដែលគាត់គួរ ឬមិនគួរពាក់ សូម្បីតែមិត្តភ័ក្ដិដែលធ្លាប់រាប់អាន ក៏លែងឲ្យមានទំនាក់ទំនង។ នេះមានន័យថា អ្នកកំពុងព្យាយាមផ្លាស់ប្ដូរគាត់តាមអ្វីដែលអ្នកចង់បាន ដោយមិនគិតពីអារម្មណ៍ម្ខាងទៀត។

៦.យករឿងអាម៉ាស់គាត់មកលេងសើច

វាពិតជាគួរឲ្យខឹងខ្លាំងណាស់ សម្រាប់បុរសនៅពេលមិត្តស្រីខ្លួនយករឿងអាម៉ាស់មកធ្វើជាការកម្សាន្ត។ រឿងដែលកន្លងហួសទាំងនោះ គាត់ពិតជាស្អប់ ហើយបើអ្នកយកវាមកធ្វើជារឿងលេងសើចនោះពិតជារឿងគួរឲ្យស្ងប់ខ្លាំង៕

ចុចអាន៖មនុស្សស្រី ៥ ប្រភេទនេះ ស្ថិតក្នុងបញ្ជីខ្មៅរបស់ប្រុសៗ

ប្រភព៖ herinterest ប្រែសម្រួល៖ ទ្រី រ៉ាវី