កន្លែងធ្វើការចេះតែមានរឿងមិនចេះចប់? ប្រយ័ត្នមកពីរៀបតុធ្វើការខុសក្បួន

2018-05-07 00:33:00
ចំនួនមតិ 0 | ចំនួនចែករំលែក 0

សម្រាប់មនុស្សពេញវ័យមួយចំនួន ចំណាយពេលនៅកន្លែងធ្វើការច្រើនជាងនៅផ្ទះទៀតផង ដូចនេះបើរៀបតុធ្វើការមិនត្រូវទេ អាចនាំក្ដៅក្រហាយយូរអង្វែង។ ចូរមើលចំណុចខាងក្រោម ថាតើអ្នករៀបតុធ្វើការត្រូវឬអត់។

តាមក្បួនហុងស៊ុយពីរ៉ាមីត តុធ្វើការធ្វើមិនគួរទល់ខ្នងនឹងទ្វារនោះឡើយ គួរបែរតុធ្វើការទៅកាន់ទ្វារ ឬផ្លូវដើរ ទើបម្ចាស់តុមានភាពជឿជាក់ និងមិនភ្ញាក់ផ្អើលរាល់ពេលមានគេបើកទ្វារចូលម្ដងៗ។ ធ្វើដូចនេះ យើងអាចគ្រប់គ្រងអារម្មណ៍បានល្អគ្រប់ពេល។

បើសិនជាអ្នកមិនសំណាងត្រូវគេរៀបចំឲ្យអង្គុយបែរខ្នងនឹងទ្វារនោះ អាចកែតម្រូវជោគជតាបានដោយតិចនិកខាងក្រោម៖

ដាក់កញ្ចក់មួយបែរទៅកាន់មាត់ទ្វារ ដើម្បីយើងអាចដឹងរឿងនៅជុំវិញបាន និងមិនភ្ញាក់ផ្អើលពេលមានការបើកចេញចូល។ បើខាងក្រោយអ្នកមានបង្អួចធំមួយនោះ អាចយកវាំងននមកបាំងបាន ហើយនៅគែមបង្អួច អាចប្រើភូគោលដើម្បីរក្សាតុល្យភាពឲ្យតុធ្វើការរបស់អ្នក។

បន្ថែមពីនេះទៀត អីវ៉ាន់ដែលមានថាមពលច្រើនគួរដាក់ខាងឆ្វេងតុធ្វើការ ហើយឥវ៉ាន់មានថាមពលតិចគួរដាក់ខាងស្ដាំដៃ។ ឧទាហរណ៍ ទូរសព្ទ កុំព្យូទ័រ និងម៉ាស៊ីនគិតលេខ គួរដាក់ខាងឆ្វេងដៃ ហើយសម្ភារៈការិយាល័យដូចជា ប៊ិច សៀវភៅ គួរដាក់ខាងស្ដាំទើបថាមពលមានលំនឹង។ បើសិនជាបរិយាកាសនៅក្រុមហ៊ុនមានភាពតឹងរ៉ឹងនោះ យើងអាចដាក់ថូផ្កាតូចមួយនៅលើតុ ដើម្បីបន្សាបបរិយាកាសនេះ៕

ចុចអាន៖

ប្រភព៖ netlife ប្រែសម្រួល៖ Caramel