ស្រ្តីដែលបរិភោគត្រកួនច្រើន អាចទទួលបានអត្ថប្រយោជន៍ទាំងនេះ
- 2018-05-07 06:00:00
- ចំនួនមតិ 0 | ចំនួនចែករំលែក 0
ស្រ្តីដែលបរិភោគត្រកួនច្រើន អាចទទួលបានអត្ថប្រយោជន៍ទាំងនេះ
ត្រកួនគឺជាបន្លែម៉្យាងដែលមានរសជាតិឆ្ងាញ់ និងងាយស្រួលរកទិញ។ វាក៏ជាមុខម្ហូបដ៏ឆ្ងាញ់ពិសាសម្រាប់អាហារប្រចាំថ្ងៃផងដែរ។
ប៉ុន្តែបន្លែដ៏សាមញ្ញនេះ អាចផ្ដល់អត្ថប្រយោជន៍ជាច្រើនដល់សុខភាពមនុស្សស្រីដូចជា៖
១. ផ្ទុកទៅដោយជាតិដែកខ្ពស់ដែលល្អចំពោះស្រីមានផ្ទៃពោះ
ក្នុងកំឡុងពេលស្ត្រីមានផ្ទៃពោះឈាមត្រូវការជាតិដែកខ្ពស់ជាងពេលរាល់ដងដើម្បីបញ្ចូលអុកស៊ីហ្សែនទៅសារពាង្គកាយ។ ដូច្នេះញ៉ាំត្រកួនឬបន្លែផ្សេងៗដែលផ្ទុកជាតិដែកខ្ពស់ចាំបាច់សម្រាប់ស្ត្រីមានផ្ទៃពោះ។
២. កាត់បន្ថយភាពស្លេកស្លាំង
ញ៉ាំត្រកួនជួយឲ្យបំបាត់ភាពស្លេកស្លាំងបាន។ ព្រោះអាការស្លេកស្លាំងអាចបណ្ដាលមកជំងឺខ្វះជាតិដែក ( Anemia) ដូចនេះញ៉ាំត្រកួនឲ្យបានច្រើននិងជួយបំបាត់អាការទាំងនេះ។
៣. បន្ថយគ្លុយកូសក្នុងឈាម
ត្រកួនមានសមត្ថភាពអាចបន្ថយជាតិស្ករក្នុងឈាម ដែលល្អចំពោះអ្នកជំងឺទឹកនោមផ្អែម។
៤. ល្អចំពោះប្រព័ន្ធរំលាយអាហារ
ត្រកួនជំរុញឲ្យប្រព័ន្ធរំលាយអាហារដើរស្រួលមិនធ្វើឲ្យអ្នកមានអារម្មណ៍ចុកឆ្អល់ពេលអាហារមិនរំលាយ។ វាមានប្រសិទ្ធភាពខ្លាំង ពេលអ្នកបរិភោគឆៅ។
៥. ជួយសម្រកទម្ងន់
ត្រកួនមានរសជាតិឆ្ងាញ់ ហើយពិសេសត្រង់ថាមានកាឡូរីទាបដែលមិនធ្វើឲ្យឡើងទម្ងន់ទោះញ៉ាំច្រើននោះឡើយ។ ម៉្យាងទៀតវាមានជាតិ កាកសរសៃខ្ពស់ដែលជួយដល់ការបន្ទោបង់បានទៀងទាត់ទៀតផង។
៦. មានប្រូតេអ៊ីន និងវីតាមីនមានប្រយោជន៍ច្រើនមុខ
បន្លែនេះមានប្រូតេអ៊ីនដែលជួយទ្រទ្រង់រាងកាយ និងសំបូរទៅដោយវីតាមីនដូចជា វីតាមីន A និង C ដែលមានសារធាតុប្រឆាំង Antioxidants វីតាមីន B បំប៉នកម្លាំង និងកាល់ស្យូមធ្វើឲ្យឆ្អឹងរឹងមាំផងដែរ៕
ចុចអាន៖ហេតុផល៥យ៉ាងដែលអ្នកគួរតែញាំសាលាដរៀងរាល់ថ្ងៃ