មិនថាហត់ ឬឈឺយ៉ាងណាទេ ឮសម្ដីប៉ុន្មានឃ្លានេះពីមនុស្សស្រីខ្លួនស្រលាញ់ ប្រុសៗមានកម្លាំងវិញភ្លាម
- 2018-05-16 09:30:00
- ចំនួនមតិ 0 | ចំនួនចែករំលែក 0
មិនថាហត់ ឬឈឺយ៉ាងណាទេ ឮសម្ដីប៉ុន្មានឃ្លានេះពីមនុស្សស្រីខ្លួនស្រលាញ់ ប្រុសៗមានកម្លាំងវិញភ្លាម
ពេលឈឺ ឬហត់នឿយប្រុសៗបើបានស្ដាប់ឮសម្ដីប៉ុន្មានឃ្លានេះពីមនុស្សស្រីដែលខ្លួនស្រលាញ់ នឹងមានកម្លាំងវិញភ្លាម។ បើពិបាកនិយាយផ្ទាល់មាត់ អ្នកអាចផ្ញើសារជាអក្សរ ឬសំឡេងនូវសារ ៩ ឃ្លាខាងក្រោម នោះពេលឃើញប្រុសៗបាត់ភាពនឿយហត់អស់ជាមិនខាន៖
១.«ខ្ញុំស្រលាញ់អ្នក ព្រោះអ្នកធ្វើឲ្យខ្ញុំមានអារម្មណ៍ថា ជានារីតែម្នាក់នៅក្នុងជីវិតរបស់អ្នក ហើយខ្ញុំសង្ឃឹមថាការស្រលាញ់របស់អ្នក មិនផ្លាស់ប្ដូរចុះ»។
**២**.«សឹងតែមិនជឿថា រយៈពេលដែលយើងស្រលាញ់គ្នា អ្នកអាចធ្វើឲ្យខ្ញុំកែប្រែទម្លាប់មួយចំនួនបានយ៉ាងងាយ ដូចនេះខ្ញុំមិនហ៊ានស្រមៃទេថា បើថ្ងៃណាមួយគ្មានអ្នកនៅក្បែរជីវិតខ្ញុំនឹងទៅជាយ៉ាងណានោះ»។
៣.«អ្នកអាចមិនដឹងថា ការស្រលាញ់ដែលខ្ញុំមានចំពោះអ្នកធំធេងប៉ុណ្ណា តែនោះវាមិនសំខាន់ឡើយ សូមត្រឹមតែដឹងថា ខ្ញុំគ្មានសេសសល់ចំណែកបេះដូងទុកឲ្យអ្នកផ្សេងឡើយ»។
៤.«មិនចាំបាច់ដល់បានជួបមុខ គ្រប់ពេលត្រឹមតែនឹកឃើញអ្នកក៏ខ្ញុំសប្បាយរីករាយរកអ្វីប្រៀបមិនបានបាត់ទៅហើយ»។
៥.«នៅពេលណាដែលមានការលំបាកក្នុងជីវិត ខ្ញុំគ្រាន់តែគិតពីអ្នក ស្រាប់តែធ្វើឲ្យខ្ញុំអាចដោះស្រាយអ្វីៗបានយ៉ាងងាយ»។
៦.«មនុស្សខ្លះចូលមកក្នុងជីវិត ដើម្បីបង្រៀនមេរៀនមួយ ហើយបន្ទាប់មកក៏ចាកចេញ។ តែសម្រាប់ខ្ញុំពេលចូលទៅក្នុងជីវិតអ្នកហើយ គឺមិនអាចចេញវិញបានទេ ព្រោះខ្ញុំទៅដើម្បីស្នាក់នៅរៀងរហូត»។
៧.«មនុស្សជាច្រើនបានសួរខ្ញុំថា "មូលហេតុបានជាខ្ញុំស្រស់ស្រាយអ្វីម្ល៉េះ? មានអាថ៌កំបាំងថែរក្សាសម្រស់អ្វីជាពិសេសដែរទេ “? ខ្ញុំមិនដឹងឆ្លើយបែបណាទេ ព្រោះគ្មានអ្វីក្រៅពីមានអ្នកនៅក្បែរខ្លួនផង»។
៨.«មិនមានវិធីគ្រប់គ្រាន់នៅក្នុងពិភពលោក ដើម្បីពន្យល់យ៉ាងពិតប្រាកដដល់អ្នកថា ហេតុអ្វីខ្ញុំស្រលាញ់អ្នក គ្រាន់តែចង់បកស្រាយចំណុចមួយថា អ្នកគឺជាពិភពលោករបស់ខ្ញុំ»។
៩.«ជារៀងរាល់ថ្ងៃខ្ញុំមានអារម្មណ៍ថាខ្លួនឯង កាន់តែស្រលាញ់អ្នកខ្លាំងឡើងៗ ទោះមិនបានទទួលអ្វីពីអ្នកបន្តិចសោះក៏ដោយ»៕
ចុចអាន៖ស្រីៗប្រយ័ត្នអត់ដឹង! សញ្ញាទាំង១០បញ្ជាក់ថា សង្សារកំពុងប្រចណ្ឌងំ តែខំធ្វើដូចអត់