មនុស្សស្រី ៥ ប្រភេទនេះ ស្ថិតក្នុងបញ្ជីខ្មៅរបស់ប្រុសៗ
- 2018-05-15 06:00:00
- ចំនួនមតិ 0 | ចំនួនចែករំលែក 0
មនុស្សស្រី ៥ ប្រភេទនេះ ស្ថិតក្នុងបញ្ជីខ្មៅរបស់ប្រុសៗ
អត្តចរិតមនុស្សគ្រប់រូបមានមកជាមួយតាំងពីកំណើត ហើយវាជារឿងដែលពិបាកកែប្រែបំផុត។ ដូចនេះប្រសិនកែប្រែមិនបានទេ កុំបន្ទោសថាខ្លួនហេតុអ្វីនៅតែគ្មានគូស្រករដូចអ្នកដទៃអី ព្រោះប្រុសៗខ្លាចស្រីៗ ៥ ប្រភេទនេះបំផុត៖
១. ស្រីជីករណ្ដៅ
សំដៅលើមនុស្សស្រីដែលឃើញតែទ្រព្យរបស់គេនៅក្នុងចំណងមនោសញ្ចេតនា។ ពេលចាប់ផ្ដើមក៏ដោយសារលុយ ពេលបញ្ចប់ក៏ដោយសារលុយ។ នៅពេលដៃគូអស់ទ្រព្យហើយ នាងក៏បោសគូទដើរចេញពីគេដែរ។ នេះគឺជាប្រភេទមនុស្សស្រីដែលគេខ្លាចបំផុត បើរឿងរបស់នាងត្រូវគេទម្លាយចេញក្រៅ។
**២. ចូលចិត្តប្រៀបធៀប**
ស្រដៀងគ្នានឹងស្រីៗប្រភេទខាងលើដែរ នារីដែលចូលចិត្តការប្រៀបធៀបទឹកលុយរបស់សង្សារខ្លួននឹងសង្សារអ្នកដទៃ ក៏មិនអាចមានគូ ព្រោះសូម្បីតែការងារ សម្ភារៈនិយម និងរឿងតូចតាចដទៃទៀតក៏ប្រៀបធៀបមិនឈប់។ ប្រៀបធៀបចំណុចមិនទាន់ល្អ ដើម្បីស្ថាបនាគឺមិនអីទេ តែបើប្រៀបធៀបដើម្បីចំអន់គេ គឺពុំគួរសោះតែម្ដង។
៣. ម្ញែក ឬញ៉ិកញ៉ក់ជ្រុល
ការធ្វើម្ញ៉ិកម្ញ៉ក់ខ្លះក៏គួរឲ្យស្រលាញ់ដែរ តែបើធ្វើអ្វីក៏រំអួយនោះ ត្រូវមើលឡើងវិញ។ មិនត្រឹមតែសង្សារធុញនោះទេ ពេលរំអួយពេកទៅ អ្នកដទៃក៏ពិបាកមើលដែរ។
៤. ធ្វើដូចឯងធ្លាប់ប្រឡូកអស់
ជក់បារី ចូលក្លឹប ដាច់យប់ក្រៅផ្ទះ គឺនាងថានាងប្រឡូកអស់ហើយ មើលទៅដូចពិភពលោកនេះគ្មានអ្វីដែលនាងមិនធ្លាប់ឆ្លងកាត់នោះទេ។ អ្នកគួរដឹងថា រវាងក្អេងក្អាង និងចាស់ទុំគឺខុសគ្នា។ អ្នកចាស់ទុំ ទោះបីជាគេធ្លាប់ឆ្លងកាត់ហើយក្ដី ក៏គេមិនបង្ហាញចរិតដូចខាងលើចេញមកដែរ។
៥. សាវា
សម្រាប់បុរសដែលមានមនោសញ្ចេតនាជ្រាលជ្រៅ ទោះបីជាដឹងថាសង្សារមានអ្នកថ្មី ក៏គេអាចនៅគ្រាំទ្រូងទទួលយកបានដែរ ឲ្យតែស្រីម្នាក់នោះនៅមានចិត្តលើគេ។ តែនេះមិនមែនជាករណីដែលឧស្សាហ៍ឃើញឡើយ ព្រោះនៅពេលមនុស្សប្រុសធំក្លិនសញ្ញាមនុស្សស្រីសាវាហើយ គេអាចដាក់មេផាយមុនពេលមនុស្សស្រីនោះដឹងខ្លួនទៅទៀត៕
ចុចអាន៖ស្រីៗប្រយ័ត្នអត់ដឹង! សញ្ញាទាំង១០បញ្ជាក់ថា សង្សារកំពុងប្រចណ្ឌងំ តែខំធ្វើដូចអត់