មួយឆ្នាំមាន Anniversary ម្ដង គូស្នេហ៍គួរធ្វើរឿង ៦ យ៉ាងនេះ ទើបសាងភាពផ្អែមល្ហែមអស់ពីចិត្ត
- 2018-05-08 09:00:00
- ចំនួនមតិ 0 | ចំនួនចែករំលែក 0
មួយឆ្នាំមាន Anniversary ម្ដង គូស្នេហ៍គួរធ្វើរឿង ៦ យ៉ាងនេះ ទើបសាងភាពផ្អែមល្ហែមអស់ពីចិត្ត
ដើម្បីឲ្យចំណងស្នេហ៍កាន់តែរឹងមាំថែមទៀតនោះ នៅថ្ងៃ Anniversary គូស្នេហ៍ទាំងឡាយគួរតែចំណាយពេលធ្វើរឿងទាំងនេះជាមួយគ្នា។ នេះគឺជាគំនិត ៦ យ៉ាងសាមញ្ញៗ សម្រាប់បង្កើនមនោសញ្ចេតនានៅថ្ងៃពិសេស៖
១.ត្រឡប់ទៅកន្លែងដែលអ្នកទាំងពីរជួបគ្នាដំបូង
មិនថាអ្នកបានជួបគ្នាលើកដំបូងនៅកន្លែងណាឡើយ ថ្ងៃដ៏សំខាន់បែបនេះគួរតែត្រឡប់ទៅទីនោះវិញ ដើម្បីរំលឹកគ្រាដំបូងដែលបេះដូង និងកែវភ្នែករត់ត្របាញ់រកគ្នា។ វិធីនេះនឹងធ្វើឲ្យអារម្មណ៍អ្នកទាំងពីរដូចចាប់ផ្ដើមស្រលាញ់គ្នាម្ដងទៀត។
**២.ធ្វើអាហារទៅញ៉ាំនៅកន្លែងពិចនិច**
រឿងផ្អែមល្ហែមបែបនេះ គួរតែធ្វើនៅថ្ងៃកំណើតស្នេហ៍របស់អ្នក និងយកឱកាសនោះបង្ហាញប្រាប់គ្នាទៅវិញទៅមកពីការឆ្លងកាត់រឿងជាច្រើនកន្លងមក។ ធ្វើអាហាររួមគ្នា ឬទិញក៏បានអ្វីដែលដៃគូអ្នកចូលចិត្ត ហើយអង្គុយញ៉ាំលេងស្រូបយកខ្យល់អាកាសបរិសុទ្ធ។
៣.ឲ្យកាដូធ្វើដោយដៃផ្ទាល់
ក្នុងឱកាសពិសេសបែបនេះ មានតែកាដូដែលធ្វើឡើងដោយអ្នកផ្ទាល់ប៉ុណ្ណោះទេ ទើបសក្ដិសមបំផុត។ ព្រោះវាអាចបញ្ជាក់ពីទំហំនៃក្ដីស្រលាញ់ តាមរយៈការខិតខំច្នៃរបស់នោះឡើង។ អ្នកអាចប៉ាក់កូនកន្សែងដែលអាចឲ្យដៃគូដាក់តាមខ្លួនជាប់ ឬកន្សែងបង់កជាដើម។
៤.ជប់លៀងពេលល្ងាចតែពីរនាក់
ប្រសិនបើមិនមានពេលទៅពិចនិច ឬកន្លែងជប់គ្នាដំបូង អ្នកអាចរៀបចំកន្លែងជប់លៀងនៅផ្ទះ ដោយចម្អិនអាហារបែបសាមញ្ញ និងរៀបចំភ្លើងទាន ព្រមទាំងមានស្រាក្រហមមួយដបផង។
៥.នាំគ្នាធ្វើរឿដែលមិនធ្លាប់សោះ
អ្នកអាចនាំគ្នាទៅកម្សាន្តនៅសួនសត្វ ឬទៅលេងហ្គេមដែលពីមុនមិនធ្លាប់បានធ្វើ។ ព្រោះវាជួយឲ្យអ្នកទាំងពីរសាងអ្វីថ្មីរួមគ្នា និងចំថ្ងៃ Anniversary តែម្ដង។
៦.ទៅមើលថ្ងៃលិចតែពីរនាក់
ការទៅមើលថ្ងៃលិច គឺជារឿងកម្របំផុតសម្រាប់គូស្នេហ៍នីមួយ។ ដូចនេះ ត្រូវចេះឆ្លៀតយកឱកាសពិសេសនេះតែម្ដង ទៅធ្វើរឿងដ៏សែនរ៉ូមែនទិក ដើម្បីមានអនុស្សាវរីយមិនអាចភ្លេចបានជាមួយគ្នា៕
ចុចអាន៖ទង្វើ៧យ៉ាង មនុស្សប្រុសធ្វើតែជាមួយនារីដែលខ្លួនស្រលាញ់ពិតប្រាកដប៉ុណ្ណោះ