រូបមន្ត ៣យ៉ាងជួយឲ្យបបូរមាត់ខ្មៅ ប្រេះ ត្រឡប់មកស្អាតស៊ីជម្ពូវិញបានយ៉ាងងាយ

2018-05-16 02:41:57
ចំនួនមតិ 0 | ចំនួនចែករំលែក 0

បបូរមាត់មនុស្សស្រីគឺជាផ្នែកដ៏ទាក់ទាញបំផុត ដូច្នេះបើបបូរមាត់ខ្មៅ ប្រេះ ស្ងួតមិនស្អាតនោះ ភាពជឿជាក់ក៏បានបាត់បង់ទៅតាមហ្នឹងដែរ។ ខាងក្រោមនេះ កញ្ញា នឹងលើកយករូបមន្ត ៣យ៉ាង សម្រាប់ជួយព្យាបាលបបូរមាត់ខ្មៅ ប្រេះដែលជារឿងរំខានចិត្តរបស់នារីៗមួយចំនួន ៖

១. ស្ករស និងទឹកឃ្មុំ

២ មុខនេះគឺជារូបមន្តគោលមួយដែលងាយស្រួលក្នុងការរកគ្រឿងផ្សំព្រោះមានតែ ២មុខប៉ុណ្ណោះ។ ស្ករស និងទឹកឃ្មុំជួយកាត់ចេញនូវកោសិកាងាប់ៗ និងបណ្ដុះមកវិញនូវកោសិកាថ្មីៗ។ ម្យ៉ាងទៀតវាជួយផ្ដល់សំណើមដល់បបូរមាត់ មិនឲ្យបបូរមាត់ស្ងួត និងប្រេះ។ សាកវិធីនេះអ្នកនឹងឃើញលទ្ធផលជាទីគាប់ចិត្ត។

២. ស្ករស ទឹកឃ្មុំ និងក្រូចឆ្មា

លាយ៣មុខនេះលាយចូលគ្នា បន្ទាប់មកយកមកខាត់នៅបបូរមាត់ ប៉ុន្តែកុំញ៉ាំព្រោះបើញ៉ាំអ្នកនឹងញ៉ាមដោយសារតែវាឆ្ងាញ់។ ខាត់បបូរមាត់ថ្នមៗរួចទុក២ ទៅ៣នាទី សឹមលាងជាមួយទឹកក្ដៅឧណ្ហៗ។

៣. ប្រេងអូលីវ និងស្ករស

ប្រេងអូលីវជួយឲ្យបបូរមាត់មានសំណើម និងជួយបំបាត់ការប្រេះ និងរបក។ គ្រឿងផ្សំ ២មុខនេះនឹងអាចជួយព្យាបាលបបូរមាត់ខ្មៅ និងប្រេះរបស់អ្នកបានយ៉ាងល្អបំផុត។ លាយវាចូលគ្នាហើយខាត់នៅលើបបូរមាត់ រួចលាងទឹកចេញជាការស្រេច។