បើគេជ្រើសអ្នកផ្សេង អ្វីដែលអ្នកត្រូវធ្វើមិនមែនយំទេ តែត្រូវធ្វើឲ្យគេស្ដាយ
- 2018-05-12 02:34:42
- ចំនួនមតិ 0 | ចំនួនចែករំលែក 0
បើគេជ្រើសអ្នកផ្សេង អ្វីដែលអ្នកត្រូវធ្វើមិនមែនយំទេ តែត្រូវធ្វើឲ្យគេស្ដាយ
មានមនុស្សស្រីមួយចំនួនបានធ្វើបាបខ្លួនឯងបន្ទាប់ពីសង្សារខ្លួនដើរចេញទៅយកអ្នកផ្សេង។ យល់ថាវាឈឺចាប់ វាពិបាកទទួលយក ប៉ុន្តែនោះមិនមែនជាអ្វីដែលអ្នកត្រូវធ្វើបន្ទាប់ពីបែកបាក់គ្នានោះទេ។
មានហេតុផលជាច្រើនដែលធ្វើឲ្យមនុស្សពីរនាក់បែកគ្នា ប៉ុន្តែបើសិនជាអ្នកបែកគ្នាដោយសារគេមានថ្មី ហើយមកដេកយំ ដេកកើតទុក្ខ ស្គមស្គាំងនោះ អ្នកពិតជាអន់ពេកហើយ។ គេអាចមានហេតុផលដែលចោលអ្នកទៅយកម្នាក់នោះ ប៉ុន្តែហេតុផលតែមួយគត់ដែលអ្នកត្រូវដឹងនោះគឺអ្នកនឹងក្លាយជាអ្នកចាញ់ពិតប្រាកដបើសិនជាអ្នកហ៊ានធ្វើបាបខ្លួនដោយសារគេ។
ហេតុអីត្រូវដេកយំ ដេកឈឺចាប់ខណៈពេលមនុស្សពីរនាក់នោះកំពុងតែល្អូកល្អើនជាមួយគ្នា? ហេតុអីត្រូវឲ្យគេធ្វើបាបចិត្តអ្នកបាន? បើគេជ្រើសអ្នកផ្សេង អ្វីដែលអ្នកត្រូវធ្វើមិនមែនយំទេ តែត្រូវធ្វើឲ្យគេស្ដាយ ហើយស្ដាយរកអ្វីជំនួសមិនបាន។ ត្រូវធ្វើឲ្យគេដឹងថាគេចោលអ្នកគឺជាកំហុសដ៏ធំបំផុតក្នុងជីវិតរបស់គេ ហើយទោះគេទៅដល់ទីណាក៏គេមិនអាចបំភ្លេចរឿងទាំងនេះបានដែរ។
ចាំណា ត្រូវរស់នៅឲ្យមានក្ដីសុខបំផុត ត្រូវរស់នៅឲ្យបានល្អជាងគេ មានអ្វីៗល្អជាងគេ។ កុំធ្វើឲ្យគេទាំងពីរនាក់នោះសើចចំអកឲ្យអ្នក តែត្រូវឲ្យពួកគេខ្មាសអ្នក។ កុំដោយសារមនុស្សក្បត់ម្នាក់អ្នកធ្វើបាបខ្លួន អ្នកបោះចោលជីវិតនៅសល់ច្រើនទៀតព្រោះគេគ្មានតម្លៃដល់ថ្នាក់នេះទេ។
អរគុណគេទៅដែលចោលអ្នក ហើយទៅជ្រើសអ្នកផ្សេងព្រោះបើគេមិនធ្វើបែបនេះអ្នកនឹងមិនដឹងថាគេជាមនុស្សបែបនេះទេ។ រឹតតែល្អជាងនេះទៀតគឺអ្នកមិនបានរស់នៅជាមួយមនុស្សសាវាបែបនេះ ហើយក៏ត្រូវអរគុណគេដែរព្រោះជាគេដែលធ្វើឲ្យអ្នកមានជីវិតល្អជាងពីមុន៕
ចុចអាន៖បើគេបដិសេធន៍ស្នេហ៍ ៥ចំណុចនេះត្រូវតែធ្វើដើម្បីកុំឲ្យឆ្កួតចិត្តកាន់តែខ្លាំង